A resposta á laudatio pode ser descargada aquí, ou ben ser lida a continuación:
Arquivo da categoría: Actividades AELG
Homenaxe A Escritora na súa Terra a Fina Casalderrey: Laudatio, por Montse Pena Presas
Roteiro Pegadas na Coruña do Libro negro da lingua galega, con Carlos Callón
O Roteiro Pegadas na Coruña do Libro negro da lingua galega, guiado por Carlos Callón o xoves, quinta feira, 6 de xullo, desde as 18:00 horas, terá como punto de partida a rúa Panadeiras (fronte á igrexa das Capuchinas), é unha iniciativa da AELG desenvolvida co apoio do Concello da Coruña.
Nesta visita guiada coñeceremos algunhas das historias contidas no Libro negro da lingua galega que aconteceron na cidade da Coruña. Deterémonos nas multas “por hablar al público en gallego“, mais tamén de manifestacións de estudantes para reivindicalo; das queimas de libros, mais tamén dunha escola coruñesa que ensinaba a ler en galego no século XIX… Falaremos, en fin, da represión do noso idioma ao longo do tempo na cidade, mais tamén das persoas que traballaron e sementaron para conseguirmos un futuro diferente; das mulleres e homes que nos sinalan o camiño.
As persoas interesadas deben inscribirse previamente no correo electrónico oficina@aelg.org, indicando o seu nome e apelidos. A inscrición realizarase por orde cronolóxica de chegada das solicitudes. Agora mesmo están todas as prazas cubertas, polo que as solicitudes que cheguen se incorporarán a unha listaxe de reserva.
Información sobre protección de datos
A/O responsábel do tratamento é a Asociación de Escritoras e Escritores en Lingua Galega. A finalidade do tratamento é a prestación do servizo que se detalla na solicitude ou actividade organizada. A base legal do tratamento é o cumprimento dunha obriga contractual na prestación dun servizo. Os seus datos conservaranse unicamente durante os prazos de prescrición legalmente aplicábeis. Pódense comunicar os seus datos a terceiras/os organizadoras/es ou colaboradoras/es da actividade. No caso de solicitar certificado de asistencia, os seus datos comunicaranse ao/á impartidor/a da actividade. Pode acceder, rectificar, suprimir os seus datos e nos casos determinados opoñerse ao tratamento, limitar o seu uso ou portar a outra/o responsábel. Tamén pode solicitar a tutela da Axencia Española de Protección de Datos ou presentar unha reclamación ante a mesma.
Crónica fotográfica do Roteiro Literario pola provincia de Pontevedra con Xurxo Alonso
Estas son algunhas das fotografías do Roteiro Literario Vilagarcián, enmarcado nos Roteiros Literarios pola provincia de Pontevedra 2023, que guiou Xurxo Alonso o domingo 11 de xuño. A crónica fotográfica completa pode verse aquí:
Crónica fotográfica dos Roteiros Literarios pola provincia de Pontevedra con María Xosé Porteiro e Anna R. Figueiredo
Estas son algunhas das fotografías dos Roteiros literarios por Lavadores-Calvario e Aconteceu en Moaña, enmarcados nos Roteiros Literarios pola provincia de Pontevedra 2023, que guiaron, respectivamente María Xosé Porteiro, o sábado 3 de xuño, e Anna R. Figueiredo, o domingo 4 de xuño. A crónica fotográfica completa pode verse aquí:
Crónica fotográfica do recital Versos na Baixamar 2023, en Barreiros
Estas son algunhas das fotografías do recital Versos na Baixamar en Barreiros, que tivo lugar o 21 de maio, iniciativa da AELG e o Concello de Barreiros. A crónica fotográfica completa pode verse aquí.
Crónica fotográfica da Lectura pública polo Día das Letras Galegas 2023 na Coruña
Estas son algunhas das fotografías da lectura pública polo Día das Letras Galegas que tivo lugar na Coruña o 14 de maio, en colaboración coa Agrupación Cultural Alexandre Bóveda. A crónica fotográfica completa (obra de Beatriz Maceda Abeleira) pode verse aquí.
A Escritora na súa Terra: Fina Casalderrey. Pontevedra, 2023
A Homenaxe A Escritora na súa Terra – Letra E, impulsada pola Asociación de Escritoras e Escritores en Lingua Galega (AELG), chegou este ano á súa XXIX edición, recaendo na figura de Fina Casalderrey, que foi homenaxeada en Pontevedra o 10 de xuño de 2023, nunha actividade que contou co apoio do Concello de Pontevedra, CEDRO e Xunta de Galicia
Esta iniciativa anual conforma xa unha tradición na traxectoria da Asociación, e tense constituído ao longo de máis de dúas décadas como unha celebración na que a terra de acollida da homenaxeada ten unha presenza fundamental. É vontade da AELG honrar escritoras/es procurando o contacto directo coa autora e a súa implicación persoal na xornada de homenaxe.
Unha celebración múltiple e popular en que se vén recoñecendo a entidade literaria de insignes figuras das nosas letras, a través dunha serie de eventos como a entrega do galardón Letra E de escritora (unha peza escultórica), a plantación dunha árbore simbólica e a colocación dun monólito conmemorativo.
PROGRAMA PREVISTO DE ACTOS
11:30 h. Descubrimento do monólito conmemorativo e plantación da árbore da autora, un acivro. Na Ponte da Palabra (Pontevedra). Acceso libre para todo o público.
Intervencións de:
– Miguel Anxo Fernández Lores, alcalde de Pontevedra.
– Presidencia da AELG, Cesáreo Sánchez Iglesias.
– Fina Casalderrey.
12:30 h. Acto de entrega da “Letra E”. No Teatro Principal (Rúa Paio Gómez Chariño, 6). Acceso libre para todo o público, até completar capacidade do espazo.
Interveñen:
– Miguel Anxo Fernández Lores, alcalde de Pontevedra.
– Lectura da concesión, pola AELG.
– Presidencia da AELG, Cesáreo Sánchez Iglesias.
– Laudatio da autora, por Montse Pena Presas.
– Entrega da peza escultórica.
– Intervención de Fina Casalderrey. Resposta á laudatio por parte da autora.
14:30 h. Xantar de confraternidade posterior no Liceo Casino de Pontevedra (xunto ao Teatro Principal).
ANTERIORES MERECEDORES/AS DESTE GALARDÓN
I Edición: ANTÓN AVILÉS DE TARAMANCOS
1995 • Boa, Taramancos
II Edición: BERNARDINO GRAÑA
1996 • Cangas do Morrazo
III Edición: MANUEL MARÍA
1997 • Outeiro de Rei
IV Edición: MARÍA XOSÉ QUEIZÁN
1998 • Vigo
V Edición: XOSÉ NEIRA VILAS
1999 • Gres, Vila de Cruces
VI Edición: UXÍO NOVONEYRA (póstumo)
2000 • Parada do Courel
VII Edición: LUZ POZO GARZA
2001 • Ribadeo
VIII Edición: XOSÉ CHAO REGO
2002 • Vilalba
IX Edición: XOSÉ FERNÁNDEZ FERREIRO
2003 • Nogueira de Ramuín
X Edición: SALVADOR GARCÍA-BODAÑO ZUNZUNEGUI
2004 • Teis, Vigo
XI Edición: PURA E DORA VÁZQUEZ
2005 • Ourense
XII Edición: MARÍA DO CARME KRUCKENBERG
2006 • Vigo
XIII Edición: MANUEL LOURENZO
2007 • O Valadouro
XIV Edición: XOSÉ VÁZQUEZ PINTOR
2008 • Melide
XV Edición: AGUSTÍN FERNÁNDEZ PAZ
2009 • Vilalba
XVI Edición: MARILAR ALEIXANDRE
2010 • Santiago de Compostela
XVII Edición: PACO MARTÍN
2011 • Lugo
XVIII Edición: XAVIER RODRÍGUEZ BAIXERAS
2012 • Ribadeo
XIX Edición: MARICA CAMPO
2013 • O Incio
XX Edición: XABIER P. DOCAMPO
2014 • Castro Ribeiras de Lea
XXI Edición: XOSÉ MARÍA ÁLVAREZ CÁCCAMO
2015 • Vilaboa
XXII Edición: HELENA VILLAR JANEIRO
2016 • Rianxo
XXIII Edición: MARÍA PILAR GARCÍA NEGRO
2017 • Lugo
XXIV Edición: NACHO TAIBO
2018 • Oleiros
XXV Edición: PILAR PALLARÉS
2019 • A Coruña
XXVI Edición: VÍTOR VAQUEIRO
2020 • Santiago de Compostela
XXVII Edición: CONCHA BLANCO
2021 • Cee
XXVIII Edición: XOSÉ MANUEL MARTÍNEZ OCA
2022 • Pontevedra
Paseos Literarios por Compostela 2023
Os Paseos Literarios por Compostela 2023 son unha iniciativa da AELG desenvolvida coa colaboración e patrocinio do Concello de Santiago de Compostela.
No marco da Semana do Libro de Compostela (SELIC) 2023, terá lugar unha nova edición deste Ciclo de percorridos literarios por Compostela, procurando outra ollada á historia e xeografía da cidade.
A participación nos paseos é libre e gratuíta, non sendo precisa inscrición previa.
O programa de Paseos Literarios é o seguinte:
– Morte no Campus Vida. Roteiro literario polas localizacións de Campus morte, unha novela universitaria ambientada en Compostela
Lito Vila Baleato
Data: 14 de xuño, 16:30 h. Balaustrada do parque da Alameda. Miradoiro Campus Vida.
– A Compostela gótica (ao redor de Trece badaladas). Memoria persoal
Suso de Toro
Data: 15 de xuño, ás 16:30 h. Igrexa de San Fiz de Solovio.
– Mulleres en Compostela
Encarna Otero
Data: 16 de xuño, ás 16:30 h. Praza 8 de marzo.
– #MáisAbadeBarroso
Arantza Portabales
Data: 17 de xuño, 16:30 horas. Comisaría da Rúa Rodrigo de Padrón.
Recital Versos na baixamar en Barreiros 2023, o domingo 21 de maio
Versos na Baixamar en Barreiros 2023 é unha iniciativa da AELG desenvolvida coa colaboración e patrocinio do Concello de Barreiros e a Deputación de Lugo.
O domingo 21 de maio, ás 12:00 horas, nas Escolas de Reinante, co gallo do Día das Letras Galegas, chega a III edición do ciclo poético Versos na baixamar, que xuntará nesta súa terceira edición a poesía de Oriana Méndez, Olalla Cociña e Estíbaliz Espinosa, nun acto conducido polo narrador oral e poeta Lois Pérez, que tamén intervirá no recital.
