Música | ::Axenda cultural AELG::

O 4 de xullo continúa a Feira do Libro de Vigo (na Rúa do Príncipe, con horario de 11:00 a 14:00 horas e de 17:00 a 21:00 h.), organizada pola Federación de Librarías de Galicia, cos seguintes actos literarios destacados para estes días:

Sábado 3
– 12:00 h. Estefanía Padullés asina Leopoldo, o pequeno monstro, publicado por Hércules, e Un mundo para Maruxa, publicado por Belagua.
– 12:00 h. Óscar Senra Sete dias com Elisa, publicado por Através.
– 18:00 h. Paco Nogueiras e Marc Taeger asinan Extra!, publicado por Kalandraka.
– 19:00 h. Bea Gregores asina Emilia Pardo Bazán. Unha mente poderosa, obra de María Canosa, da que é ilustradora, publicada por Bululú.
– 20:00 h. Rexina Vega asina O estado intermedio, publicado por Galaxia.
– 20:00 h. Carlos Méixome asina Catas na memoria, publicado por Laiovento.

Domingo 4
– 18:00 h. Victoria García (autora) e Laura Cortés (ilustradora) asinan As formiguiñas filandeiras, publicado por Hércules.
– 18:00 h. Xulia María Barros asina A árbore dos vagalumes, publicado por Belagua.
– 19:00 h. Antonio Tizón asina Os incurábeis, publicado por Xerais.
– 19:00 h. Raquel Miragaia asina Tempo Tardade, publicado por Através.
– 20:00 h. Manel Monteagudo asina De mariño a poeta, publicado por Medulia.

O xoves 10 de xuño foi un día moi especial. As entidades organizadoras desta actividade, a Área e Cultura do Concello de Lugo e a AELG, acompañamos a rapazada do IES Leiras Pulpeiro e IES Muralla Romana que participou en EnRedando co galego, actividade de normalización da nosa lingua, creación literaria e afectos, cunha sorpresa moi especial que lle encantou ao alumnado: o concerto dos VertoTemazos. #Enredamos un pouco e parolamos coas rapazas e rapaces participantes canda Antonio Reigosa, e entregamos canda Fer e Verto, o tenente de alcalde Rubén Arroxo e Felipe Rivas, concelleiro de Educación, os agasallos e premios do certame. É xusto sinalar que encontramos novísimas escritoras cun futuro moi prometedor e intuímos que esta iniciativa pode ser o comezo de algo moi bo para a nosa lingua, a mocidade e tamén para Lugo, cunha actividade potente e de referencia. E debemos agradecerlle finalmente ás profesoras e profesores o seu traballo, esforzo e apoio para que todo saíse ben.