A Coruña: inauguración da exposición Unha viaxe pola Nación Mar, de Xosé Iglesias
Marcos Calveiro: “Son escritor, porque antes fun lector, pese a todos os inconvenientes”
Entrevista a Marcos Calveiro no Zig-zag da Televisión de Galicia:
“A última aventura de Marcos Calveiro lévanos a reunir a Curros Enríquez con Sherlock Holmes en Londres para buscar o manuscrito roubado d’O capital de Karl Marx. Todo é posible nun libro que inicia unha saga literaria. A entrevista pode verse aquí.”
Xesús Rábade Paredes: “Non existe a realidade, existen as realidades”
Entrevista a Xesús Rábade Paredes no Zig-zag da Televisión de Galicia:
“Revisar a memoria propia non é sen dúbida un proceso doado e nin tan sequera ten que ser un proceso cronolóxico. O poeta Xesús Rábade Paredes revisa a súa memoria e, con ela, revisa a memoria dun tempo e dunha xeración, desde a lingua ata a literatura, máis alá do persoal no seu libro A luz co tempo dentro. A entrevista pode verse aquí.”
O libro educativo. Unha viaxe para medrar
Berta Dávila: “Escribir sobre maternidade abre unha xanela a unha experiencia universal”
Compostela: presentación de Cornucopia, de Raúl M. Santos
Roteiros Literarios pola provincia de Pontevedra 2022
Os Roteiros Literarios pola provincia de Pontevedra 2022 son unha iniciativa da Asociación de Escritoras e Escritores en Lingua Galega desenvolvida coa colaboración e patrocinio do Servizo de Cultura da Deputación de Pontevedra, co obxectivo de dar a coñecer as cidades e vilas do país da man das nosas autoras e autores, que exercen de guías tomando como base obras literarias propias ou alleas ambientadas nos diversos espazos da provincia de Pontevedra.
Todos os percorridos faranse a pé, a partir das 11:30 horas.
Hai 25 prazas para cada un deles. As inscricións (máximo de 2 roteiros por persoa que se inscriba) poden realizarse no formulario dispoñíbel aquí.
Os roteiros son os seguintes:
– Vigo. 29 de maio. Ana Abad de Larriva. Roteiro polo Vigo teatral a través do tempo. De 11:30 a 13:00. Partida: Porta do Sol.
– A Estrada. 5 de xuño. Xoán Carlos Garrido Couceiro. Manuel García Barros, o escenario da súa pluma insubmisa. De 11:30 a 13:00. Partida: Casa do Concello.
– Pontevedra. 19 de xuño. Elena Gallego Abad. CITA na Pontevedra de tinta e pedra. De 11:30 a 13:00. Partida: Centro de Interpretación das Torres Arcebispais (CITA).
– Cuntis. 26 de xuño. Héitor Picallo: O Baño (Cuntis), unha vila de augas e de letras. De 11:30 a 13:00. Partida: Praza das Árbores.
– Bueu. 3 de xullo. Míriam Ferradáns. Darse en auga. Os versos do azul. De 11:30 a 13:00. Partida: Biblioteca Torrente Ballester.
Outeiro de Rei: IX edición do Convivio da Cultura Galega, o 9 de xullo
Vigo: actividades dos 2 e 3 de xullo da Feira do Libro 2022
