O 
Ciclo Galicia, ceo das letras. Sábados de autor, que se desenvolverá na Cidade da Cultura, está composto polo seguinte programa de actividades:
– 15 de xaneiro. Rosalía, a voz dun pobo:
12:00 | Relatorio: María do Cebreiro Rábade Villar.
13:00 | Ao raso coas lebres (60’), da compañía CasaHamlet.
– 29 de xaneiro. Manuel Antonio: “venador” de horizontes:
12:00 | Relatorio: Xosé Luís Axeitos.
13:00 | Manuel Antonio e mais dispois (35’). Recital poético-musical de María Lado e o pianista Nacho Muñoz.
– 12 de febreiro. Cela e o seu teatro do mundo.
– 26 de febreiro. Fernando Pessoa: da nosa veciñanza:
12:00 | Relatorio: Carlos Quiroga.
13:00 | Dulce Pontes e Uxía Senlle (40’).
– 12 de marzo. Martín Códax: o son das ondas.
– 26 de marzo. Valle Inclán e a visión estelar.
– 02 de abril. Cunqueiro e a maxia da palabra:
12:00 | Relatorio: Quico Cadaval.
13:00 | Cunqueiradas (45’), por Cándido Pazó.
– 30 de abril. Valente ou a erótica do baleiro:
12:00 | Relatorio: Claudio Rodríguez Fer.
13:00 | Concerto de Mauricio Sotelo, Raquel Rivera e María Luz Rivera (25’).
– 14 de maio. Salvador Espriu: da nosa veciñanza.
– 28 de maio. Torrente e a creación sen límites:
12:00 | Relatorio: Jesús Ferrero.
13:00 | Lecturas musicadas (30’): Charo López, Luis Iglesias Feijoo e Alfredo Conde.
– 11 de xuño. Blanco Amor ou a paixón das marxes.:
12:00 | Relatorio: Bieito Iglesias.
13:00 | Proxección audiovisual (45’). Produción propia da Asociación de Escritores en Lingua Galega (A.E.L.G) que se estrea neste ciclo, como mostra da visión poliédrica dunha serie de escritores/as e estudosos/as sobre o universo literario de Blanco Amor.
Presentan: Cesáreo Sánchez Iglesias, poeta e presidente da A.E.L.G., xunto con Mercedes Queixas Zas, profesora, ensaísta e crítica literaria, así como secretaria xeral da A.E.L.G.
– 25 de xuño. Jorge Luis Borges: da nosa veciñanza.
Arquivo da categoría: Recitais
Becerreá: Noite poetica A Pipa 2010 con Branca Novoneyra
O 
domingo 26 de decembro, a partir das 19:00 h., na Casa da Cultura de Becerreá terá lugar a XIX Noite Poética A Pipa 10 con Branca Novoneyra, con este programa de actos:
– Cerimonia de Entrega de Premios do XIX Certame Literario A Pipa 10 da Alta Montaña Luguesa, presentado por Amparo Becerra, Alicia Chao Penela, Xavier Fernández e Rafa Ramos. Interveñen: Branca Novoneyra e os/as representantes das institucións colaboradoras.
– Presentación e conversa coa bailarina e escritora homenaxeada Branca Novoneyra, a cargo de Marta de Sinllán e Afonso Becerra de Becerreá.
– Proxección de pezas de danza de Branca Novoneyra.
– Recital da poesía de Branca Novoneyra.
– Cóctel e brinde.
A Coruña: recital de Olga Novo e Andrés Neuman no Ciclo Poetas di(n)versos
O 
luns 20 de decembro, a partir das 20:30 h., na Casa da Cultura Salvador de Madariaga (Rúa Durán Loriga, 10, baixo) da Coruña, retoma a súa actividade o ciclo Poetas Di(n)versos, dirixido por Yolanda Castaño, cun recital de Andrés Neuman, poeta arxentino-granadino, tamén autor de contos e microensaios, xa foi sinalado como un dos nomes clave da literatura do s. XXI por mestres como Bolaño, e Olga Novo, autora de culto das últimas xeracións galegas e unha das poéticas máis desacougantes do panorama contemporáneo, o seu traballo como profesora na Universidade da Bretaña Sur fainos escasas as ocasións de escoitar a forza vivencial e o erotismo. Máis información neste arquivo: Programa Ciclo DinVersos Decembro 2010.
Ribeira: presentación do poemario Caderno de Ponza, de Xabier López Marqués
O 
venres 17 de decembro, a partir das 20:00 h., no Ateneo Valle-Inclán de Ribeira, a Asociación Cultural Barbantia, a Colección Bourel e o Ateneo Valle-Inclán presentaón o poemario Caderno de Ponza, de Xabier López Marqués; nun acto que inclúe un recital poético no que estarán presentes o autor e mais Antonio Piñeiro, director de Bourel. Acompañará o acto unha exposición cos traballos artísticos e bibliográficos da Colección Bourel.
Santiago: presentación de O libro dos cans, de Estevo Creus
O 
venres 17 de decembro, a partir das 19:30 h., na Libraría Couceiro (Praza de Cervantes, 6) de Santiago de Compostela, preséntase O libro dos cans, de Estevo Creus, publicado en Franouren. No acto, acompañando ao autor, participarán Antón Lopo a danza en directo de Begoña Cuquejo, Paulina Funes e Josua McCarey.
Morgadáns: entrega do III Premio de Poesía Victoriano Taibo a María Goretti Fariña
O 
sábado 11 de decembro ás 19:00 h. na Escola de Guillufe en Morgadáns terá lugar o acto de entrega do III Premio de poesía Victoriano Taibo-Entidade Local de Morgadáns a Goretti Fariña Caamaño (San Xoán de Baión, Vilanova de Arousa, 1965), que resultou gañadora polo seu poemario Devastacións imposibles. O premio xestionado polo Instituto de Estudos Miñoranos e sufragado pola Entidade Local Menor de Morgadáns consta de un premio en metálico de 3000 euros, a edición do libro premiado e unha figura escultórica realizada polo artista miñorano Fino Lorenzo. No acto, que será presentado pola xornalista e guionista Araceli Gonda, presentárase tamén o libro premiado e estará animado polo grupo de gaitas “Balcón do Miñor”, de Morgadáns, así como polos cativos do Colexio Rural Agrupado “Antía Cal” que recitaran textos de Victoriano Taibo e polo grupo de teatro baionés “Non si? Teatro” que dramatizará algúns textos poéticos de don Victoriano, contando tamén coa presenza da premiada, que recitará tamén algúns dos textos do libro.
A Coruña: presentación e recital de As nosas sombras no Xardín de Serralves, de Xoán Abeleira
A Coruña: recital poético-musical con motivo do Día dos Dereitos Humanos
O venres 10 de decembro, a partir das 20:00 h., na Biblioteca Miguel González Garcés (Rúa Miguel Glez. Garcés, s/n.) da Coruña, con motivo do Día dos Dereitos Humanos, Amnistía Internacional organiza un acto poético-musical coa participación Yolanda Castaño, Xulio López Valcarcel, Pedro Ramos, Xosé Taboada, Xurxo Mares, Silvia Penide, Paco Campos, Francisco Pillado e Xulio Correa.
Vilaboa, Culleredo: homenaxe a Manuel Rivas
O 
mércores 1 de decembro, ás 20:00 h, na Biblioteca de Poesía Uxío Novoneyra, e dentro do programa do Concello III Outono das Letras en Vila Melania (Vilaboa, Culleredo), realízase unha homenaxe a Manuel Rivas, na que participan Celestino Poza, Luciano Rodríguez Gómez e o propio autor. A continuación haberá unha actuación do Dúo de guitarra e voz do Conservatorio de Música de Culleredo, a cargo de Cristina López Fraga, voz, e Antía Seijas Vieites, guitarra.
Pontevedra: actividade literaria do domingo 28 no Culturgal 2010
O 
venres 26, sábado 27 e domingo 28, de 11:00 a 21:00 h., e con acceso libre para o público, celébrase en Pontevedra a III edición do Culturgal, que se desenvolverá no Pazo de Congresos, que se presenta como un escaparate do que produce a industria cultural galega. A programación completa do Culturgal pódese descargar neste enlace. As actividades literarias pódense consultar neste arquivo: Programa editorial no Culturgal 2010.
As actividades do domingo 28 son as seguintes:
– 11:30 h. O Cuarto dos nenos. Presentación de A xanela, de Amalia Pérez e Nieves González.
– 12:00 h. O Cuarto dos nenos (auditorio). Concerto-presentación de Tic-Tac.
Faladoiro no Salón do Libro. Durante a mañá, o xornalista Camilo Franco entrevistará a estes autores:
– 12:30 h. Fina Casalderrey, autora de E ti que farías por min? e Un saco de estrelas.
– 13:00 h. Elena Gallego, autora de Dragal.
– 13:30 h. Teresa González Costa, autora de A filla do ladrón de bicicletas (Premio Merlín 2010)
– 16:00 h. Salón do Libro. Presentación de Unha viaxe pola infancia, de Antonio Gómez Albo, publicado en Ir Indo.
– 17:00 h. O Cuarto dos nenos. Presentación da colección Animais Extraordinarios, de Xulio Gutiérrez e Nicolás Fernández, publicados en Faktoría K.
Faladoiro no Salón do Libro. Durante a tarde, o xornalista Camilo Franco entrevistará a estes autores:
– 18:00 h. Manuel Rivas, autor de Todo é silencio.
– 19:00 h. Marcos Calveiro, autor de Settecento e O pintor do sombreiro de malvas
– 19:30 h. Manuel Portas, autor de Denso recendo a salgado.
– Ás 19:00 h., no Patio Interdisciplinar, nova sesión de A hostia en verso, particular enfrontamento lírico entre poetas de letras e poetas de ciencias. Ambos os dous equipos estarán representados por Ledicia Costas, Lara do Ar, Eduardo Estévez e Xabier Xardón nas contas e Daniel Landesa, David Rodríguez, Miguel Valverde e Daniel Costas nas vogais e consoantes, coa música de Mr. Carácter e os pinceis da artistas Laura Sáez, que fará uns debuxiños en directo, facendo de presentadoras Lucía Aldao e María Lado. Logo de cada proba os participantes sométense ao xuízo sumarísimo do público, que será quen decida, cos seus votos, cal é o equipo gañador.
– 20:00 h. Salón do Libro. Presentación de Novas receitas da cociña de Larpeiros, de Benigno Campos.
