O mércores 
16 de novembro, ás 20:00 horas, no Museo de Arte Contemporánea Unión Fenosa (Avenida de Arteixo, 171) da Coruña, e con entrada libre até completar capacidade, preséntase o libro A lenda de Cuaima e Mohan, de Xan Eguía, publicado en Sotelo Blanco Edicións. Posteriormente terá lugar un concerto do trío musical Cebrañú y los Sauriodrilos expectantes, con Kaze, Kale Thumström e o propio Xan Eguía.
Arquivos anuais: 2011
Homenaxes para dous académicos no Baixo Miño
A 
Asociación Levada Libre 
de Tui inicia hoxe o seu programa de actos para lembrar a figura de Faustino Rey Romero. Este sacerdote, poeta e membro da Real Academia Galega mantivo un estreito vencello coa localidade e para o conmemorar, en nove centros escolares do concello explicarase a súa vida e obra e leranse poemas da súa autoría. O venres 25 de novembro inaugurarase un monumento na súa honra e haberá un acto no que participarán Xosé Luís Méndez Ferrín, Ánxel Vázquez de la Cruz, e mais o músico Tomás Camacho. Tamén no Baixo Miño o vindeiro sábado 17 de novembro, o Concello de Tomiño nomeará Fillo Predilecto ao escritor e académico Xosé Luís Franco Grande.
Porto: 17 Encontros Luso-Galaico-Franceses do Livro Infantil e Juvenil: O álbum na literatura para a infância, o 2 e 3 de decembro
O venres 2 e sábado 3 de decembro, na Escola Superior de Educação do Instituto Politécnico do Porto, terán lugar os 17 Encontros Luso-Galaico-Franceses do Livro Infantil e Juvenil, baixo o título O álbum na literatura para a infância. O programa completo pódese descargar aquí: Programa 17 Encontros O álbum na Literatura para a Infância. A participación galega será a seguinte:
2 de dezembro, sexta-feira
– 11:15 h. Auditório. As reescritas no álbum infantil galego, por Carmen Ferreira Boo (Universidade de Santiago, LIJMI, ELOS, Galiza).
– 14:30 h. Auditório. A investigação em Literatura para a Infância e a Juventude, por Blanca-Ana Roig Rechou (Universidade de Santiago, LIJMI, ELOS, Galiza) e Sara Reis da Silva (Universidade do Minho, LIJMI, ELOS, Portugal).
– 15:30 h. Auditório. Apresentação da obra O Álbum na Literatura Infantil e Xuvenil (2000-2010), por Mar Fernández (Universidade de Santiago, LIJMI, ELOS, Galiza).
– 16:15 h. Sala 3 do Auditório. Os álbuns de Oli e Ramón Trigo, por Carmen Ferreira (Universidade de Santiago, LIJMI, ELOS, Galiza) e Geovana Gentili (Univ. de Santiago, LIJMI, ELOS, Brasil).
3 de dezembro, sábado
– 9:30 h. Auditório. A revista AILIJ, por Isabel Mociño González (Universidade de Vigo, LIJMI, ELOS, Galiza).
– 10:15 h. Auditório. A construção de álbuns ilustrados. Com Oli e Ramón Trigo (escritores e ilustradores, Galiza) e Marta Neira Rodríguez (Universidade de Vigo, LIJMI, ELOS, Galiza).
Comissão organizadora
Presidência: José António Gomes (ESE do Porto – NELA); Blanca-Ana Roig-Rechou (Univ. de Santiago-Liter21)
Secretariado
Ana Cristina Macedo (ESE do Porto – NELA); Ana Isabel Pinto (ESE do Porto – NELA); Ana Catarina Lajas e Elisama Oliveira (Mestrado em Ens. dos 1.º e 2.º ciclos do EB, ESE do Porto); Carme Ferreira (Liter21, Univ. de Santiago); Mar Fernández (Liter21, Univ. de Santiago), Marta Neira Rodríguez (Liter21, Univ. de Santiago)
Comissão científica
Portugal – Ana Margarida Ramos (Univ. de Aveiro); Madalena Teixeira da Silva (Univ. dos Açores); Maria Elisa Sousa (ESE do Porto); Sara Reis da Silva (Univ. do Minho)
Galiza – María Xesús Agra (Universidade de Santiago); Isabel Mociño González (Universidade de Vigo); Lourdes Lorenzo (Universidade de Vigo); Veljka Ruzicka Kenfel (Universidade de Vigo).
França – Eric Many (ESE do Porto); Anne-Laure Stamminger (Consulado da França).
Entidades organizadoras: LIJMI (Rede Temática de Investigação As Literaturas Infantis e Juvenis do Marco Ibérico e Iberoamericano) – Liter21 | ELOS – Associação Galego-Portuguesa de Investigação em Literatura Infantil e Juvenil (secção de ANILIJ) | Revista Malasartes – Cadernos de Literatura para a Infância e a Juventude.
Apoios : Escola Superior de Educação do Instituto Politécnico do Porto | Porto Editora | Kalandraka
FICHA DE INSCRIÇÃO
Nome__________________________________________________________________________
Profissão_______________________________________________________________________
Local de trabalho_________________________________________________________________
Endereço_______________________________________________________________________
Telefone_________________ e-mail_________________
Prazo-limite para entrada da inscrição: 28 de novembro.
Valor da inscrição – público em geral: 20 Є (em dinheiro; pagamento no local, no dia 2); estudantes da ESE do Porto: 10 Є (em dinheiro; pagamento no ato de inscrição ou no local, no dia 2); outros estudantes do Ensino Superior: 15 Є (em dinheiro; pagamento no local, no dia 2).
Nas inscrições enviadas por e-mail ou pelo correio será respeitada a ordem de chegada.
Estudantes da ESE do Porto – são-lhes reservadas 50 inscrições, respeitando-se a ordem de chegada. Atingidas estas 50 inscrições, as restantes manter-se-ão provisórias e sujeitas a confirmação, a comunicar aos interessados no dia 29 de Novembro.
A inscrição nos encontros/ateliers far-se-á no secretariado, na manhã do dia 2.
Os participantes terão direito a um Certificado de Presença e a uma pasta com documentação.
Informações e inscrições: Ana Cristina Macedo, Ana Isabel Pinto, José António Gomes
UTC de Ciências da Linguagem e Literatura | Escola Superior de Educação | Instituto Politécnico do Porto
E-mail: nela@ese.ipp.pt
Imprimir ou fotocopiar esta ficha, preenchê-la e entregar ou remeter para:
17.os Encontros Luso-Galaico-Franceses do Livro Infantil e Juvenil
Escola Superior de Educação do Porto (a.c. Dr.ª Ana Isabel Pinto)
Rua Dr. Roberto Frias, 602 | 4200-465 PORTO
Manifesto de intelectuais a prol do BNG
“Uns 130 intelectuais e artistas galegos promoveron un manifesto aberto a adhesións polo cal piden o voto para o Bloque Nacionalista Galego (BNG), porque “a súa presenza nestas cámaras garantirá que a cultura galega exista en todo o que depende da política estatal e europea”. O manifesto está aberto a todos os cidadáns que queiran mostrar o seu apoio. Entre os asinantes, atópanse escritores como Agustín Fernández Paz, Arturo Casas, Teresa Moure, Xavier Queipo ou Pilar García Negro. Tamén aparecen nomes como a cineasta Margarita Ledo (tamén membro da Real Academia Galega), músicos como Baldomero Iglesias Mero, o humorista Xosé Lois O Carrabouxo, a actriz e xornalista Camba Campoy ou o Mago Antón, entre outras persoas vinculadas ao mundo da cultura. No escrito, explican que “sobran as razóns” para apoiar ao BNG, e explican que o fan porque “queremos que a nosa lingua progrese e non se vexa reducia a unha reliquia inservible, porque reclamamos que o teatro galego sexa debidamente atendido; porque a música, as artes plásticas, a fotografía, o audiovisual, o cinema merecen, en toda a súa creatividade e potencia, a protección presupostaria e política do diñeiro público que todos pagan”. “Porque desexamos que renazan medios de comunicación en galego e ao servizo da sociedade galega, porque como galegos pagamos cantidades inxentes cantidades para o axustador, difusión e elevación da literatura española, e queremos que a literatura galega goce dos mesmos dereitos e protección; porque as meritísimas asociacións culturais non poden ser laminadas por ahogamiento económico e deben seguir cubro o seu papel de divulgación cultural democrática por todo o país”, esgrime o manifesto. Así mesmo, alude ao dereito dos editores galegos a vender e publicar na lingua propia, e recordan que máis de 20.000 persoas viven e dependen laboralmente do sector cultural. “Porque a cultura, en fin, non é un luxo nin un capricho, é un dereito humano básico e por iso, deber dos poderes públicos”. (…)” Vía Galicia Hoxe.
Actos literarios no Culturgal 2011
A 
Feira das Industrias Culturais, Culturgal 2011, celébrase do venres 2 ao domingo 4 de decembro no Pazo da Cultura de Pontevedra, con horarios de 11:00 a 14:30 h. e de 16:30 a 21:30 h., e entrada libre até completar capacidade. Deixamos aquí o programa: Culturgal 2011, dentro dos que destacamos os seguintes actos literarios:
Venres 2:
– 13:30 h. A Compañía Traspediante presenta o espectáculo de animación e danza Baleadas, baseado no libro de Estevo Creus, Balea2.
– 16:30 h. Xan Eguía: A lenda de Cuaima e Mohan.
– 18:00 h. Café con: Xulia Alonso.
– 19:00 h. Conversa de Ana Romaní con Antonio Piñeiro. No Salón.
– 19:30 h. Conversa de Ana Romaní co Colectivo Polaqia (Brais Rodríguez e Sergio Covelo). No Salón.
– 19:30 h. Presentación de A caza do ghazafello, libro musical. No Cuarto dos Nenos.
– 20:00 h. Conversa entre Ana Romaní e Xulia Alonso. No Salón.
– 20:30 h. Das Kapital. Poesía e vangarda, expresión máxima dos adentros. No Patio.
– 21:00 h. Federico Cocho: Guerra civil. O que pasou en Galicia e en España. No Salón.
– A partir das 21:00 h. Poetas da Hostia. Vendo a miña alma, poxa de poeta. No Pequeno Karma.
Sábado 3:
– 12:00 h. Onde mercan os larpeiros. No Salón.
– 12:30 h. 2.0 Editora. Presentación do proxecto editorial. No Salón.
– 13:00 h. María Solar e Xosé Tomás: Vou ter un irmán. No Cuarto dos Nenos.
– 13:30 h. Colección de libros Cociña infantil e familiar, de Ouvirmos. No Salón.
– 13:30 h. Entrevista a Inacio Vilariño e sinatura do seu libro Fábula Galénica.
– 14:00 h. Elena Gallego: Dragal I e Dragal II, novelas xuvenís. No Salón.
– 16:30 h. Berrobambán: Contatrás. No Cuarto dos Nenos.
– 17:00 h. Colectivo da Porta Verde: Q de Vian. Cadernos. No Salón.
– 17:30 h. Xosé Tomás: Nómades. A emigración a través das mulleres. No Salón.
– 18:00 h. Café con: Manuel Rivas.
– 18:00 h. Guía de libélulas de Galicia. No Salón.
– 18:30 h. Fernando Neira: Berrogüetto: O pulso da terra. Un libro sobre a eclosión do folque galego. No Patio.
– 18:30 h. Anxo Fariña: A chave da Atlántida. No Cuarto dos Nenos.
– 19:00 h. Café con: Domingo Villar.
– 19:00 h. Conversa de Manuel Jabois con Manuel Rivas e José Luis Cuerda. No Salón.
– 20:00 h. Conversa de Manuel Jabois con Domingo Villar e novos autores de novela negra: Xosé Manuel García López e Francisco Varela Losada. No Salón.
– 20:00 h. Happening multidisciplinar. Vídeo, son, palabras, expresión corporal. No Faiado.
Domingo 4:
– 11:30 h. Guía didáctica de instrumentos musicais. No Salón.
– 12:00 h. Conversa de Xesús Fraga con Mario Regueira e Jacobo Fernández Serrano. No Salón.
– 12:00 h. Mamá Cabra: Xa me tardan eses magos. No Auditorio do Pazo.
– 12:30 h. Conversa de Xesús Fraga con Antón Riveiro Coello. No Salón.
– 13:00 h. Conversa de Xesús Fraga con María Xosé Queizán. No Salón.
– 14:00 h. Pere Tobaruela: Poñente. A relación novelada de Galicia e Cataluña. No Salón.
– 16:30 h. Café con: María Xosé Queizán.
– 16:30 h. Fran Alonso: Ninguén. A tecnoloxía e as relacións persoais. No Salón.
– 17:00 Presentación de A praza é nosa (Editora 2.0), unha ollada sobre o 15-M coordinada por Marcos Pérez Pena. No Salón.
– 18:00 h. Conversa de Teresa Cuíñas con Emilio Alonso e Víctor de las Heras sobre os seus libros sobre a movida viguesa dos anos 80. No Salón.
– 18:30 h. Fran Alonso e Xurxo Souto: O meu gato é un poeta. No Cuarto dos Nenos.
– 19:00 h. Conversa de Teresa Cuíñas con Carlos Callón. No Salón.
Os editores reclaman unha nova lei da propiedade intelectual
A 
necesidade a crear un novo texto que regule a propiedade intelectual é a principal conclusión coa que fechou esta mañá o VIII Simposio do Libro e da Lectura con lema A propiedade intelectual na sociedade dixital. O encontro, organizado pola Asociación Galega de Editores co apoio do Consello da Cultura Galega repasou onte e mais hoxe o novo escenario neste campo. Para alén dun novo texto legal, os editores apuntan que cómpre unha implicación do conxunto da sociedade para transmitir “unha idea positiva, de progreso e modernidade, arredor dun concepto de propiedade intelectual capaz de abordar os novos ámbitos que abre a cultura dixital” e sinalan a necesidade dun pacto entre as diferentes industrias culturais.
Conclusións do Simposio A propiedade intelectual na sociedade dixital:
1. En primeiro lugar, valoramos moi positivamente o debate plural e diverso das voces que nos acompañaron durante estes dous días para falar dun tema clave para a industria editorial: a propiedade intelectual na sociedade dixital, facendo nosas as aportacións dos nosos convidados e convidadas.
2. O sector do libro galego é consciente de que nos adentramos aceleradamente nunha sociedade inequivocamente dixital, sociedade que supón cambios de paradigmas para a industria cultural, que transforma os hábitos de acceso ao coñecemento, á información, e crea novas formas de relación co libro e a lectura e, sobre todo, pon en valor novos xeitos de editar e comercializar, distribuír e comunicar o libro.
3. A edición galega debe facer un esforzo por asumir e entender as transformacións que a sociedade dixital propulsa, adaptándose ás súas demandas e respondendo con solvencia aos seus retos, entre os que un novo xeito de entender a propiedade intelectual constitúe unha tarefa primorcial.
4. Tal e como manifestamos no VI Simposio, dedicado ao libro dixital, desde a AGE vemos a necesidade de desenvolver fórmulas que garantan os lexítimos dereitos da propiedade intelectual, que son a base do funcionamento da industria do libro e da creación, e queremos facelo consensuadamente e sen lesionar os dereitos dos usuarios, favorecendo de xeito especial o dereito á nova educación líquida que responde a un novo tempo.
5. Os editores somos os primeiros interesados en atopar o xusto equilibrio entre a divulgación da cultura, que é o que dota de sentido ó noso traballo, e o dereito á retribución que garante a propiedade intelectual. Nese sentido, os editores galegos demandamos aos responsables políticos a urxente elaboración dunha nova Lei de Propiedade Intelectual acorde cos usos e necesidades que dicta a sociedade dixital.
6. Na nova sociedade dixital, cada editor ten dereito a elixir o seu propio modelo de negocio con respecto á xestión da propiedade intelectual, e a coexistencia de modelos diferentes non é excluínte senón enriquecedora.
7. Todo o sector do libro debe traballar conxuntamente para transmitirlle á sociedade unha idea positiva, de progreso e modernidade, arredor dun concepto de propiedade intelectual capaz de abordar os novos ámbitos que abre a cultura dixital, e entendendo que non é posible solucionar os problemas que se plantexan sen un pacto que implique a todas as políticas culturais.
8. A AGE desexa mostrar publicamente o seu agradecemento a CEDRO e ao Consello da Cultura Galega, principais co-patrocinadores deste Simposio do Libro e a Lectura, así como a todos os convidados nesta VIII edición, aos que parabenizamos pola súa magnífica disposición. O próximo ano estaremos novamente nesta cita xa ineludible para os profesionais do sector do libro en Galicia.
Vía Cultura Galega.
As librarías móvense cara á era dixital
“Xurxo 
Patiño, Presidente da Federación de Libreiros de Galicia e Michelle Chevallier, a coordinadora de proxectos de CEGAL (Confederación Española de Gremios y Asociaciones de Libreros), presentaron hoxe en Santiago o proxecto CEGAL en rede. Esta ferramenta dixital posibilita a fluidez da información entre distribuidores, editores e librarías a través dos seus propios programas de xestión proporcionando información clara e inmediata da situación e vendas dos libros. Usuarios, editores e medios de comunicacións disporán dunha lista dos libros máis vendidos en Galicia por tramos semanais e mensuais, feita a partir dos datos directos das propias caixas rexistradoras dos establecementos. (…)” Vía Cultura Galega.
Suso de Toro: “Se quixese retratar hoxe o meu país non o faría mellor”
Repaso 
en Cultura Galega á influencia de Polaroid na literatura galega, con entrevista ao seu autor, Suso de Toro:
“Polaroid foi no seu día un choque na nosa literatura. Segundo lembraba Dolores Vilavedra a analizar os fitos das nosas letras de finais do século XX, “foi un revulsivo que obrigou a cuestionar o que é a novela e a literatura. En certo xeito marca un punto de inflexión e amosa a herdanza das posmodernidade nas nosas letras”. Para máis, o feito de que un libro tal chegase aos centros de ensino como lectura recomendada “provocou protestas de Asociacións de Pais, considerábase inmoral”. O feito de lograr o Premio da Crítica en 1987 non fixo máis do que incrementar o eco da obra. Textos como o Manifesto Kamikaze ou Galicia, esa merda coa súa chamada a facer croquetas coa momia de Castelao ou a derrubar a casa de Rosalía de Castro continúan a ser citados e lembrados a día de hoxe. (…)
Cultura Galega: Ata que punto pensa que ten vixencia o libro?
Suso de Toro: Agora vexo as cousas desde fóra. Achegueime ao libro e ao meu xeito de ver está perfectamente vivo. Non mudaría nada. En primeiro lugar porque é un libro deliberadamente imperfecto e non admite que se lle limen cousas, iso é parte da súa estética. É un libro que ten algo de xesto, entón non lle podo tocar nada. E por outra banda vexo que está vivo. E aínda máis, o discurso ideolóxico que está na Apoteose do churrasco asínoo hoxe. A visión do país que está aí segue a ser perfectamente válida para min. Se o quixese retratar hoxe non o faría mellor.”
Antón Reixa: “O audiovisual asumiu esa misión de normalizar a lingua galega”
“Existe 
fame 
por crear e ler medios de comunicación en galego”. Foi unha das conclusións que se tiraron das xornadas Os medios en galego, importan?, segundo a vicedecana da Facultade de Ciencias da Comunicación, Marta Pérez Pereiro, que procedeu a clausuralas tras un terceiro día dedicado integramente ós medios de comunicación e producións audiovisuais en Galicia, que contaron, entre outros, con directores de cinema galego, como Antón Reixa ou Antón Dobao, e guionistas como Carlos Ares ou Araceli Gonda. (…)
Co gallo do idioma, Antón Reixa sinalou que o audiovisual “asumiu esa misión de normalizar a lingua”, e “á conquista do público dun xeito máis arriscado que os medios impresos”. Para o cineasta e artista audiovisual, “facer un produto en galego non exime de estar sometido ás dinámicas do mercado”, polo que independentemente da lingua, “os creadores deben afrontar igual o desafío entre creación e industria, xerando produtos con calidade que respondan ás demandas do público”. (…)
Antón Dobao, director de, entre outras, a adaptación cinematográfica de Sinbad, a obra de Cunqueiro, que recentemente se estreou nas salas do país, comezou o seu relatorio afirmando que, nun primeiro momento, “os directores déronlle as cóstas a unha realidade lingüística” como a galega, coas excepcións de Chano Piñeiro e algúns outros, curtametraxes… Mais o cinema galego non conseguiu aínda desprenderse dese estigma de “subalternidade con respecto ao cinema español”, nin doutros trazos como “a hipercaracterización”, “a territorialidade”, que, ao seu ver, necesitan eliminarse. Expresou tamén o desexo de que “Galicia poida ter a capacidade de expresarse culturalmente na súa lingua propia, tamén no cinema”. (…)”
Santiago: presentación de Brais, de Guillerme Coen
O 
martes 15 de novembro, ás 19:45 horas, na Libraría Couceiro (Praza de Cervantes, 6) de Santiago de Compostela, preséntase a novela Brais, de Guillerme Coen, publicada en Toxosoutos. No acto intervirán, acompañando ao autor, Euloxio R. Ruibal e David González Couso.
