O 16 de novembro, ás 16:30 horas, na A. C. Alexandre Bóveda (Rúa Olmos, 16-18, 1º), na Coruña, Ernesto Is ofrecerá unha palestra baixo o título Mil vidas: María Casares e as pezas teatrais que marcaron unha carreira. As persoas interesadas poden anotarse no correo electrónico acab@mundo-r.com
Arquivos da etiqueta: Agrupación Cultural Alexandre Bóveda
A Coruña: “A India hoxe: as viaxes da viaxe”, con Cesáreo Sánchez Iglesias, o 10 de novembro
Desde a A. C. Alexandre Bóveda:
“O xoves 10 de novembro, ás 19:30 h, o poeta Cesáreo Sánchez Iglesias, falaranos da India hoxe: as viaxes da viaxe.
Que viaxe é posible hoxe a unha cultura tan complexa e tan lonxincua. Que papel xogou o colonialismo na India actual. A sociedade actual. O hinduísmo. As relixións ateas ou non teistas. A muller na sociedade actual, unha aproximación.
Cesáreo Sánchez Iglesias (Dadín-Irixo, 1951) é autor dunha ampla obra, principiada en 1978 con Silencios e conversas de inverno. Foi director de Edicións A Nosa Terra e presidente do semanario do mesmo nome. É presidente da AELG. O seu último libro publicado é A árbore que dá as lágrimas de Shiva, en Edicións Xerais.
Se queres asistir a esta actividade, envíanos os teus datos a través deste formulario.”
A Coruña: presentación de Na insônia cruel do relógio, de Antom Laia
A Coruña: 25 Memorial Ibán Toxeiro. Pedro Brandariz na lembranza
A Coruña: José Manuel Barbosa presenta Porque caiu a Galiza?
A Coruña: presentación de Últimas tardes con Xohana, de Xohana Torres
O 3 de outubro, ás 19:30 horas, preséntase Últimas tardes con Xohana, de Xohana Torres, publicado por Engaiolarte. No acto participan Pepe Puga, editor de Engaloiarte, e Nuria Vil. Grazas á Deputación da Coruña, as persoas asistentes recibirán como obsequio un exemplar do libro.
A Coruña: presentación de Outono aquí, de Mario Regueira
O 28 de setembro, ás 19:30 horas, na A. C. Alexandre Bóveda (Rúa Olmos, 16-18, 1º), na Coruña, Mario Regueira presenta a súa novela Outono aquí, editada por Menino Morreu. As persoas interesadas en asistir á presentación poden anotarse aquí.
A Coruña: Clube de lectura de Literatura universal 2022, por Xoán Costa
A A. C. Alexandre Bóveda inicia un clube de lectura de Literatura universal, coordinado por Xoán Costa, para este 2022.
Terá lugar os mércores, cada quince días, de 18:00 a 19:15 horas, nas seguintes datas:
– 19 de outubro.
– 2, 16 e 30 de novembro.
– 7 de decembro.
As persoas interesadas en participar deben enviar a súa solicitude de inscrición no correo acab@mundo-r.com, dado que as prazas son limitadas.
Teresa Moure: vídeo da conferencia Feminizar o conhecimento
A Coruña: presentación de A nación dos mil viños
O 21 de setembro, ás 19:30 horas, na A. C. Alexandre Bóveda (Rúa Olmos, 16-18, 1º), na Coruña, preséntase A nación dos mil viños. A guía galega para adentrarse no mundo do viño, de Martiño Santos Canosa e Xosé Gontá Sobrino, editado por Laiovento, con ilustracións de Toño Núñez Amigo-Rivadulla. As persoas interesadas poden inscribirse aquí.
