“O 
ciclo Galicia Classics fará unha homenaxe ao escritor Álvaro Cunqueiro durante os meses de setembro e outubro coa programación do espectáculo O soño dourado. De Rosalía a Cunqueiro, un recital poético-musical que forma parte das iniciativas programadas no Ano Cunqueiro, no que se cumpre o centenario do seu nacemento. Este espectáculo rende homenaxe ás obras que inspiraron algunhas das páxinas máis logradas da literatura galega. A primeira cita deste espectáculo da Agrupación Lírica Ofelia Nieto será o venres 23 de setembro, en Ferrol. A actuación, que comezará ás 20:00 horas, terá lugar no Auditorio Novacaixagalicia. Unha semana despois, o 2 de outubro, o recital chegará á Biblioteca da Cidade da Cultura de Galicia, onde poderá verse ás 19:00 horas. A entrada será libre ata completar o aforamento. O soño dourado. De Rosalía a Cunqueiro é un recital poético-musical con guión e dirección de Antón de Santiago, que tamén actúa no espectáculo como barítono e actor e que está acompañado por Patricia Morchón, como soprano e actriz. Ambos estarán acompañados polo conxunto instrumental Cítola, composto por Ángel Lozano (violín), Rosalía Vázquez (chelo) e Ramón Carnota (guitarra). Neste espectáculo musical en homenaxe a Cunqueiro, inclúense tamén obras de Rosalía de Castro, Curros Enríquez, Ramón Cabanillas, Pimentel, Novoneyra e Fernán-Vello.” Vía Xornal.
Arquivos da etiqueta: Manuel Curros Enríquez
O vínculo luso de Curros, na Casa dos Poetas
VI Encontro de escritores ourensáns, dedicado a Manuel Curros Enríquez
A Sección de Literatura do Liceo de Ourense, co patrocinio da Consellería de Cultura e Deporte da Xunta de Galicia, convoca o VI Encontro de Escritores Ourensáns nunha xornada dedicada ao Centenario de Manuel Curros Enríquez, para o vindeiro venres, 17 de outubro a partir das oito e cuarto da tarde no Liceo de Ourense. Programa. (Liceo de Ourense)
Celanova: I Encontros de poesía nova
En Celanova (Casa dos poetas, Celanova), entre o 18 e o 19 de xullo do 2008, terán lugar os primeiros ENCONTROS DE POESÍA NOVA, no contexto do centenario de Manuel Curros Enríquez.
Entre os participantes figuran César Antonio Molina, Luis Alberto de Cuenca, José Antonio de Ory, Miguel Anxo Fernán-Vello, Helena de Carlos, Yolanda Castaño, Estíbaliz Espinosa, Baldo Ramos, Paulino Vázquez, Cecilia Quílez, Berta Dávila, José Ramón Trujillo, Emilio Ruiz Barrachina, José Manuel Lucía Megías, Justo Bolekia, Javier Pérez Vazo, Basilio Rodrígez Cañada e Xosé Luis Méndez Ferrín. O encontro finalizará co espectáculo poético-musical QUEN PUDERA CONVOSCO VOAR, sobre a obra poética de M. Curros Enríquez, pola Compañía teatral Casahamlet e con dirección de Manuel Lourenzo e Santiago Fernández.
Homenaxe a Manuel Curros Enríquez en Compostela
«O martes 24 de xuño a Concellaría de Cultura e Centros Socioculturais convídante aos actos de homenaxe a Manuel Curros Enríquez co seguinte programa de actividades:
-Conferencia de Pilar García Negro. “A defensa da lingua galega en Curros Enríquez”. Ás 20:00 horas no Centro Sociocultural do Ensanche (Rúa de Frei Rosendo Salvado, 14-16).
-Concerto homenaxe a Curros Enríquez. María José Ladra / Antón de Santiago / Cítola: “Na frente unha estrela”. Ás 21:00 horas no Teatro Principal.»
Inauguración na Coruña da exposición “Manuel Curros Enríquez: nación, liberdade e progreso”
No contexto do primeiro centenario de Curros, o 25 de abril terá lugar no Obelisco da Coruña a inauguración da exposición “Manuel Curros Enríquez: nación, liberdade e progreso”. Será ás 20:00 e contará coa actuación de Nova galega de danza.
Acto de homenaxe a Curros na Coruña
A Concellaría de Cultura do Concello de Coruña e a Real Academia Galega promoven un acto cívico en homenaxe a Curros Enríquez. Será o sábado 5 de abril de 2008 ás 17:30 horas, e consistirá nun cortexo de honra a Curros Enríquez que comezará no cemiterio de San Amaro e finalizará nos Xardíns de Méndez Núñez. Tamén terá lugar a actuación das corais Follas Novas, Cántigas da Terra, El Eco e Toxos e Frores.
Próximos actos literarios do Liceo de Ourense
O Liceo de Ourense programa para a semana próxima unha programación intensa, que ofrecemos a modo de avance:
Martes, 11 de marzo.
Organizado pola Sección de Literatura: Xornada adicada á memoria de Manuel Curros Enríquez no I Centenario do seu pasamento
12:00 horas. Colexio Curros Enríquez: Ofrenda floral e Recital diante da Estatua do Poeta polos Alumnos do Colexio. Intervención de Marcos Valcárcel.
20:15 horas. Salón Nobre do Liceo de Ourense: mesa redonda “Vida e obra de Curros Enríquez”. Interveñen Xesús Alonso Montero, Antonio Piñeiro e Marcos Valcárcel.
Mércores, 12 de marzo
Organizado pola Sección de Literatura: Xornada literaria “A Muller e a Poesía”.
20:15 horas. No Salón Nobre da Sociedade, con motivo da celebración do Día Internacional da Muller Traballadora: recital póetico-musical a cargo de Teresa Devesa e Loly Conde.
Comezan as homenaxes a Curros Enríquez
Cuba: coloquio en conmemoración do centenario da morte de Manuel Curros Enríquez
Baixo o título “A Cien Años de Manuel Curros Enríquez en La Habana 1908-2008”, desenvolverase os días 5, 6 y 7 de Marzo de 2008.
«Manuel Curros Enríquez, una de las figuras más destacadas del “Resurgimiento de las Letras Gallegas”, vivió en Cuba los últimos 14 años de su vida. Vinculado no solo con la colonia gallega de Cuba, sino además, con la sociedad habanera que lo recibió, se destacó por su labor periodística y literaria, muy relacionada con la construcción y defensa de su Galicia.
En homenaje tan ilustre intelectual gallego y en el marco del centenario de su desaparición física el 7 de marzo de 1908, en esta ciudad, la Casa de Altos Estudios Don Fernando Ortiz y la Cátedra de Cultura Gallega le invitan al coloquio “A Cien Años de Manuel Curros Enríquez en La Habana 1908-2008”.
El coloquio funcionará en sesión plenaria, en la Casa de Altos Estudios Don Fernando Ortiz, los días 5, 6 y 7 de Marzo de 2008, entre las 9:00 y las 13:00 horas. La asistencia será libre. Para este efecto o cualquier otra información deberán dirigirse a los organizadores del evento de la Casa de Altos Estudios Don Fernando Ortiz: Janet Iglesias Cruz y Javiher Gutiérrez Forte. Teléfono CAE: 8326842 y 8325874. Correos: janet@ffh.uh.cu ; javiher@ffh.uh.cu
Dirección: calle L Esq. a 27, Vedado, Plaza de la Revolución. C. Habana, Cuba.»
