Desde
o Diario Cultural da Radio Galega:
“Miguel Anxo Fernández gaña coa novela Blues para Moraima o Premio Blanco Amor: “Hai tamén (nesta novela) un intento de pasar factura ao pacto da transición”. Pode accederse á entrevista aquí.”
Arquivos do autor: asociacionescritoras-es
Bases do II Premio de Relato Breve Nélida Piñón
Bases da 3ª edición do Premio Literario Nortear
Vigo: presentación da nova revista de estudos galegos Kallaikia
A quinta feira 1 de decembro, ás 20:00 horas, na Libraría Andel (Avenida das Camelias, 102), en Vigo, preséntase a nova revista de estudos galegos Kallaikia. No acto interveñen Jorge Rodrigues, Carlos Garrido e Carlos L. Bernárdez.
Crónica videográfica da I Xornada de Literatura Dramática: Literatura Dramática e Teatro Nacional (e II)
A
I Xornada da Sección de Literatura Dramática: Literatura Dramática e Teatro Nacional, que contou co apoio do Concello da Coruña, tivo lugar o sábado 5 de novembro no Quiosco Alfonso.
Aquí pode verse a crónica videográfica completa, da que destacamos hoxe as intervencións de Xavier Albertí e o público asistente na aula maxistral que deu o autor catalán:
– Aula maxistral de Xavier Albertí (I):
– Aula maxistral de Xavier Albertí (II):
– Aula maxistral de Xavier Albertí (III):
– Aula maxistral de Xavier Albertí (IV):
Compostela: presentación de A ferida do vento, de Antón Riveiro Coello
A Coruña: Nunca morreu o mar. Centenario de Miguel González Garcés
Homenaxe ao poeta Miguel González Garcés no seu centenario. Interveñen Luz Pozo, Xavier Rodríguez Baixeras, Medos Romero, Paulino Vázquez, Román Raña, Xavier Lama, Marta Dacosta, Estevo Creus, Pepe Cáccamo, Xulio Valcárcel, Manuel Álvarez Torneiro e Lorena Conde. Coa música de Alba María.
Manuel Lourenzo: “Haberá que preguntarse a quen lle interesa que o noso teatro fracase”
Gondomar: presentación de Todo canto fomos, de Xosé Monteagudo
O
xoves 1 de decembro, na Libraría Libraida (Rúa Rosalía de Castro, 13) de Gondomar, Xosé Monteagudo presenta Todo canto fomos, publicado por Galaxia. No acto manterá un coloquio con Carlos Méixome.
Cartas de inverno, de Fernández Paz, chega aos 100.000 exemplares cunha edición especial
Desde
Sermos Galiza:
“Agustín Fernández Paz segue a xerar noticias meses despois do seu pasamento. Logo da novela póstuma que a semana pasada viu a luz da man de Rodeira, desta vez é a súa editorial de sempre -Xerais- quen publica unha edición especial (a número 35) por mor da chegada aos 100.000 exemplares vendidos.
Estamos a falar dunha cifra excepcional no mundo da edición galega, que só acadou en ficción outra novela dun clásico tamén falecido hai agora un ano, Memorias dun neno labrego, de Neira Vilas.
Cartas de inverno, publicada en 1995, é o que se coñece no sector como un ‘long seller’. Xa no mesmo ano de publicación, a novela acadou o premio Rañolas ao Libro Infantil e Xuvenil do Ano.
Esta edición especial que agora publica Xerais vai encadernada en ‘flexibook’, con doce ilustracións orixinais de Antonio Seijas e o texto “Doce + nove: vinte un anos despois” actualizado polo autor. Será presentada o vindeiro domingo 4 de decembro no Culturgal. (…)”
