O 
martes 27 de setembro, a partir das 20:00 horas, na Fundación Caixa Galicia (Cantón Grande) da Coruña, terá lugar a conferencia de Margarita Ledo sobre Fotografía dende onde o mundo se chama Galiza, dentro do ciclo Lingua, Literatura e Nación da A. C. O Facho.
Arquivo da categoría: Fotografía
Santa Cruz, Oleiros: recital poético-musical na inauguración de Enarborar o bosque
O 
luns 22 de agosto, a partir das 20:00 horas, no Castelo de Santa Cruz (Oleiros), terá lugar a inauguración da exposición Enarborar o bosque, na que se recollen os traballos feitos durante a xornada de Arte Reivindicativa ao Aire Libre na Carballeira de Chaián, o 5 de Xuño de 2011, formada por pintura, fotografía, escultura e escrita. Dentro dela terá lugar un recital poético-musical, no que participarán: Chelo Suárez, Francisco X. Fernández Naval, François Davo, Helena Villar Janeiro, Iolanda R. Aldrei, Lourdes Maceiras, Marina Cocós, Miguel Melero, Natalia Margalejo, Ramiro Torres e Xesús Rábade, e o poeta e músico Mou de Lugh, que acompañará os poetas cun hang drum. A exposición, que se poderá visitar até o 31 de agosto, e na que participan un total de 59 artistas, está organizada polo Colectivo Arteu.
Viveiro: actividades destacadas do sábado 13 e domingo 14 na Feira do Libro
A 
15º Feira do Libro de Viveiro celébrase nos Xardíns Noriega Varela até o martes 16 de agosto, con horarios de 12:00 a 14:00 h. polas mañás e de 18:00 a 22:00 h. polas tardes.
O sábado 13 de agosto terá lugar a inauguración da Feira, coa lectura do pregón a cargo de Miguel Anxo Fernán-Vello.
O domingo 14 de agosto destacan as seguintes actividades:
– 20:00 h. Presentación do nº 6 da revista Ardentía. Revista Galega de Cultura Marítima e Fluvial. Participarán no acto Luis Rei, escritor e director da revista e Emílio Xosé Ínsua López, escritor e membro do consello de redacción da revista.
– 21:00 h. Presentación do libro A Mariña 43º latitude norte, do fotógrafo Xulio Villariño, publicado pola Deputación Provincial de Lugo. Xunto co autor, participará no acto Mar García.
A Coruña: exposición Quen corta os fíos do soño? Lois Pereiro
Do
mércores 20 de xullo ao domingo 25 de setembro, na Fundación Luís Seoane (Rúa San Francisco, s/n.) da Coruña, con horario de martes a sábado de 11:00 a 14:00 h. e de 17:00 a 20:00 h., domingos de 11:00 a 14:00 h. (luns pechado), a exposición, comisariada por Antón Patiño, Quen corta os fíos do soño? Lois Pereiro repasa a intensidade da escritura do poeta monfortino, visualizando os seus poemas a través de recursos tipográficos, a iconografía xerada por Lois a través dos retratos fotográficos que lle fixeron moitos compañeiros de xeración, como Xosé Abad, Vari Caramés, Xurxo Lobato, Víctor Echave, Andrés Panaro e Manuel Vilariño. Tamén se contén un impactante retrato expresionista de Lois realizado por Reimundo Patiño e un debuxo do propio Antón Patiño. A mostra conta coa colaboración de Xosé Manuel Pereiro e a familia do poeta. O libro-catálogo da exposición incluirá textos de Manuel Rivas, Xosé Luís Méndez Ferrín, Xosé Manuel Pereiro, Alberto Ruíz de Samaniego e Antón Patiño. A inauguración terá lugar o mércores 20 de xullo ás 20:00 horas.
Vigo: Vilagrafías, exposición poético-fotográfica de Anxo Cabada
Do 
xoves 7 de xullo ao domingo 11 de setembro, con horarios de 10:00 a 14:00 h. e de 17:00 a 21:00 horas, no Verbum-Casa das Palabras (Avenida de Samil, 17) de Vigo, e con entrada gratuíta, pódese visitar a exposición Vilagrafías, unha recreación poético-fotográfica da xeografía visual e sentimental das vilas e cidades galegas, onde se conxuga, dunha banda, a descrición (textos, poemas ou outros escritos) dos autores nados nesas vilas (María Xosé Queizán ou Xosé María Álvarez Cáccamo, entre outros) e, da outra, a mirada fotográfica do estradense Anxo Cabada.
Ponteceso: Encontro fotográfico-literario na busca das fotos con cheiro
O 
sábado 18 de xuño en Ponteceso terá lugar un Encontro Fotográfico-Literario de miradas poéticas sobre o espazo (des)habitado coa consciencia de que detrás de ningures sempre hai algo que permanece. Entrar nese mundo baleiro é habitar Areaquente, o lugar das sombras ás que lles cazar a súa luz, o seu “cheiro” da man da escritora An Alfaya e da fotógrafa Olga Seoane Paulus. O programa é o seguinte:
– 10:00 a 10:15 h. Chegada a Ponteceso, recepción na Fundación Eduardo Pondal, (O Couto, 15110, teléfono 981-714000).
– 10:15 a 10:30 h. Visita á exposición Fundación Eduardo Pondal.
– 10:30 a 11:30 h. Presentación da novela Areaquente, publicado en Sotelo Blanco. Intervirán a autora, An Alfaya e Ánxela Gracián, directora da colección.
– 11:30 a 13:30 h. Primeira parte do Obradoiro fotográfico a cargo da fotógrafa Olga Seoane Paulus. Lugar: Fundación Eduardo Pondal. (O curso contará cunha explicación teórica dos principais elementos que interveñen nunha fotografía (tempo de obturación, profundidade de campo, luz…) e cunha explicación de como conseguir selo de autor ou mirada de artista, isto é, fotos con cheiro).
– 13:30 a 14:00 h. Chegada á Praia de Balarés, onde terá lugar o xantar (optativo): prezo 25 euros, previa reserva.
– 16:00 a 19:00 h. Fotografar o espazo. (Segunda parte do Obradoiro fotográfico a cargo da fotógrafa Olga Seoane Paulus. O curso contará cunha explicación práctica do encadre, texturas, espazos, luz… nos escenarios das aldeas do Roncudo e Candelago para fotografar a memoria, as casas baleiras, as portas vencidas e, tras delas, a vida doente das sombras, os amores furtivos e os pasos perdidos, nostalxias que atraparemos na lente da nosa cámara con ese instinto de cazador de fotos con cheiro. Importante levar calzado cómodo, cámara de fotos dixital ou analóxica e actualizada a lectura da novela Areaquente de An Alfaya).
O prezo é de 50 euros (incluindo xantar e obradoiro fotográfico) e 25 euros (incluindo só o obradoiro fotográfico). Comunicarase a inscrición a Sotelo Blanco Edicións no mail soteloblanco@soteloblancoedicions.com ou en horario de mañá no teléfono: 981-582571 indicando nome completo, correo electrónico e un número de teléfono de contacto e realizarase o ingreso na conta 2080 0155 13 0040015861 (Novacaixagalicia), indicando o nome completo e a actividade (xantar e obradorio fotográfico, ou obradoiro fotográfico). O prazo de inscrición remata o mércores 15 de xuño. Prégase levar o xustificante o día do Encontro Fotográfico-Literario Na busca das fotos con cheiro.
Hai un total de 50 prazas, até esgotar o número de prazas por orde rigorosa de inscrición e pagamento.
Organizan: Sotelo Blanco Edicións en colaboración da Fundación Eduardo Pondal e co asesoramento da sección de Turismo do Concello de Ponteceso.
A Coruña: presentación de Elos, de Paula Gómez del Valle, François Davo, Txiki Calvo e Rodrigo Varela
O 
xoves 2 de xuño, ás 20:00 horas, na Biblioteca Municipal de Estudos Locais (Rúa Durán Loriga, 10, 1º) da Coruña, preséntase o libro Elos, con fotografías de Paula Gómez del Valle, poemas de Txiki Calvo, François Davo e Rodrigo Varela, e prólogo de Tati Mancebo, publicado en Edicións Morgante.
A Coruña: Festa do Libro, actividades do martes 17 de maio
Finaliza
a nova edición da FESTA DO LIBRO, nos Xardíns de Méndez Núñez da Coruña, organizada pola Concellaría de Cultura e a Agrupación de Libreiros da Coruña, con horarios de 11:30 a 14:00 e de 17:30 a 21:30 horas. Este é o programa de actividades para o martes 17:
– 12:00 h.- Lectura colectiva e música. Organiza Queremos Galego. No Obelisco.
– De 17:30 a 19:30 h.- “Se queres un retrato faicho Xurxo Lobato”. Se compras libros na Festa agasallámosche cun retrato que che fará Xurxo Lobato e que poderás visualizar, engadir notas, comentarios e descargar en tamaño e resolución orixinal desde Flickr. No Palco da Música.
– 18:00 h.- Presentación da serie de novelas “Suso Espada”, de Francisco X. Fernández Naval (Ed. Everest). Lectura de fragmentos da última entrega “Suso Espada. Nota Roja“. Participan Irene Penas, directora de Everest Galicia e o propio autor. No Kiosco Alfonso.
– 18:00 h.- Visita guiada á exposición de Quintana Martelo. No Kiosco Alfonso.
– 19:00 h.- Actuación de Nova Galega de Danza: “Tradicción“. Diante do Kiosco Alfonso.
– 20:00 h.- “Declaración audiovisual: Lois Pereiro“, por Xurxo Souto e Fran Amil. No Kiosco Alfonso.
– 20:30 h.- “Moita poesía, pouca diversión”. Lucía Aldao e María Lado. Diante do Kiosco Alfonso.
Vigo: lectura pública da obra de Lois Pereiro, e recital poético-visual con poemas seus
O 
luns 16 de maio, ás 19:00 horas, na Biblioteca Xosé Neira Vilas (Rúa Martínez Garrido, 21) de Vigo, terá lugar unha lectura pública da biografía de Lois Pereiro, en véspera da celebración do Día das Letras Galegas, na que participarán tanto autoridades, como o concelleiro de cultura, Xesús López Carreira, como todas aquelas persoas que queiran acercarse á biblioteca. Tras este achegamento á vida do autor a poeta Olga Patiño levará a cabo un recital poético-visual no que presentará algúns dos poemas máis relevantes de Lois Pereiro, acompañada polo escritor Francisco Fernández Naval e a fotógrafa Maribel Longueira.
IV Encontro de Pintura e Poesía de Culleredo
O venres 6 de maio, de 10:00 a 20:00 horas, na Aula de Natureza do Xardín Botánico do Burgo (Culleredo), celébrase o IV Encontro de Pintura e Poesía de Culleredo, organizado pola Concelleria de Cultura do Concello de Culleredo, no que participan 50 artistas, poetas, pintores, escultores, acuarelistas e fotógrafos que traballarán sobre pintura e poesía. A xornada está dedicada á Pintura e poesía diante da situación social (cambio climático, revoltas sociais, guerras, abusos, desigualdades, maltrato, fame, etc.). De xeito individual e colectivo os artistas traballarán sobre un poema inedito coa temática anterior, feito para a ocasión polos recoñecidos poetas galegos: Miguel Anxo Fernán-Vello, Yolanda Castaño, Xulio L. Valcárcel, Eva Veiga, Dores Tembrás, Luz Campelo, Pablo Bouza, Diana Varela, Carlos Pereira, Olga Patiño e Lino Braxe. Os artistas plásticos participantes son: Alfonso Costa, Ali Ali, Antón Sobral, Pedro Bueno, Alfredo Erias, Emilio Celeiro, Luísa Valdés, Ramón Astray, Gosia Trebacz, Manuel Gandullo, Isabel Pintado, Manuel Suárez, Lola Beade, Óscar Cabana, Marta Pardo de Vera, Raúl Álvarez, Victoriano Fernández, María Martínez, Nito da Vila, Miguel Melero, Laureano Vidal, José Juncosa, Teresa Faginas, Begoña Tojo e Paco Ascón; os escultores Manuel Patinha, Francisco Escudero, Iria Rodríguez e Enrique Tenreiro; e os fotógrafos Luis Gabu e Fran Torrecilla.
