Cuestionario Proust: O Leo
Desde
o blogue de Ramón Nicolás, Caderno da crítica, este Cuestionario Proust a O Leo:
«1.– Principal trazo do seu carácter?
– A curiosidade.
2.– Que calidade aprecia máis nas persoas?
– A capacidade crítica.
3.– Que agarda das súas amizades?
– Nada.
4.– A súa principal eiva?
– A irresolución.
5.– A súa ocupación favorita?
– Pensar.
6.– O seu ideal de felicidade?
– Ter tempo para pensar.
7.– Cal sería a súa maior desgraza?
– Non ter tempo para pensar.
8.– Que lle gustaría ser?
– Honesto.
9.– En que país desexaría vivir?
– Nunha Galiza ceibe. Se non, Brasil ou New York, tamén Londres.
10.– A súa cor favorita?
–
11. – A flor que máis lle gusta?
– A borraxe.
12.– O paxaro que prefire?
– A laverca.
13.– A súa devoción na prosa?
– Kafka, Cortázar e Ferrín.
14.– E na poesía?
– Ferrín, os haiku, Ronseltz, Daniel Salgado, Pavese, Pessoa, Catulo, Lois Pereiro, trobadores galaico-portugueses…
15.– Un libro?
– A Correspondencia de Manuel Antonio, que agardo convenientemente re-editada (non reimpresa).
16.– Un heroe de ficción?
– Bartebly.
17.– Unha heroína?
– María a Balteira.
18.– A súa música favorita?
– O punk.
19.– Na pintura?
– Duchamp.
20.– Un heroe ou heroína na vida real?
– Miña nai.
21.– O seu nome favorito?
– Leo (en masculino e feminino).
22.– Que hábito alleo non soporta?
– O asoballamento.
23.– O que máis odia?
– A humillación.
24.– A figura histórica que máis despreza?
– Alberto Núñez Feijoo.
25.– Un feito militar que admire?
– A Revolución dos Caraveis.
26.– Que don natural lle gustaría ter?
– A empatía.
27. – De que maneira lle gustaría morrer?
– Loitando.
28.– Cal é o seu estado de ánimo máis habitual?
– Contente.
29.– Que defectos lle inspiran máis indulxencia?
– O desleixo.
30.– Un lema na súa vida?
– Só se consegue o que se ama con indiferenza (Cesare Pavese, nunha lectura taoísta).”
Concentracións de Queremos Galego!, o sábado 17 de maio ás 12:00 horas
O sábado 17 de maio, ás 12:00 horas, terán lugar 8 actos centrais de Queremos Galego! Neles será lido o manifesto Un paso adiante e mais outro paso adiante, Galiza!, feito por Marica Campo. Os lugares concretos son os seguintes:
– A Coruña: A carón do Teatro Rosalia de Castro (confluencia das rúas Real e Rego de Auga).
– Ferrol: Praza de Armas.
– Foz: Praza do Conde de Fontao.
– Lugo: Xardíns de San Roque (diante da estatua de Xoán Montes).
– Ourense: Alameda (diante da estatua de Eduardo Blanco Amor).
– Pontevedra: Praza da Peregrina.
– Santiago: Porta Faxeira.
– Vigo: Manifestación con saída de Vía Norte.
MANIFESTO UN PASO ADIANTE E MAIS OUTRO PASO ADIANTE, GALIZA
Guitiriz: acto da Real Academia Galega no Día das Letras Galegas
Adolfo Caamaño gaña o XXIII Certame Manuel Murguía con A geisha no bosque
Adolfo Caamaño 
coa narración titulada A geisha no bosque de bambú é o gañador da XXIII edición do certame de narracións breves Manuel Murguía. Os finalistas foron os escritores Pedro Larrañaga e Antón Vázquez. O premio está dotado económicamente con 3.700 euros e a publicación da obra gañadora..
O xurado, formado por Modesto Fraga Moure (membro da AELG), Margarita Fernández Ledo (profesora do IES de Pastoriza), Juan Tallón Salgado (gañador da anterior edición) e coordinado por Julio Mancebo, decidiu nunha xuntanza realizada o 26 de abril elixiu os 3 finalistas, que recibiron un pergamiño artesanal manuscrito e elaborado en pel natural.
Gondomar: actos polo Día das Letras Galegas
Vila Nova de Cerveira: A poesia de Manuel Antonio, por Xosé Luís Axeitos
A Coruña: recital poético-musical Con dez poemas por barba, con Lucía Aldao e María Lado
Entrevista a Armando Requeixo, experto na figura de Díaz Castro
Outeiro de Rei: actividades da Fundación Manuel María polo Día das Letras Galegas
“Dicía
Manuel María que a Terra chá era unha auténtica “patria poética” cun aquel que a facía territorio idóneo para a ensoñación e a creación literaria e que iso explicaba que dela fosen saindo tantos autores e autoras para as letras galegas. Con Xosé María Díaz Castro as letras galegas fanse chairegas e a Fundación Manuel María de Estudos Galegos anima a achegarse este sábado á comarca de nacemento do autor homenaxeado e á do propio Manuel María.
A Casa Museo Manuel María en Outeiro de Rei -emprazada na que foi casa natal do poeta, a Casa de Hortas -abrirá as súas portas co horario habitual de todos os sábados (11:00 a 14:00 e 16:30 a 18:30 horas) e ofrecerá ás persoas que a visitaren diferentes propostas que buscan facer do Día das Letras unha xornada especial na que Xosé María Díaz Castro será protagonista central.
O auditorio da Casa Museo acolle desde hai varios días unha mostra fotográfica e documental que dá conta da relación literaria e persoal existente entre Díaz Castro e Manuel María. Unha das iniciativas que se proporá ás persoas visitantes da xornada é a gravación da lectura dun poema de Díaz Castro (con cámara, dispositivo móbil, etc). Dáse, así mesmo, a posibilidade de gravar o recitado desde a casa ou desde outro lugar, para que non se puider achegar fisicamente a Outeiro de Rei, e igualmente envialo á Fundación: as gravacións pódense enviar a fundacion@manuelmaria.com. Todas xuntas comporán logo un videopoema colectivo de homenaxe ao poeta dos Vilares.
Outra das propostas que a Casa Museo formula a quen a visitar o sábado é sumarse á moda do selfie fotográfico e autorretratarse incluindo, neste caso, a Díaz Castro e ao propio Manuel María na autofotografía para logo difundir a imaxe nas redes sociais (Facebook, Twitter, Instagram).
Todas e todos os visitantes da Casa Museo durante a xornada das Letras recibirán como agasallo un exemplar de Terra chá, obra que este ano está de 60 aniversario, nunha edición especial preparada polo xornal chairego Terra cha.xa, a área de Cultura da Vicepresidencia 1ª da Deputación de Lugo e a Fundación Manuel María de Estudos Galegos.”
