O venres 19 de novembro, a partir das 21:30 h., na Galería Jazz (Ronda de don Bosco, 21) de Vigo, celebrarase a segunda edición de A hostia en verso, un combate lírico que enfrentará a Ledicia Costas, Daniel Landesa, David Rodríguez, Lara do Ar, Miguel Valverde e Xabi Xardón, ou o que é o mesmo: poetas montañeses VS. poetas pescos! O acto estará presentado polas tamén poetas Lucía Aldao e María Lado e contará coa intervención musical de Mr. Carácter. Para máis, a pintora María Longa fará unha intervención en directo.
Arquivos da etiqueta: María Lado
Pontevedra: Ponte-Poética, I Festival de Poesía das Linguas do Estado
O 
venres 12 e sábado 13 de novembro, celébrase o I Festival de Poesía das Linguas do Estado en Pontevedra, Ponte-Poética, organizado polo Ateneo, que quere ofrecer, nun encontro anual, a mellor poesía escrita en galego, castelán, catalán e éuscaro a todos os amantes do xénero que queiran achegarse a escoitalo na voz dos seus propios autores, nun completo programa de recitais, en distintos espazos da cidade, abertos e gratuítos a todo o público interesado. A dirección do Festival corre a cargo de Yolanda Castaño, a coordinación Xaime Toxo, Antón Sobral e Carlos Fontes, baixo o patrocinio da Concellería de Cultura de Pontevedra, a Consellería de Cultura e Turismo, a Deputación Provincial de Pontevedra e Caixanova.
O programa é o seguinte:
Venres 12 de novembro:
– 18:30 h. Salón Nobre da Deputacion de Pontevedra. Sesión inaugural: David Castillo, Román Raña e Ada Salas.
– 20:00 h. Salón Nobre da Deputación de Pontevedra: Miren Agur Meabe, Josep Pedrals e Manuel Forcadela.
Sábado 13 de novembro:
12:30 h. Teatro Principal de Pontevedra: Leire Bilbao, Elena Medel, María Lado e Lucía Aldao.
18:00 h. Teatro Principal de Pontevedra. Recital final con todos os poetas participantes e clausura do Festival Ponte-Poética.
Neste arquivo pódese descargar máis información: Ponte-Poética 2010.
A Coruña: V Encontro de Escritores/as novos/as ante vellas preocupacións
O 
sábado 6 de novembro, no Palacio de Exposicións Kiosko Alfonso da Coruña, terá lugar o V Encontro de Escritores/as novos/as ante vellas preocupacións, organizado pola Asociación de Escritores en Lingua Galega, co patrocinio do Centro Español de Dereitos Reprográficos (CEDRO), a Deputación Provincial da Coruña e a Concellaría de Cultura da Coruña, co seguinte programa:
10:00 a 11:30 h.
Mesa redonda: Que ten a poesía que ninguén a le pero todos a precisamos.
Con Celso Fernández Sanmartín, Óliver Laxe e Álvaro Negro.
Coordinación de Antía Otero.
11:30-12:00 h.
Descanso.
12:00-14:00 h.
Mesa redonda: Pero tan importantes son os premios literarios?
Con Ledicia Costas, Olalla Cociña e Lucía Novas.
Coordinación de Francisco Castro.
Xantar.
17:00-18:30 h.
Mesa redonda: Recóllote i érgote no verbo inteiro. A literatura galega de hoxe ante o seu idioma.
Con María Lado, Olalla Tuñas e Xosé Daniel Costas.
Coordinación de Marta Dacosta.
19:00-20:00
Recital e clausura.
Toda a información está disponíbel neste enlace á páxina do V Encontro. O acceso será libre até completar capacidade. En sucesivos días iremos poñendo á disposición do público máis información sobre as intervencións preliminares dos/as escritores/as participantes.
Máis vídeos das aportacións preliminares ao V Encontro de Escritores/as novos/as ante vellas preocupacións
Seguimos deixando á disposición de todos e todas os vídeos coas aportacións preliminares dos participantes no V Encontro de Escritores/as novos/as ante vellas preocupacións, a celebrarse o sábado 6 de novembro na Coruña, organizado pola Asociación de Escritores en Lingua Galega.
Esta é a aportación de Lecidia Costas, que fará parte da mesa redonda MAIS tan importantes son os premios literarios?:
As de Lucía Novas, que fará parte da mesma mesa redonda que Ledicia Costas:
E, por último, as de María Lado, que fará parte da mesa redonda Recóllote i érgote no verbo inteiro. A literatura galega de hoxe ante o seu idioma:
Mañá ofreceremos as restantes aportacións.
Vigo: V Ciclo de mesas redondas Escritores/as na Universidade: Novas artes literarias? O vídeo poema, con Lara Bacelo e María Lado
O V
Ciclo 
de mesas redondas Escritores/as na Universidade, organizado pola Asociación de Escritores en Lingua Galega e a Facultade de Tradución de Vigo, continúa o xoves 4 de novembro a partir das 12:00 h. no Salón de Actos da Facultade Filoloxía e Tradución da Universidade de Vigo, coa participación de Lara Bacelo e María Lado na mesa redonda Novas artes literarias? O vídeo poema, onde se realizarán proxeccións comentadas de vídeopoemas realizados polas autoras para tratar as posibilidades expresivas fornecidas polas novas tecnoloxías e o seu rendemento práctico en relación coa difusión da poesía. A presentación do acto corre a cargo de Manuel Forcadela.
Lucía Aldao e María Lado: “As ‘desolemnizadoras’ da poesía”
(Xornal)
Santiago: presentación de To the Winds Our Sails e recital de poetas de Galicia e Irlanda
O
venres 1 de outubro de 2010 ás 19:00 h., na Libraría Couceiro (Praza de Cervantes) de Santiago de Compostela, preséntase o libro To the Winds Our Sails, antoloxía de poetas galegas feita por autoras irlandesas, editado por Mary O’Donnell e Manuela Palacios en Salmon Books. No acto desenvolverase un recital de poesía presentado por Olivia Rodríguez, no que participarán: Luz Pozo Garza, Mary O’Donnell, Ana Romaní, Maurice Harmon, Chus Pato, Lorna Shaughnessy, Marilar Aleixandre, Xiana Arias, Luz Pichel, María Lado e María do Cebreiro. Colaboran a AELG (Asociación de Escritores en Lingua Galega), o Ministerio de Educación e Ciencia (Proxecto Us and Them (FFI2009-08475/FILO)) e o Grupo de investigación Discourse and Identity (GI 1924).
Fisterra: recital poético dentro da “2ª Festa Nacionalista da Costa da Morte”
O domingo 18 de xullo, desde as 14:00 h., no marco da “2ª Festa Nacionalista da Costa da Morte” que se celebra en Fisterra (Paseo marítimo da praia da Langosteira), terá lugar un recital poético a cargo de Rafa Villar, María Lado, Alexandre Nerium, Mónica Góñez e Modesto Fraga. O acto enmárcase na xornada de confraternidade organizada pola asemblea local do BNG de Fisterra. Haberá, amais do recital de poesía, distintas actividades culturais e un xantar de irmandade.
Vigo: recital “Poesía Alimentaria”, con poesía, música e pintura
O sábado 10 de xullo, ás 21:30 h., en La Galería Jazz (Ronda de Don Bosco, 21) de Vigo, celébrase un recital poético acompañado de música e pintura en directo baixo o nome de Poesía Alimentaria, con Lucía Aldao, Ledicia Costas e María Lado, entre os participantes. Máis información aquí.
Santiago: recital poético-musical Camiños de amor e lúa, no CGAC
O venres 2 de xullo, ás 22:45 h., no Centro Galego de Arte Contemporánea (CGAC), terá lugar o acto de clausura do espectáculo poético Camiños de amor e lúa, que visitou 30 concellos dos distintos camiños de Santiago en Galiza. No acto recitaran os poetas: Xosé Carlos Caneiro, María Canosa, Olalla Cociña, María Lado, e X. H. Rivadulla Corcón. Acompañados polos músicos: Bernardo Martinez, Willy Mondeja, Xosé Manuel Salgado, Miguel Seoane e Franky Valencia. Camiños de amor e lúa é unha experiencia poética patrocinada pola Sociedade de Xestión Xacobeo 2010, e encadrada dentro do programa do Ano da Lectura desenvolvido pola Dirección Xeral de Promoción e Difusión Cultural, coa que se buscou que no ano xacobeo a poesía tamén fose protagonista. Máis información aquí.
