Arquivos da etiqueta: Día de Rosalía de Castro

Actos da Fundación Rosalía de Castro no Día de Rosalía 2022

Publicado o por

Desde a Fundación Rosalía:
“Propoñémosche celebrar así o Día de Rosalía:
Le a súa obra
Fai un Caldo de Gloria na túa casa ou nun local. Explicámosche como.
Únete á Alborada para Rosalía e toca este tema en calquera lugar do mundo.
E estes son os actos nos que participaremos o 23 de febreiro:
– 10.00. Alborada cos Carapaus diante da Estatua de Rosalía en Padrón
– 11.00. Acto, Alborada cos Carapaus e ofrenda na Praza de Vigo de Santiago, preto do lugar onde naceu a autora.
– 12.00. Acto institucional no Hostal dos Reis Católicos. Con lectura de poemas rosalianos e a actuación musical de Xisco Feijoo.
– 13.30. Plantación dunha filla da Figueira de Rosalía en Luou (Teo).
– 17.00. Plantación dunha filla da Figueira de Rosalía en Dodro (Concello).
– 19.00. Celebración do Día de Rosalía na Deputación de Pontevedra.”

Boiro: actos polo Día de Rosalía 2022

Publicado o por

Crónica fotográfica do acto central do Día de Rosalía de Castro 2022 en Compostela

Publicado o por

Estas son algunhas das fotografías do acto central do Día de Rosalía de Castro 2022 en Compostela, que tivo lugar o 19 de febreiro no Panteón de Galegos Ilustres, en San Domingos de Bonaval, organizado pola AELG, co apoio de CEDRO. A crónica fotográfica completa pode verse aquí.

Cesáreo Sánchez Iglesias, presidente de AELG: “Animo a todos a que o día 23 se regalen un libro cunha flor”

Publicado o por

Entrevista a Cesáreo Sánchez na Radio Galega:
“A Asociación de Escritoras e Escritores en Lingua Galega, AELG, organizaron o sábado 19 o acto central con motivo do Día de Rosalía de Castro no Panteón de Galegos Ilustres.
Promove a celebración no 23 de febreiro, Día do nacemento de Rosalía, coa participación activa do Parlamento Galego, espazo fundamental de representación colectiva do pobo galego. Ademais, a AELG pretende institucionalizar unha xornada de celebración da nosa literatura e fomentar a difusión da obra e figura de Rosalía para as xeracións máis novas.
Polo tanto, o presidente de AELG e convidado do programa, Cesáreo Sánchez Iglesias, anima a agasallar cun libro e cunha flor no 23 de febreiro, día do nacemento de Rosalía de Castro. O presidente tamén destaca a relación de afecto entre Rosalía e a súa nai e reivindica que o Panteón de Galegos Ilustres sexa de novo un espazo laico, coma cando foron traídos os restos de Rosalía.
A entrevista pode escoitarse aquí.”