Desde o blogue Galego en Madrid:
“Rafa Yáñez Jato, un poeta novo da Terra Chá que vive en Madrid, visitounos o día 13 de decembro. Podedes ler aquí a intervención de Rafa Yáñez, os seus poemas, e lembrar o encontro tamén con estes vídeos:”
Arquivo da categoría: Poesía
Mondoñedo: recital de poesía na Casa de Mañas
O 
sábado 16 de febreiro, ás 21:00 horas, terá lugar un recital de poesía na Casa de Mañas (Calvela, 1 – Vilamor) de Mondoñedo, coa participación de María Lado, Elvira Riveiro, Modesto Fraga Moure, Jose Estévez e Max Logo. Empezarase cuns pinchiños e uns viños para ir abrindo boca e seguidamente será o recital. Unha parte estará dedicada á poesía erótica á que acompañará un tango. O prezo para acudir a esta velada é de 15 euros. O aforo é limitado por unha cuestión de espazo. As persoas que estean interesadas, poderán reservar a súa entrada no teléfono 619 916 341. Os asistentes recibirán un caderno cos poemas que se lean no acto.
Gondomar: espectáculo poético-musical Tristecentos versos
O 
venres 15 de febreiro, ás 21:00 horas, no Nornas Hostel (Rúa da Igrexa, 15) de Gondomar, Xabier Xil, Elvira Riveiro e Silvia Penas, acompañados pola DJ Carina Posse, ofrecen o espectáculo poético-musical Tristecentos versos. O prezo da entrada é de 2 euros.
Arteixo: coloquio sobre o Colectivo Literario Sacou e recital poético
O 
luns 18 de febreiro, as 21:00 horas, na Libraría A lus do candil (Rúa Historiador Vedía, 3) de Arteixo, terá lugar un coloquio sobre o Colectivo Literario Sacou coa participación de Ramón Blanco, Anxo Otero e Manuel L. Rodrigues, onde falarán sobre os seus proxectos individuais e colectivos. O acto finalizará cun recital poético.
Vilagarcía: nova edición da Mesa das verbas
Márcio-André: palestra Os modos de inovação da poesia brasileira contemporânea
Con dez poemas por barba, o novo espectáculo de Lado Aldao
Centros escolares colaboradores no Día de Rosalía de Castro 2013 (VIII)
Dentro 
das actividades do Día de Rosalía de Castro 2013, organizadas pola Asociación de Escritoras e Escritores en Lingua Galega, o venres 22 de febreiro terá lugar en múltiples centros de ensino a inclusión, nese día de actividades escolares, de lecturas e gravacións audiovisuais por parte do alumnado de poemas de Cantares gallegos, que serán divulgadas posteriormente no noso espazo web para darlles visibilidade social.
Finalizamos coa publicación diaria dos centros que participan nesta actividade, aos que agradecemos enormemente o interese e dispoñibilidade das súas comunidades escolares:
– Sábado á noite: CPR plurilingüe Montesol, Vigo.
– -Compadre, desque un vai vello: CEIP plurilingüe San Marcos, Abegondo.
– Prólogo: IES Illa de San Simón, Redondela.
– Nasín cando as prantas nasen: CEIP Alexandre Bóveda, Chapela-Redondela.
– -Cantan os galos pra o día: CPI da Cañiza.
Vigo: presentación de Carnia Haikai, de Elvira Riveiro
O 
sábado 9 de febreiro, ás 20:30 horas, no Centro Social Bou Eva (Rúa Terzo de Fóra, 11) de Vigo, preséntase Carnia Haikai, de Elvira Riveiro, publicado pola A. C. Caldeirón. No acto, xunto á autora, participan Silvia Penas, Héitor Picallo e a DJ alemá Carina Posse, no que será un acto que combine a reflexión sobre os textos, o discurso arredor da xénese das ilustracións que acompañan os poemas, o recitado, a música e o vídeo.
Manuscritos: Olalla Cociña
Desde o blogue Caderno da crítica, de Ramón Nicolás.
