A
IX Xornada de Literatura de Tradición Oral: Remedios, prácticas e ritos curativos da medicina popular tradicional, organizada pola AELG e a AS-PG, co apoio da Deputación de Lugo, tivo lugar o sábado 12 de novembro en Lugo.
Aquí pode verse a crónica videográfica completa, da que destacamos hoxe estas intervencións:
– Presentación da conferencia de Pablo Vaamonde, por Isidro Novo.
– Conferencia: A medicina popular en Galicia, por Pablo Vaamonde.
A IX Xornada de Literatura de Tradición Oral: Remedios, prácticas e ritos curativos da medicina popular tradicional, organizada pola AELG e a AS-PG, co apoio da Deputación de Lugo, tivo lugar o sábado 12 de novembro en Lugo.
Aquí pode verse a crónica videográfica completa, da que destacamos hoxe estas intervencións:
– Presentación da conferencia de Ana Lois, por Antonio Reigosa.
– Conferencia: A recollida da memoria oral como método de aprendizaxe. O valor de espertar e guiar a curiosidade, por Ana Lois.
– Mesa redonda: Escoitar, ver e aprender. O saber que cura, con María Moure Oteyza, Ana Lois e Antonio Reigosa.
A IX Xornada de Literatura de Tradición Oral: Remedios, prácticas e ritos curativos da medicina popular tradicional, organizada pola AELG e a AS-PG, co apoio da Deputación de Lugo, tivo lugar o sábado 12 de novembro en Lugo.
Aquí pode verse a crónica videográfica completa, da que destacamos hoxe estas intervencións:
– Intervención inicial da Presidencia da AELG, Cesáreo Sánchez:
– Presentación da conferencia de María Moure Oteyza, por Antonio Reigosa:
– Conferencia: Uso das plantas medicinais no Caurel: Tradición e Cultura Popular, por María Moure Oteyza:
Estas son algunas das fotografías do Paseo pola Coruña Literaria do sábado 12 de novembro, con Xulio López Valcárcel. A crónica fotográfica completa pode verse aquí.
A
I Xornada da Sección de Literatura Dramática: Literatura Dramática e Teatro Nacional, que contou co apoio do Concello da Coruña, tivo lugar o sábado 5 de novembro no Quiosco Alfonso.
Aquí pode verse a crónica videográfica completa, da que destacamos hoxe as intervencións de Xavier Albertí e o público asistente na aula maxistral que deu o autor catalán:
– Aula maxistral de Xavier Albertí (I):
A I Xornada da Sección de Literatura Dramática: Literatura Dramática e Teatro Nacional, que contou co apoio do Concello da Coruña, tivo lugar o sábado 5 de novembro no Quiosco Alfonso.
Aquí pode verse a crónica videográfica completa, da que destacamos hoxe estas dúas intervencións:
– Intervención de Cesáreo Sánchez, presidente da AELG.
O 
Consello Directivo da Asociación de Escritoras e Escritores en Lingua Galega (AELG) acordou na súa última reunión a realización dun Congreso de Poesía Galega no inicio do outono do vindeiro ano 2017, que terá lugar na cidade de Pontevedra.
Con esta actividade preténdese facer unha revisión da poesía galega nos últimos 40 anos, un exame da súa situación actual e do peso da poesía no sistema literario e na sociedade galega, tendo en conta a relevante diversidade de propostas, achegas e temáticas que mostran as diferentes poéticas existentes, e tamén analizar colectivamente os retos para o futuro.
Artigo de Belén Bouzas en Sermos Galiza:
“A Asociación de Escritoras e Escritores en Lingua Galega (AELG) acordou na súa última xuntanza a realización dun Congreso de Poesía Galega no inicio do outono do vindeiro ano 2017, que terá lugar na cidade de Pontevedra. “É importante que os poetas e as poetas reivindiquemos o peso social da poesía no noso país”, afirma Cesáreo Sánchez.
Esta actividade responde á necesidade de facer unha revisión da poesía galega nos últimos 40 anos, xa que “desde a morte do ditador até hoxe xa pasaron corenta anos e pensamos que é o momento de reflexionar colectivamente, non só sobre o xa feito, senón tamén fundamentalmente coñecer e partillar cal é o momento actual da poesía e cales son os camiños do futuro que se poden intuír”, comenta en conversa para Sermos Galiza Cesáreo Sánchez, presidente da AELG. “Persoalmente creo que tamén é importante que os poetas e as poetas reivindiquemos o peso social que na realidade se ten no conxunto da actividade cultural do país, a que se ve e a que non se ve”, engade.
Mediante este congreso procúrase achegar un exame da situación actual da poesía e do peso desta no sistema literario e na sociedade galega porque “é importante visibilizar o que se está facendo e o feito ao longo destes últimos anos, así como pensar conxuntamente como vemos o futuro”, tendo en conta a relevante diversidade de propostas, achegas e temáticas que mostran as diferentes poéticas existentes, e tamén analizar colectivamente os retos para o futuro. “Será moi transversal, aberto ao traballo de todo o corpo asociativo da AELG, dos 430 asociados que ten”, engade Cesáreo Sánchez.
O Congreso de Poesía Galega decorrerá en Pontevedra por tratarse dunha “cidade con vocación literaria que sempre apoiou e acolleu as actividades da AELG e froito dese apoio tamén retornaremos aí a Pontevedra”. Polo de agora abrirase un tempo para que os membros da AELG acheguen as súas propostas para definir contidos, formato e tipoloxía do congreso. “Esta é a primeira pedra deste edificio que construiremos entre todos”, adianta o presidente da AELG.”
A AELG 
colabora coa Universidade de Santiago mediante o patrocinio da Secretaría Xeral de Política Lingüística no XIII Curso de Formación. A LIX. Relacións texto-imaxe: Obras imprescindibles para o ensino primario e secundario sobre a representación do mundo árabe na LIX, que terá lugar do 11 ao 18 de novembro de 2016.
O presente curso ten como finalidade formar e informar sobre a representación do mundo árabe na Literatura Infantil e Xuvenil a partir das relacións texto-imaxe, co obxectivo de salientar aquelas obras que se consideran imprescindibles para a formación lectora no ensino primario e secundario e así axudar á planificación da educación literaria e artística. Esta formación está xeralmente excluída, ou pouco ofertada, nos planos de estudo actuais, malia a súa transcendencia en ámbitos básicos como a formación e comprensión lectora e escrita. Analizaranse obras imprescindibles, realizaranse talleres literarios e artísticos e encontros con autores que representaron estes conflitos nas súas obras. Polo tanto, o tema específico a tratar é Obras imprescindibles para o ensino primario e secundario sobre a representación do mundo árabe na LIX.
Datas de realización:
11-12 e 18 de novembro de 2016
Lugares de realización:
– Centro Ramón Piñeiro para a Investigación en Humanidades (Rúa San Roque, 2, 15704, Santiago de Compostela).
– Biblioteca Afundación (Rúa Frei Rosendo Salvado, 14-16, 15701, Santiago de Compostela).
Requisitos de acceso:
Mestres/as e profesorado de ensino secundario e bacharelato. Calquera persoa interesada no tema.
Matrícula:
Ata o 10 de novembro de 2016
Prezo e núm. de conta e concepto para efectuar o ingreso:
25 € / BANCO SANTANDER ES40-0049-2584-9022-1400-2210 / Workshop/Seminario e XIII Curso de Formación: “Obras imprescindibles para o ensino primario e secundario sobre a representación do mundo árabe na LIX”.
Prazos de pagamento de matrícula:
Un único prazo.
Número de prazas:
150
Venres 11 de novembro
Lugar de celebración Centro Ramón Piñeiro para a Investigación en Humanidades (Rúa de San Roque, nº 2, 15704, Santiago de Compostela).
17:30-18:00 h. Recollida do material.
18:00-18:30 h. Inauguración.
Secretario Xeral de Política Lingüística, directora do Instituto de Ciencias da Educación, director da Biblioteca Afundación e directoras do curso.
18:30-19:30 h. Conferencia.
Representación do mundo árabe na LIX: unha perspectiva necesaria. Cláudia Sousa Pereira (Universidade de Évora, Departamento de Lingüística e Literaturas).
19:30-20:30 h. Presentación das obras
– A Grey Background in Children’s Literature: Death, Shipwreck, War, and Disasters (Iudicium, 2016), Rocío García Pedreira.
– Reflexos das dúas guerras mundiais na LIX (Xerais, 2015), Armando Requeixo.
– Memória(s) e Identidade (Tropelias&Companhia, 2016); Un lustro de lecturas para la infancia y la juventud (USC, 2016), Ana María Porto, directora do Instituto de Ciencias da Educación.
– Revistas Elos. Revista de Literatura Infantil e Xuvenil (USC) e Boletín Galego de Literatura (USC), Mar Fernández Vázquez.
20:30-21:30 h. Visionado e comentario dun filme.
Sábado 12 de novembro
Lugar de celebración: Biblioteca Afundación (Rúa Frei Rosendo Salvado, 14-16, 15701, Santiago de Compostela).
10:00-11:00 h. Como levar ás aulas do ensino secundario as obras imprescindibles sobre a representación do mundo árabe na LIX. Eulalia Agrelo Costas (ICE-USC)
11:00-11:30 h. Propostas para o Taller de Ilustración.
11:30-12:00 h. Descanso.
12:00-13:00 h. Encontro de Marcos Calveiro con Marta Neira Rodríguez (USC).
13:00-14:00 h. Encontro de Fina Casalderrey con Isabel Mociño (UVigo).
Venres 18 de novembro
Lugar de celebración: Biblioteca Afundación (Rúa Frei Rosendo Salvado, 14-16, 15701, Santiago de Compostela)
18:00-19:00 h. Como levar ás aulas do ensino primario as obras imprescindibles sobre a representación do mundo árabe na LIX. Carmen Ferreira Boo (ICE-USC).
19:00-20:30 h. Taller de ilustración: Achega a propostas artísticas contemporáneas que tratan a representación do mundo árabe. Olalla Cortizas Varela, Cristina Trigo Martínez e Guillermo Calviño Santos (USC).
20:30-21:00 h. Clausura.
Rosalía Fernández Rial, vogal de novos formatos da escrita da Asociación de Escritoras e Escritores en Lingua Galega.
Directora do Instituto de Ciencias da Educación.
Director da Biblioteca Afundación e directoras do curso.
Entrega de certificacións
***
Información
Universidade de Santiago de Compostela – Instituto de Ciencias da Educación (ICE)
Telf. 881814470/881814475/881814478
icesecretaria@usc.es blanca.roig@usc.es
Marta Neira Rodríguez marta.neirarodriguez@ceu.es marta.neira@usc.es
Universidade de Vigo
Isabel Mociño González
imocino@uvigo.es
Asociación de Escritoras e Escritores en Lingua Galega (AELG)
oficina@aelg.org
Biblioteca Afundación
Telf. 981 59 34 67
biblio.santiago@afundacion.org
Colaboran
Biblioteca Afundación
Rede Temática “As Literaturas Infantís e Xuvenís do Marco Ibérico e Iberoamericano” (LIXMI)
Centro de Investigación de Procesos e Prácticas Culturais Emerxentes (CIPPCE) – USC
Asociacións: ANILIJ-ELOS; ELOS-GALICIA
Asociación de antigos Alumnos e Amigos da Universidade de Santiago de Compostela
Directoras
Blanca-Ana Roig Rechou
Carmen Franco Vázquez
Universidade de Santiago de Compostela
Coordinación e secretaría
María Josefa Mosteiro García
Instituto de Ciencias da Educación. Universidade de Santiago de Compostela
Marta Neira Rodríguez
Universidade de Santiago de Compostela/Escola Universitaria CEU de Maxisterio de Vigo
Isabel Mociño González
Universidade de Vigo
Estas son algunas das fotografías do Paseo pola Coruña Literaria do sábado 29 de outubro, con Eli Ríos. A crónica fotográfica completa pode verse aquí.
