Desde
Sermos Galiza (fotografía da CRTVG):
“O programa conducido por Ana Romaní era todo un referente na información cultural. Desaparece co formato actual.
O Diario Cultural tal e como se coñece desde hai 28 anos -cando se comezou a emitir- desaparece. Deixa de existir. Esta é a denuncia que fai Concha de la Fuente, produtora do programa, a raíz da xuntanza do Comité Intercentros en que a CRTVG presentou a nova programación da Radio Galega. Esta comezará o 10 de setembro. O informativo cultural emblemático dos medios públicos ten pois data de caducidade.
Recoñéceo De la Fuente en conversa con Sermos Galiza: “Din que agora van facer algo transversal, en todas as franxas horarias, con bloques informativos de cultura”, indica, mais, asegura, o certo é que o Diario Cultural como se coñece desde hai case tres décadas, morre, Ficará a marca, mais non o contido nin o espírito. “Tíñanlle gañas”, indica unha fonte da propia compañía en referencia a que desde a dirección non se apostaba no formato actual.
Diario Cultural levaba case tres décadas tomando o pulso á realidade cultural galega. Conducido por Ana Romaní -poeta e académica numeraria da RAG-, o programa é todo un referente no espazo cultural do país.
Cultura da Deputación coruñesa pide á RG que manteña o Diario Cultural na súa grella.”
Arquivos da etiqueta: Diario Cultural
Isabel Soto e Xavier Senín publican María Victoria Moreno. Sementadora de futuro
Desde
o Diario Cultural da Radio Galega:
“‘Ela apostou polo xénero conscientemente en galego e fíxoo cunhas obras que no seu contexto son totalmente innovadoras’. Isabel Soto e Xavier Senín publican en Xerais a obra María Victoria Moreno. Sementadora de futuro. A entrevista pode escoitarse aquí.”
O investigador Carlos Quiroga presenta Raízes de Pessoa na Galiza
Desde
o Diario Cultural da Radio Galega:
“As conexións galegas de Fernando Pessoa: un tataravó de Outes e uns heterónimos de orixes galegas. Carlos Quiroga presenta Raízes de Pessoa na Galiza. A entrevista pode escoitarse aquí.”
Baldo Ramos presenta Cartas dende o esquenzo
Desde
o Diario Cultural da Radio Galega:
“O alzheimer atravesa o novo libro de poemas do escritor e artista, Cartas dende o esquenzo. Pode escoitarse a entrevista aquí.”
Fran Alonso: “A perda de facturación desde o inicio da crise foi moi forte e Xerais notouno moitísimo”
Entrevista
de Daniel Salgado a Fran Alonso en Sermos Galiza:
“(…) – Sermos Galiza (SG): Cales son os retos inmediatos da nova dirección de Xerais?
– Fran Alonso (FA): O reto máis inmediato é evidentemente que a editorial continúe navegando. Parece un reto moi humilde pero é algo fundamental. A partir de aí, deseñar liñas de renovación. Nunha nova etapa sempre hai cambios. Parece lóxico. Mais estou aínda na aterraxe. O nomeamento foi a sexta feira [20 de abril] e non tiven tempo para deseñar nada. É un momento de transición en que estamos termando de cousas pendentes e cousas urxentes para que non se paralice nada. Non quero precipitarme. (…)
– SG: O contexto económico para as editoriais galegas segue a ser complicado.
– FA: Si, evidentemente. A perda de facturación desde o inicio da crise foi moi forte. Xerais notouno moitísimo. Pero tamén todo o tecido editorial, aínda maltreito. Agora hai que traballar conxuntamente e intentar estratexias para saír da crise. Se non hai axuda institucional, e as cifras indican que está en perdas dun 80%, pois teremos que organizarnos. E con esa vontade, que é unha vontade bastante de ferro -como historicamente demostramos-, buscarmos estratexias para continuar adiante e superarmos as dificultades. (…)
– SG: Compatibilizará as súas novas responsabilidades coa literatura?
– FA: Iso espero! Teño paralizada unha novela que estaba escribindo, pero agardo poder recuperala. Nestes primeiros meses non, a ver se co acougo do verán…”
Tamén se pode escoitar aquí a entrevista feita no Diario Cultural da Radio Galega.
A nena do abrigo de astracán, a última novela de Xabier P. DoCampo
Desde
o Diario Cultural da Radio Galega:
“Percorremos as súas páxinas con Manuel Bragado, Xosé Cobas, Berta Dávila, Pepe Coira e Martin Pawley. Pode escoitarse aquí.”
Luz Pichel presenta Co Co Co U
Desde
o Diario Cultural da Radio Galega:
“”Non queda outra máis que tatexar e preguntar”. Poemas dun mundo que existe na fala, un mundo de vivos e mortos. A entrevista pode escoitarse aquí.”
Diálogos María Victoria Moreno: Ánxela Gracián
Desde
o Diario Cultural da Radio Galega:
“Diálogos María Victoria Moreno: Ánxela Gracián. A entrevista pode escoitarse aquí.”
A Asociación Galega de Editoras, con stand propio nunha feira internacional
Desde 
o Diario Cultural da Radio Galega:
““O libro galego ten que estar presente, esta (a presenza en Boloña) é unha proba de que somos capaces polos nosos medios de demostrar que o libro galego está vivo e que conta no mercado internacional”. Xosé Ballesteros, presidente da Asociación Galega de Editoras, entidade que por vez primeira conta cun stand propio nunha feira internacional. Comeza a feira do libro de Boloña na que participan nove empresas galegas. A entrevista pode escoitarse aquí.”
Entrevista a Helena Villar sobre Poesía mínima
Desde
o Diario Cultural da Radio Galega:
“Un haiku, unha imaxe, un lóstrego da realidade que cada quen percibe como pode. Helena Villar Janeiro xunta nun libro de fotopoemas as súas Poesías mínimas publicadas na rede. A entrevista pode escoitarse aquí.”
