O 17 de outubro, ás 19:00 horas, na Libraría Metáfora (Rúa Paio Gómez Chariño, 9), en Pontevedra, organizada polo Ateneo de Pontevedra, terá lugar a presentación do libro Campo de pullas, de Miguel Anxo Mouriño, editado polo Instituto de Estudos Miñoráns (IEM) por medio de Companha Editora (grupo Sacaúntos). José Luís Vázquez Blanco, “Poli”, será o presentador.
A Coruña: representación de O auto do Castromil, de Manuel María
Bases do XXX Certame de contos e relatos curtos Trapero Pardo
Vigo: recital de poesía con Pablo Rodríguez e Samuel Merino
Compostela: presentación de A maxia da terra, de Isabel Elena Peleteiro
Lugo: presentación de Os nabos de Gracián
Vigo: presentación de Economía e Poesía. Rimas internas, de Yolanda Castaño
Ourense: presentación de O amante expresionista, de Álex Mene, o 17 de outubro
Compostela: presentación de O tigre na boca do lagarto, de Antón Dobao
Os Premios da Cultura Galega 2024 recaen en Manuel Lourenzo, Xosé María Pérez Barro, Marta Pazos, Joaquín Martínez, Ficción Producións, Julia Díaz, Xosé Manuel González e o Real Club Celta de Vigo
Desde a Xunta de Galicia:
“O xurado dos Premios da Cultura Galega 2024 reuniuse en Santiago de Compostela para outorgar os recoñecementos desta edición. A xuntanza, que tivo lugar na Cidade da Cultura de Galicia, estivo presidida polo conselleiro de Cultura, Lingua e Xuventude, José López Campos.
Ao remate da mesma, fíxose público o fallo nas distintas categorías propostas:
– Letras. Manuel Lourenzo.
– Artes Visuais. Xosé María Pérez Barro.
– Artes Escénicas. Marta Pazos.
– Música. Joaquín Martínez.
– Audiovisual. Ficción Producións.
– Lingua. Julia Díaz.
– Patrimonio Cultural. Xosé Manuel González.
– Proxección exterior. Real Club Celta de Vigo.
Do xurado tamén formaron parte o director xeral de Cultura, Anxo M. Lorenzo; a directora xeral de Igualdade, María Quintiana; o reitor da Universidade de Vigo, Manuel Reigosa; Henrique Monteagudo, académico numerario, en representación da Real Academia Galega; Xosé Manuel Núñez Seixas, vicepresidente do Consello da Cultura Galega; Maximino Zumalave, académico numerario da Real Academia Galega de Belas Artes; así como profesionais de recoñecido prestixio, como Kirenia Martínez Acosta, xestora cultural, bailarina e coreógrafa; Lucía Carballeda Suárez, historiadora da arte e galerista; e Anxo Angueira Viturro, presidente da Fundación Rosalía de Castro.”
