Antonio Rey Somoza é o gañador do Premio de Historia Medieval de Galicia do ano 2011

“A edición número once do Premio de Historia Medieval de Galicia foi para a obra A nobreza na poesía lírica Galego-Portuguesa, de Antonio Rey Somoza. O xurado, reunido no Concello de Noia, o dezasete de decembro de dous mil once, cabodano do Mariscal Pardo de Cela, estivo formado D. Henrique Monteagudo como presidente e, como vocais, D. Xerardo Agrafoxo Pérez, D. Clodio González Pérez, D. Pedro García Vidal e D. Marcos Fernández Ferreiro; actuando como secretario, sen voto, Don David González Couso. O Premio é outorgado conxuntamente por Toxosoutos e os concellos de Carnota, Muros, Outes, Lousame, Noia e Porto do Son. A obra explora a información que ofrece o cancioneiro trobadoresco galego-portugués (no seu sector satírico) e as Cantigas de Santa María de Afonso X o Sabio, un corpus textual que corresponde á situación plenomedieval (século XIII) do centro e o occidente da Península ibérica. Un traballo que salienta polo seu carácter interdisciplinar, ao mostrar a utilidade da explotación dos textos literarios como fonte de información histórica, complementaria e nalgúns aspectos (por exemplo, no terreo das mentalidades) superior á obtida das fontes documentais tradicional. Os ideais e actitudes da nobreza son presentados coas mesmas palabras de individuos da época; os valores e o modo de vida nobiliar aparecen vividamente retratados; queda de manifesto a rigorosa estratificación da sociedade medieval -mesmo no interior do propio estamento privilexiado- reflectida na súa simboloxía e na ironía/sarcasmo das cantigas; tamén se recupera información de interese dende o punto de vista da relixiosidade (o culto mariano, a cuestión das milagres, etc); e, por suposto, información referida ao campo da cultura medieval e mesmo á historia do humor e o entretemento. Desde o punto de vista do propio premio, ten outra cualidade: abre as portas aos estudos que combinan a historiografía coa filoloxía, un aspecto previsto desde o comezo, pero ao que raramente se lle deu acollida.” Vía Asociación Galega de Editores.

Noia: VI Semana da Historia, en homenaxe a Xosé Agrelo Hermo

Entre o sábado 19 e o sábado 26 de marzo, na Casa da Cultura e no Coliseo Noela (o sábado 26) de Noia, e baixo a organización da Asociación Cultural Barbantia e o Concello de Noia, terá lugar a VI Semanda da Historia, que este ano realizará unha homenaxe a Xosé Agrelo Hermo. O programa de actos é o seguinte:

Sábado 19. 19:00 h.
– Conferencia Xosé Agrelo Hermo: Vida e obra, por Xoán Pastor Rodríguez.
O Triángulo escaleno, por Euloxio R. Ruibal e Alfonso Costa.
Luns 21. 20:30 h.
– Conferencia A Execución do Cantino en Boisaca, Xerardo Agrafoxo.
– Conferencia Os sartegos dos cabaleiros en Santa María a Nova, Xepe Torres.
Martes 22. 20:30 h.
– Conferencia Noia etnográfica e arqueolóxica. Memorial do esforzo incesante, Ana Filgueira Rei.
Mércores 23. 20:30 h.
– Conferencia O Patrimonio Histórico Artístico de Outes. Xoán Maríño.
– Conferencia A pesca da lamprea no río Tambre, Clodio González e Manuel Ces Canle.
Xoves 24. 20:30 h.
– Conferencia Os gremios e os clérigos da morte, Xoán Manuel Neira Pérez.
Venres 25. 20:30 h.
– Conferencia Un “noiés” na fosa do Acevo, Carme García Rodeja.
– Mesa redonda A memoria da terra. As fosas do franquismo.
Sábado 26. 21:00 h. Coliseo Noela:
– Descuberta da placa conmemorativa na Sala Xosé Agrelo Hermo.
– Teatro: O triángulo escaleno, de Xosé Agrelo, polo Grupo de Teatro Mutis.

Convocado o X Certame literario de relato de aventuras Antón Avilés de Taramancos

O Concello de Noia convoca o X Certame literario de relato de aventuras Antón Avilés de Taramancos, coas seguintes

BASES

1. Poderán concorrer ao Certame de Relato de Aventuras todas as persoas, maiores de idade, de calquera nacionalidade, cun único traballo en galego de temática libre que sexa inédito, encadrado no relato de venturas.
2. A obra, cunha extensión entre 70.000 e 100.000 caracteres, presentarase por cuadriplicado en exemplares separados, mecanografados por unha soa cara, debidamente grampados, cosidos ou encadernados sen firma e cun lema e utilizando o sistema de plica.
3. O prazo de admisión dos orixinais rematará o día 30 de abril de 2011.
4. Os traballos serán remitidos a:
Concello de Noia
Rosalía de Castro, 2 -15200 Noia (A Coruña)
5. Estabelécese un único premio de 3000 euros, ademais dunha escultura conmemorativa do artista noiés Alfonso Costa, e a publicación da obra gañadora por parte do Excmo. Concello de Noia. O importe do premio
estará suxeito á lexislación fiscal vixente.
6. O xurado terá todas as facultades para a decisión do premio, que poderá quedar deserto, e para interpretar as bases. Estará composto por persoas de recoñecido prestixio no eido das letras galegas e emitirá publicamente o seu veredicto o día 27 de maio de 2011.
7. Os traballos non premiados serán devoltos, previa solicitude, e os restantes destruídos transcorridos vinte días desde a data do veredicto do Certame. Non poderán participar neste certame os autores premiados en
edicións anteriores.
8. O feito de concorrer ao Certame implica a aceptación das devanditas bases.

Pódense descargar neste arquivo .pdf: X Certame Literario de relato de aventuras Antón Avilés de Taramancos.

VIII Certame Literario de Relato de Aventuras “Antón Avilés de Taramancos”

O Concello de Noia convocou o VIII Certame Literario de Relato de Aventuras “Antón Avilés de Taramancos”, organizado pola Casa da Gramática (IES Virxe do Mar) coa colaboración da Xunta de Galicia. Estas son as bases:

Bases do VIII Certame Literario de Relato de Aventuras “Antón Avilés de Taramancos”

1. Poderán concorrer ao Certame de Relato de Aventuras todas as persoa maiores de idade, de calquera nacionalidade, cun único traballo en galego de temática libre que sexa inédito, encadrado no relato de aventuras.

2. A obra, cunha extensión entre 70.000 e 100.000 caracteres, presentara por cuadriplicado en exemplares separados, mecanografados por unha soa cara, debidamente grampados, cosidos ou encadernados sen firma e cun lema e utilizando o sistema de plica.

3. O prazo de admisión dos orixinais rematará o día 17 de abril de 2009

4. Os traballos serán remitidos a:
Concello de Noia
Rosalía de Castro, 2
15200 – Noia

5. Establécese un único premio de 3000 euros, ademais dunha escultura conmemorativa do artista noiés Alfonso Costa, e a publicación da obra gañadora por parte do Excmo. Concello de Noia. O importe do premio estará suxeito á lexislación fiscal vixente.

6. O xurado terá todas as facultades para a decisión do premio e para interpretar as bases. Estará composto por persoas de recoñecido prestixio no eido das letras galegas e emitirá publicamente o seu veredicto o día 22 de maio de 2009.

7. Os traballos non premiados serán devoltos, previa solicitude, e os restantes destruídos transcorridos vinte días desde a data do veredicto do Certame. Non poderán participar neste certame os autores premiados en edicións anteriores.

8. O feito de concorrer ao Certame implica a aceptación das devanditas bases.

Presentación en Noia d’ Os ollos de K, de Antón Riveiro Coello

Editorial Galaxia, o Excmo. Concello de Noia e mais Barbantia, presentan a novela de Antón Riveiro Coello Os ollos de K. O acto terá lugar no Salón de Plenos do Concello de Noia, o vindeiro venres, 23 de novembro, ás 20’30 h., e acompañarán ao autor, Rafael García Guerrero, alcalde de Noia; Loli Caramés, concelleria de Cultura; Víctor Freixanes, director da Editorial Galaxia; e Xesús Laíño, profesor.