Desde
o blogue de Armando Requeixo, Criticalia:
“Quero hoxe dar conta dunha iniciativa que confirma o crecente interese polas nosas letras en terras abondo distantes e por culturas de acollida ben diversas.
Hимбъі é o título co que un equipo de tradutores do Centro de Estudos Galegos da Universidade de San Petersburgo traduciu ao ruso os Nimbos de Xosé María Díaz Castro, autor do que se cumpre o primeiro centenario e ao que consagramos o ano en curso e o pasado Día das Letras Galegas.
Andrey Rodosskiy, Víctor Andreev, Daria Sinitsina, Vladimir Litus, María Tolstaya, Yuriy Shashkov e mais Elena Zernova (esta última coordinadora do volume e verdadeira alma mater da iniciativa) conseguiron que os versos de “Penélope”, “A cerna” ou “No resplendor do día”, entre outros, cobrasen vida na fala cirílica. Que, amais, vexan a luz nunha primorosa edición bilingüe, moi coidada no material, é outro mérito do amentado Centro de Estudos Galegos, que con este título chega xa ao décimo noveno volume dedicado á nosa escrita dende 1995 ata a actualidade.
Convén salientar o mérito desta tradución, que trasladou as composicións do poeta guitiricense conservando a rima, a métrica o ritmo e a estrutura das mesmas, labor arduo onde os haxa cando do que se trata é de transvasar entre idiomas tan arredados. (…)”
Arquivo da categoría: Poesía
Vigo: After, con María Lado e Lucía Aldao
Rosalía Fernández Rial: “Ter soños por cumprir é unha razón para vivir”
Entrevista
a Rosalía Fernández Rial en La Voz de Galicia:
“A poetisa carballesa e muxiá, Rosalía Fernández Rial, presentou este xoves, 14 de agosto, o seu poemario Ningún amante sabe conducir no Faro Vilán de Camariñas rodeada das pezas da exposición de pintura e escultura Son do Mar e coa colaboración dos seus autores, José Garrido e Yano Yoro, que realizaron unha pequena performance inspirada neses versos. (…)
– La Voz de Galicia: Un soño por cumprir.
– Rosalía Fernández Rial: Moitos. Ter soños por cumprir é unha razón para vivir, así que os vou acumulando continuamente. Tamén teño soños colectivos, como que a cultura impere un pouco máis, que a xente aspire a ela e que aprecie as demostracións culturais, e sobre todo que haxa máis traballo neste sector. (…)”
Viveiro: actividades destacadas do sábado 16 e domingo 17 na Feira do Libro
O
sábado 16 e domingo 17 de agosto finaliza a edición de 2014 da Feira do Libro de Viveiro (nos Xardíns de Noriega Varela, de 12:00 a 14:00 horas e de 18:00 a 22:00 h.), cos seguintes actos literarios destacados para eses días:
Sábado 16
– 19:00 h. Recital-presentación da novela Fugaz coincidencia e o poemario Nair, de José Estévez, publicados por Redelibros. Participan, xunto ao autor, Chus Amieiro, Luísa Arias, Ana P. Croas, Iria López, Salomé Díaz Muñiz, Esperanza Martínez, Carmen Cociña, Catarina Laxe e Mar Romero.
– 20:00 h. Henrique Dacosta asinará exemplares do seu libro Entrada ao xardín do saber, publicado por Redelibros.
– 20:00 h. Presentación do libro A voz do vento, de Pemón Bouzas, publicado en Xerais.
Domingo 17
– 20:00 h. Presentación do libro Alcumes de Celeiro, de José Antonio Abella Albo.
– 21:00 h. Presentación do libro Como ser reintegracionista sen que a familia saiba, de Eduardo Sanches Maragoto, publicado por Edicións do Cumio.
Cee: actos literarios da Feira do Libro no venres 15 e sábado 16 de agosto
Dentro
da Feira do Libro de Cee, terán lugar as seguintes actividades na caseta da Libraría Á lus do candil:
Venres 15
– 13:00 h. María Canosa Blanco asinará exemplares de Papá, que son os sorrisos? (Galebook) e Ana xa chegou! (Everest).
Sábado 16
– 13:00 h. Miro Villar asinará exemplares de A pantasma da Casa da Matanza (Biblos).
– 19:00 h. Xosé Iglesias asinará o seu poemario Transfusión oceánica (Caldeirón) e Modesto Fraga asinará exemplares de Fisterra, a derradeira perla de occidente.
Faro Vilán, Camariñas: presentación de Ningún amante sabe conducir, de Rosalía Fernández Rial
Pontevedra: espectáculo Quen puidera ver os elefantes, por Isaac Xubín
O
luns 11 de agosto, a partir das 21:00 horas, no Liceo Mutante (Rúa Rosalía de Castro, 100) de Pontevedra, Isaac Xubín presenta o seu espectáculo Quen puidera ver os elefantes, baseado en tres momentos que xiran ao redor de tres experiencias persoais relativas a nomes propios. Cada parte atópase precedida dunha pequena introdución con referencias a clásicos galegos e rematan cun recitado da súa obra e unha peza ad hoc interpretada con flauta e con whistle.
A Coruña: actos literarios destacados do domingo 10 na Feira do Libro
O
domingo 10 de agosto remata a Feira do Libro da Coruña (nos Xardíns de Méndez Núñez, con horario de 11:00 a 14:00 h. e de 18:00 a 22:00 horas), cos seguintes actos literarios destacados nese día:
– 12:00 h. Sinatura de libros de Miguel Ángel Alonso na caseta de Libraría Pedreira.
– 12:30 h. Actividade infantil. O soño de Esther. Contacontos a cargo de Miguel Ángel Alonso Diz. Actividade promovida por Nova Galicia Edicións.
– 13:00 h. A editorial Contos Estraños presenta: Segunda Era. Antoloxía de relatos fantásticos de autores galegos. Participarán no acto varios dos autores da antoloxía e os editores Fernando M. Cimadevila e Tomás González Ahola.
– 18:30 h. Xurxo Souto asina exemplares das súas obras na caseta de 7 Mares Libros.
– 20:00 h. Lemos, cantamos, gozamos. II Semana da música infantil da Coruña. Brinca vai!, con Paco Nogueiras.
– 20:00 h. Recital de poetas coruñesas.
A Coruña: actos literarios destacados do sábado 9 na Feira do Libro
O sábado 9 de agosto continúa a Feira do Libro da Coruña (nos Xardíns de Méndez Núñez, con horario de 11:00 a 14:00 h. e de 18:00 a 22:00 horas), cos seguintes actos literarios destacados nese día:
– 13:00 h. Paula Carballeira e o ilustrador Xosé Tomás presentan o seu libro A Burra Ramona, con sesión de ilustración e contacontos. Actividade organizada por Baía Edicións.
– 19:00 h. Presentación de Raros e curiosos, de Carlos López, publicado por Edicións Embora. Xunto co autor, participará no acto o escritor e xornalista Carlos G. Reigosa.
– 19:00 h. Diana Varela e Xulio Valcárcel asinarán na caseta de Editores Coruñeses.
– 20:00 h. Xosé Vázquez Pintor presenta o seu libro Columnas de papel 2, publicado por Morgante.
– 20:00 h. Sinatura de libros de Rubén Martínez Alonso na caseta de Consorcio Editorial.
– 20:00 h. Sinatura de O mundo secreto de Basilius Hoffman, de Fernando M. Cimadevila e Galiza Mutante: Poder Nuclear! e Alaia e a deusa, de Tomás González Ahola, publicados por Urco Editora, na caseta de Libraría Cartabón.
Vilagarcía: XXXIX Mesa das Verbas
