Arquivo da categoría: Entrega de premios
O escritor na súa terra: Agustín Fernández Paz. Vilalba 2009
Máis información na web da AELG. Descargas: programa en PDF, cartaz en PDF.
Os Premios Xerais 2009 poderán ser seguidos por Internet
A cerimonia de entrega dos Premios Xerais 2009, que se celebrará o vindeiro sábado 6 de xuño a partir das 19:00 horas na illa de San Simón poderá ser seguida en directo por Internet dende a páxina Blogaliza TV. Xerais conta coa colaboración de Blogaliza para poñer en marcha por vez primeira nun acto literario galego unha iniciativa coma esta. Para seguir a retransmisión Blogaliza dispuxo dunha páxina de axuda. A partir do domingo no blog de Xerais e no seu perfil de Facebook publicaranse unha selección das gravacións da cerimonia.
Carballo: espectáculo multimedia con Yolanda Castaño
Hoxe venres 29 de maio ás 21 horas no Auditorio do Pazo da Cultura de Carballo (Rúa do Pan, s/n) terá lugar a entrega do V Premio a artigos xornalísticos normalizadores Concello de Carballo 2009, ao que asistirá a propia autora premiada, María Pilar García Negro. O acto consistirá nun espectáculo poético multimedia de Yolanda Castaño, un novo formato moderno e innovador para a poesía galega da man das novas tecnoloxías e unha moderna posta en escena achegada á música e ao audiovisual.
Entrega do III Premio “Diario Cultural” de Teatro Radiofónico
Hoxe a partir das 20:30 no Teatro Rosalía de Castro celébrase a gala de entrega do III Premio “Diario Cultural” de Teatro Radiofónico, organizado pola Radio Galega en colaboración co Centro Dramático Galego. A entrada ao acto é libre até completar o aforo.
Nesta edición o primeiro premio foi para a obra Peter Buckley de Rubén Ruibal e César Candelas. Quedaron finalistas as obras Servizo de información de Paula Carballeira e O xou mas gou on de Eva Freixeira. As tres obras finalistas publicaranse nun libro-cd editado por Xerais.
–Escoitar Peter Buckley de Rubén Ruibal e César Candelas: 1
Sarria: acto do Premio Fiz Vergara Vilariño
O venres 17 de abril a Asociación Cultural Ergueitos presentará a obra plástica que o artista Iván Prieto realizou de xeito desinteresado e solidario para o gañador da IX edición do Premio de Poesía Fiz Vergara Vilariño. Será a partir das 19:00 horas na Casa do Concello de Sárria.
Sarria: entrega do premio Fiz Vergara Vilariño
O pasado día 14 de marzo fallouse en Sárria a IX edición do Premio de Poesía Fiz Vergara Vilariño, do que resultou gañador o poeta Baldo Ramos. A entrega do premio terá lugar o día 25 de abril no hotel NH Alfonso IX de Sárria dentro dun acto poético – musical que dará comezo ás 19: 30 horas e irá seguido dunha cea. A mantedora do acto será Olalla Cociña e intervirán os membros do xurado, o gañador, o artista plástico Iván Prieto así como o concelleiro de cultura e a presidenta de Ergueitos. A música nesta ocasión correrá a cargo do grupo de jazz Maní & Cupeiro Quartet. As persoas interesadas en asistir a esta festa da poesía poden facer as reservas no Hotel Alfonso IX, chamando ao teléfono 982 530 005.
Certame de poesía erótica Illas Sisargas: entrega de premios e presentación de libro
Alberte Momán, gañador do II Certame en 2007, viu presentado o libro galardoado. Enma Pedreira, gañadora do certame no ano corrente, recibiu o premio. Os accésits de 2007 e 2008, respectivamente, foron parar a Lino Braxe e Paco Souto, respectivamente. Máis información no blogue de Alberte Momán.
Entrega do II Premio “Carlos Casares” de microrrelato
Mañá venres día 13 de xuño, ás 20:30 no Salón Nobre do Liceo de Ourense, terá lugar o Acto de Entrega do VII Premio “Carlos Casares” de Microrrelato. No transcurso do acto terá lugar unha lectura dramatizada con acompañamento musical do último capítulo da novela “O Sol do Verán”, a cargo de Teresa Devesa, Loly Conde e Ángel Losada (piano).
Entrega en Pontevedra do II Premio Diario Cultural de teatro radiofónico
O 17 de abril ás 20:30 abrirase o Espazo Radioescénico en que se celebrará a entrega do II Premio Diario Cultural de teatro radiofónico, organizado pola Radio Galega en colaboración co Centro Dramático Galego. Será no Teatro Principal de Pontevedra (R/ Paio Gómez Chariño, s/n).
