O 
martes 17 de maio, ás 19:00 horas, na sede do Instituto Cervantes en Tokio, actuará o colectivo artístico Tender a man, unha atractiva proposta de fusión de poesía, música en directo e danza contemporánea que integran os músicos Isaac Garabatos e Jesús Andrés Tejada, a cantante Mónica de Nut, a bailarina Branca Novoneyra e a poeta Yolanda Castaño. O espectáculo multidisciplinar abrirase cunha interpretación de textos de Lois Pereiro, e continuará máis adiante co repertorio propio do grupo, apoiado nos textos de Yolanda Castaño. Durante o recital poderanse seguir traducións ao castelán e ao xaponés dalgúns dos poemas, no que será unha ocasión histórica de celebración da literatura galega no Xapón. Na actividade colaboran a Dirección General del Libro, Archivos e Bibliotecas do Ministerio de Cultura, a Embaixada de España en Tokio e o propio Instituto Cervantes.
Arquivos mensuais: Maio 2011
Madrid: actos do Día das Letras Galegas no Centro Asociado Escuelas Pías da UNED
O martes 
17 de maio, ás 19:00 horas, terá lugar a celebración do Día das Letras Galegas 2011 no Centro Asociado Escuelas Pías da UNED (C/ Tribulete, 14) de Madrid, organizado polo Clube de Lectura da UNED e a área de Filoloxía Galego-Portuguesa da mesma universidade. O acto abrirase cunha conferencia sobre a figura de Lois Pereiro da parte de Luis Luna e a seguir farase unha lectura do libro colectivo do Grupo Bilbao de escritores de expresión galega, intitulado Madrid era unha praia de baleas entre néboas, presentado polo profesor da área de Filoloxía Galego-Portuguesa da UNED, Xavier Frías Conde. O libro en cuestión conta con textos de Vicente Araguas, Manuel Pereira, Begoña Regueiro, Marga Vázquez, Jurjo Nóvoa, Pili Mera, Ana Cibeira, José Galán e Xavier Frías, cun prólogo de Luis Luna.
Paremos os ataques contra o galego: mobilización expansiva convocada pola Plataforma Queremos Galego!
A 
Plataforma Queremos Galego! convoca para este martes 17 de maio, baixo o título PAREMOS OS ATAQUES CONTRA O GALEGO!, unha mobilización expansiva pola lingua que nos une. As concentracións xa confirmadas son estas:
A Coruña: 12 da mañá, Obelisco (Cantón Grande).
A Estrada: 13 horas, Praza do Concello.
A Guarda: 12 da mañá, Auditorio de San Bieito.
Allariz: 12 da mañá, Praza Maior.
Ares: 12 da mañá, Praza do Concello.
Arteixo: 12 da mañá, anfiteatro do Paseo Fluvial.
As Pontes: 12 da mañá, Praza de América.
Barcelona: 19 horas, Centro Galego de Barcelona (Rambla).
Barreiros: 18 horas, escolas de Celeiro de Mariñaos.
Belfast: 16 horas, Culturlann, Falls Road (oeste de Belfast).
Betanzos: 12 da mañá, palco da música do Cantón.
Boiro: desde as 11:30, romaría popular na finca do Pazo de Goiáns.
Bos Aires: 12 da mañá (hora arxentina), Praza Castelao (Bernardo de Irigoyen e Independencia).
Bruxelas: 19 horas, Place de Luxembourg, fronte ao Parlamento europeo.
Cambados: 12 da mañá, Alameda (xunto á estatua de Cabanillas).
Cambre: 12 da mañá, Vila Florentina (Cecebre).
Carballo: 12 da mañá, Paseo do Anllóns.
Carral: 12 da mañá, Monumento aos Mártires.
Cedeira: 12 da mañá, Praza da Reitoral da Vila Vella.
Celanova: 12 da mañá, Vilanova dos Infantes.
Culleredo: 12 da mañá, Praza de Europa (O Burgo).
Fene: 12 da mañá, local do Pote (Maniños).
Ferrol: 12 da mañá, Praza do Himno Galego (Esteiro).
Florencia: 18:30, Piazza Senioria.
Lalín: 12 da mañá, Praza da Igrexa.
Lugo: 12 da mañá, Rúa da Raíña (fronte ao Hotel Méndez Núñez).
Madrid: 12 da mañá, Parque Breogán (zona Avenida de Bonn), xunto á estatua de Castelao.
Marín: 12 da mañá, na Alameda.
Monforte de Lemos: 12 da mañá, Praza de Santa Clara.
Narón: 12 da mañá, Parque Botánico Carlos Rodríguez Dacal.
Nigrán: 11:30 da mañá, Parque da Ramallosa.
Nova York: 17 horas, Battery Park (fronte á estatua da Liberdade).
O Barco de Valdeorras: 12 da mañá, pasarela peonil do Salgueiral.
O Carballiño: 12 da mañá, Praza Maior.
Oleiros: 12 da mañá, Praza do Emigrante (Porto de Santa Cruz).
Oroso: 12 da mañá, Praza de Isaac Díaz Pardo (Sigüeiro).
Ourense: 12 da mañá, Xardíns do P. Feixóo.
Oxford: 17 horas (hora inglesa), xunto a Carfax Tower.
Padrón: 12 da mañá, Paseo do Espolón (xunto á estatua de Rosalía).
Palas de Rei: 12 da mañá, Praza do Concello.
Pontedeume: 11:30 da mañá, Praza do Concello.
Pontevedra: 12 da mañá, Praza da Peregrina.
Redondela: 12 da mañá, Praza do Concello.
Ribadavia: 12 da mañá, Praza Maior.
Ribeira: 12:30 da mañá, Rúa de Galiza.
Sada: 12 da mañá, Praza dos Irmáns Suárez Picallo.
Salceda de Caselas: 12 da mañá, Praza do Concello.
San Sadurniño: 12 da mañá, Praza do Concello.
Santiago de Compostela: 11:30, Porta Faxeira.
Soutomaior: 12 da mañá, Alameda de Talorrío (Arcade).
Valdoviño: 12 da mañá, Praza da Casa da Cultura.
Verín: 12 da mañá, Praza Maior.
Vigo: 11:30, Praza da Princesa.
Xenebra: 20 horas, Asociación S.C.D.R Galaica, 18, Chemin de la Caroline, Petit-Lancy.
Xinzo de Limia: 12:30 da mañá, Praza Maior (ou Praza de San Roque).
Santiago: Ato de homenagem a Ernesto Guerra da Cal
A 
Academia Galega da Língua Portuguesa celebra o Centenário Guerra da Cal (1911-1994), cunha homenaxe o 17 de maio en Compostela e a apertura dunha páxina dedicada ao autor:
“O vindouro dia 17 de maio, Dia das Letras Galegas, às 11:30 em Compostela, diante do monumento a Ricardo Carvalho Calero, terão lugar os atos comemorativos neste dia de celebração em torno da nossa língua. O monumento está situado na rua lateral de entrada à Alameda de Compostela (entre a Alameda e a Rua Carreira do Conde). Neste sinalado dia terá lugar a merecida homenagem ao nosso professor galego de mais prestígio internacional, autor duma viçosa obra devotada à nossa comum cultura galego-portuguesa, para a qual viveu e pela que padeceu até morrer no exílio, consequente com as suas ideias e firmes ideais, sem por isso se iportar com ser sempre proscrito na sua pátria, e até maldito pelos que nela detêm ainda o poder. A continuação terá lugar uma leitura de poemas, seguida da lelitura de um manifesto à sociedade galega sobre a necessidade de apanhar o caminho certo para afrentarmos com êxito os nossos problemas linguísticos e culturais. Encerrado o ato, realizará-se um Roteiro de língua e história pelas ruas de Compostela, sob a orientação do Doutor André Pena Granha de participação livre e duração aproximada de uma hora.”
Barcelona: recital e mesa redonda con Dores Tembrás, Sílvia Bel e Maria Rosa Font
A Coruña: representación de Corporal (je t’aime) e Contra a morte
O martes 
17 de maio, ás 20:00 horas, no Centro Ágora (Rúa Ágora, s/n. Ao lado do IES Agra do Orzán) da Coruña, preséntanse dous proxectos en proceso: por unha banda Carlos Neira e Antía Otero están a desenvolver con actores (Roi Fernández, Laura Fandiño, Olaia Tesouro e Estevo González) un exercicio escénico e performático titulado Corporal (je t’aime) partindo de textos e da figura do autor monfortino; e, por outra banda, Iago Martínez e Alexandre Cancelo realizaron un documental sobre Lois Pereiro titulado Contra a morte. O dito documental está en proceso de finalización pero será presentado polos autores proxectando unha serie de fragmentos e de partes do documental.
Santiago: presentación de O negro leite da aurora, de José Luís Calvo e Carlos Gegúndez
O 
martes 17 de maio, ás 19:30 horas, na Libraría Couceiro (Praza de Cervantes, 6), de Santiago de Compostela, preséntase o libro O negro leite da aurora. Viaxe á xeografía lírica de Lois Pereiro, de José Luís Calvo e Carlos Gegúndez, publicado en Toxosoutos.
Pazo de Goiáns (Boiro): I Romaría das Letras
O 
martes 17 de maio, na finca do pazo de Goiáns, en Boiro, celébrase a I Romaría das Letras no Barbanza, organizado pola Asociación Cultural Barbantia, a Asociación Artesá e Etnográfica O Faiado-2, a Asociación de Veciños Cruceiro do Monxo, a Escola de Música Municipal e o Concello de Boiro. Do programa salientamos as seguintes actividades literarias:
– 12:00 horas: presentación do libro O negro leite da aurora. Viaxe á xeografía lírica de Lois Pereiro (Editorial Toxosoutos), coa presenza dos seus autores: José Luis Calvo e Carlos Gegúndez López, así como de David González Couso.
– 16:00 horas: recital de textos de Lois Pereiro, autor homenaxeado no Día das Letras Galegas 2011.
Santiago: presentación de Pacto de cabaleiros, de Raúl Veiga
O 
martes 17 de maio, ás 13:00 horas, na Praza de Cervantes de Santiago de Compostela, preséntase o libro Pacto de cabaleiros, de Raúl Veiga, publicado en Biblos. No acto, o autor estará acompañado polo crítico Eduardo Galán.
