Do 
sábado 30 de outubro ao martes 30 de novembro, na Casa Museo Casares Quiroga (rúa Panaderas, 12) da Coruña, estará aberta a exposición Carvalho Calero. De puño e letra, organizada pola Asociación Sócio-Pedagóxica Galega con motivo do centenario do seu nacemento, como homenaxe ao autor da primeira historia da literatura galega. A inauguración será o sábado 30 de outubro ás 12:00 h.
Arquivo da categoría: Exposicións
A Coruña: exposición A Coruña na creación do libro galego
O mércores 
13 de outubro ás 19:30 h. inaugúrase a exposición A Coruña na creación do libro galego, que estará aberta até o domingo 21 de novembro (todos os días en horario de 12:00 a 14:00 e de 18:00 a 21:00 h.). En 1810, hai agora douscentos anos, imprímese na cidade da Coruña o primeiro libro en galego, tres anos depois edítase o primeiro supervendas da literatura galega, pero é no período 1885-1931 cando se configura nesa cidade a moderna empresa editora. A partir de 1885, a Biblioteca Gallega de Martínez Salazar comeza a formar un público e a seguinte xeración de editores xa é quen de soñar un mercado. Leandro Carré e Ánxel Casal comezan a cadrar os números do libro galego. Sentido empresarial e compromiso ideolóxico están sempre presentes nos editores galegos. A exposición está organizada pola Concellaría de Cultura do Concello da Coruña e a Real Academia Galega. Aquí se pode descargar o folleto da exposición: A Coruña na creación do libro galego.
Vigo: O Verbum achega as claves do grupo Brais Pinto
(Xornal)
Gondomar: presentación da exposición Material metáfora, de Pepe Cáccamo
O 
venres 10 
de setembro, ás 20:30 h., na Aula de Cultura Ponte de Rosas (Avenida do Campo da Feira, 10, baixo) de Gondomar, inaugúrase a exposición Material metáfora, de Pepe Cáccamo, que permanecerá aberta entre o 10 de setembro e o 20 de outubro, podendo ser visitada os días laborables entre as 18:00 e as 20:00 h.
En palabras do propio autor, “Material Metáfora é un texto obxectual, un libro de poemas en tres dimensións, un volume antolóxico (unha antoloxía de ideas dotadas de volume) que pretende dar corpo a un conxunto teimoso de analoxías pertencentes ao campo semántico da luz, á textualidade impresa dos libros literalmente abertos, aos alfabetos da cor, á gramática das identidades antropomórficas… Son obxectos procedentes ás veces dunha incitación discursiva, dun pre-texto verbal. Noutras ocasións foi o diálogo dos corpos físicos, o parentesco de proximidade entre significados visuais, a clave organizativa da analoxía conceptual. Metáforas, símbolos, imaxes visionarias, alegorías, símiles … os recursos retóricos cos que se construíron os poemas deste volume pertencen ao campo dos chamados procedementos imaxinativos. Son os tropos da retórica literaria (clásica, moderna e contemporánea) que eu quixen trasladar ao espazo tridimensional. Alén da madeira, o ferro, o cristal ou o papel, o material básico destes obxectos é a Metáfora, ese invento, esa substancia prodixiosa que nos permite entregar vida acústica e visual ao diálogo de identidades que labran o texto do mundo.”
Boiro acolleu a IV Xuntanza Literaria Boiro na escrita
Mostra sobre Rosalía ‘culta, revolucionaria e feminista’
Vía Fervenzas e A Nosa Terra Diario.
Culleredo: exposición Feito en Culleredo II, de artes plásticas, visuais, cómic e poesía
O mércores 28 de xullo, ás 20:30 h., na sala de exposicións “Xosé Rey Lago”, dos Muíños de Acea de Ama (O Burgo, Culleredo), inaugúrase, coa participación de Celestino Poza e Carlos Pereira, a exposición colectiva Feito en Culleredo II, organizada pola Concellería de Cultura do Concello de Culleredo, que permanecerá aberta até o 3 de setembro, cun horario de luns a venres de 18 a 21 h., e sábados de 12 a 14 e de 16 a 20 h. Nesta exposición participan os poetas Pablo Bouza, Luz Campello e Miguel Anxo Fernán-Vello, xunto ao ceramista Rafael Magán, o autor de cómic Xurxo García Penalta, as escultoras Soledad Penalta e Iria Rodríguez, os fotógrafos Luís M. Iglesias, Xurxo Lobato, Román Montesinos e Pedro Pastor, e os pintores Charo Arriaza, Diana Atchinson, Lola Beade, Tim Behrens, Lidia Carrión, Miguel Anxo Lamela, Vanessa Lodeiro, María Martínez, Miguel Melero, Carlos Montero, Nuria Mosqueira, Carlos Pereira, Isabel Pintado, Tino Poza, Carmen Quiñoá, Beatriz Ruiz, Gosia Trebacz e Luisa Valdés.
Santiago: Ao pé do prelo, mostra con 300 publicacións para lembrar ao Luís Seoane editor”
Até o 3 de outubro, na Casa da Parra de Santiago: (Cultura galega, La Opinión, Xornal).
Unha exposición, un ciclo de mesas redondas e unha publicación para homenaxear a Fermín Penzol
(Galaxia)
A Coruña: homenaxe internacional da cineasta Isabel Coixet a John Berger
É unha exposición e unha homenaxe internacional da cineasta Isabel Coixet a John Berger. A partir do libro de John Berger From A to X, no que unha muller escribe cartas ao seu marido preso, Isabel Coixet crea unha instalación coa colaboración da arquitecta Benedetta Tagliabue e a complicidade dalgunhas das actrices máis importantes do cinema actual. A instalación mergúllanos nunha atmosfera envolvente onde a luz e o son lévannos sucesivamente polas distintas cartas do libro, que son lidas por prestixiosas actrices e artistas, como Monica Bellucci, Sophie Cale, Patricia Clarkson, Penélope Cruz, Julie Delpy, Isabelle Huppert, Maria de Medeiros, Sarah Polley, Tacha Swinton e Leonor Watling. Paralelamente poderán verse os retratos fotográficos que Isabel Coixet fixo durante a gravación das lecturas e unha entrevista filmada por ela a John Berger.
A inauguración ás 20:00 do 10 de xuño no antigo Cárcere Provincial. Até o 11 de xullo.
