Arquivo da categoría: Premios teatro: convocatorias
Convocado o Concurso de Teatro Infantil da A. C. O Facho
“Assumindo
como próprias as palavras de Juan Ramón Jiménez quando afirmava que “Teatro infantil é aquele que também lhe gosta aos nenos”, a Junta Directiva da Associaçom Cultural O Facho acordou convocar o Concurso de Teatro Infantil, que, nesta nova etapa, se regerá polas seguintes bases:
1º) Poderám optar ao devandito prémio qualquer pessoa, sem restriçom, sempre que a obra seja inédita e redigida em língua galega –em qualquer tipo de suporte- nom representadas, nem premiadas noutros certames.
2º) Estabelece-se como prémio único de 100,.- € e umha biblioteca de livros teatrais.
3º) A obra, que nom poderá exceder os 80 fólios, será presenteada por quintuplicado, em formato DIN A4, a dobre espaço e mecanografados por umha soa cara.
4º) Os originais para o Concurso enviaram-se por correio à sé da Associaçom Cultural O Facho. R/ Frederico Tápia n.º 12-1º A Crunha (15005) ou a Caixa de Correios n.º 46, Oficina Principal d’A Crunha. Apresentaram-se sob um lema, que figurará na portada dos textos enviados, e virám acompanhados de um envelope fechado que contenha no exterior o lema da obra e, no interior, o nome, apelidos e telefone do autor ou autora.
5º) O prazo de admissom de originais finda o dia 31 Março de 2014 às doce da noite. O falho do prémio fará-se público no mês de Maio.
6º) Os ganhadores serám elegidos por um júri nomeado pola Associaçom Cultural O Facho. O mesmo está composto por pessoas de reconhecido prestigio no âmbito teatral galego.
7º) O júri poderá declarar deserto um ou vários dos prémios do concurso e será o que deverá resolver aquelas situaçons que se pressentem e que nom esteiam contempladas nestas bases, assim como as duvidas que podam existir na sua interpretaçom.
8º) A participaçom neste Certame implica assumir as bases do mesmo.
9º) Os originais nom premiados poderám ser retirados, no prazo de 30 dias, no local de O Facho, prévio correio dirigido ao endereço postal da Agrupaçom. No caso de que o autor o autora nom resida na Corunha poderá solicitar que lhe sejam enviados por correio postal.
Esta convocatória entrará em vigor ao dia seguinte da sua publicaçom nos médios.”
Convocado o XXII Certame Literario A Pipa 2013 da Alta Montaña Luguesa
“1.
Temática.
O tema é libre.
2. Modalidades.
2. A.- Poesía (máximo 50 versos). Categoría infantil (Dos 8 ós 14 anos). Categoría xuvenil (Dos 14 ós 18 anos). Categoría Revista A Pipa para maiores de 18 anos.
2. B.- Relato, narración ou conto breve (máximo 5 folios por unha soa cara). Categoría infantil (Dos 8 ós 14 anos). Categoría xuvenil (Dos 14 ós 18 anos). Categoría Revista A Pipa para maiores de 18 anos.
2. C.- Dramaturxia breve. Maiores de 18 anos.
3. Os premios.
Para cadansúa modalidade e categoría establécense 1º e 2º Premio, mailos accésits que o Xurado considere necesarios.
Cada premio consiste nunha estatuíña de cerámica de Sargadelos con placa inscrita, un lote de libros, e o correspondente título acreditativo. A Asociación Cultural A Pipa de Becerreá non descarta que os traballos premiados poidan ser editados nun futuro.
4. Cerimonia de entrega de premios.
A Entrega de Premios de Poesía, Relato, Narración e Conto terá lugar o venres 27 de decembro de 2013 ás 21:00 h. na Casa de Cultura de Becerreá, no marco da XXII Noite Poética con Helena Villar Janeiro.
A Entrega de Premios de Dramaturxia breve terá lugar o sábado 28 de decembro de 2013 ás 21:00 h. na Casa de Cultura de Becerreá, coincidindo cun acto arredor de Roberto Vidal Bolaño e o xogo do teatro (Editorial Laiovento), de Afonso Becerra.
(Os galardóns deberán ser recollidos durante estas dúas xornadas de entrega ou nun prazo máximo que conclúe na data de presentación dos traballos da edición seguinte deste Certame. De non ser así o agasallo outorgado á persoa premiada pasaría a formar parte dos fondos da Asociación Cultural A Pipa de Becerreá.)
5. Presentación e Prazo.
5. A.- Cada participante poderá presentar un ou máis traballos inéditos, en lingua galega.
5. B.- Os traballos presentaranse anónimos, sinalando neles a Modalidade e Categoría na que participan, e achegando nun sobre pechado a identidade, o enderezo e o número de teléfono do/a autor/a, xunto a unha fotocopia do DNI.
5. C.- O prazo de admisión rematará o luns 16 de decembro de 2013.
5. D.- Os traballos poden entregarse, ou envialos ó seguinte enderezo: Certame Literario A Pipa. Rúa Ancares, 57. – 27640 Becerreá (Lugo).
6. O Xurado. O Fallo.
O Xurado estará composto pola Xunta Directiva da Asociación Cultural A Pipa de Becerreá, que tamén poderá convidar a algún profesional do mundo do Ensino, da Literatura e das Artes.
O fallo farase público a través dos medios de comunicación, no blog (ao que tamén se pode acceder a través da web) ou na páxina de facebook A Pipa de Becerreá, e tamén se transmitirá persoalmente ós/ás gañadores/as.”
Convocado o 8º Premio Abrente para textos teatrais
Convocado o VII Premio Diario Cultural de Teatro Radiofónico
“Desde
a contemporaneidade e inscrito nunha tradición que fixo da radio unha canle de expresión artística, o Premio Diario Cultural de Teatro Radiofónico pretende promover a creación cultural dun corpus dramático no formato do teatro radiofónico.
A Radio Galega a través do programa Diario Cultural e coa colaboración da Secretaría Xeral de Cultura da Consellería de Cultura, Educación e Ordenación Universitaria organiza a sétima edición dun premio que pretende fomentar a escrita de textos dramáticos para a radio e contribuír á recuperación do formato do teatro radiofónico. Non se trata tanto de recuperar as fórmulas convencionais do radioteatro como de estimular a creación de pezas dramáticas contemporáneas e facilitar unha plataforma de creación aberta ás novas linguaxes artísticas na radio.
As obras seleccionadas polo xurado, emitiranse na Radio Galega e editarase un libro-CD cos textos finalistas ademais da súa publicación na páxina web da CRTVG. Outorgaranse os premios do xurado e da audiencia, dotados cada un deles con 3.000 euros.
BASES
1ª. Poderán participar todos os escritores e escritoras que o desexen sempre e cando non mateñan unha relación laboral coa CRTVG e calquera das sociedades que comprende (TVG e RG).
Os participantes deberán ser maiores de 18 anos.
2ª. Os traballos presentados deberán ser orixinais e inéditos, escritos en lingua galega e non poderán ser adaptacións. Deberan estar libres de todo compromiso anterior con emisoras de radios, televisións, editoriais ou entidades semellantes.
3ª. Os traballos adoptarán o formato de guión radiofónico dramático. Estarán calculados para que a súa duración en antena sexa de dez minutos como máximo. As obras terán un elenco de cinco personaxes como máximo. Os autores poderán utilizar, coas indicacións pertinentes, cantos recursos radiofónicos consideren necesarios para que o texto sexa realizado de maneira axeitada: música, planos sonoros, efectos etc. O director ou directora das dramatizacións radiofónicas poderá facer as adaptacións necesarias para a súa realización e emisión. Cómpre ter en conta que as obras serán emitidas nas distintas faixas horarias, tamén en horario infantil.
4ª. Non se admitirán máis de dous guións por autor/a e de cada obra se presentarán orixinal e cinco fotocopias. Os autores/as concursarán polo sistema de plica. En sobre pechado deberán facer constar o seu nome, apelidos, DNI, enderezo postal e número de teléfono. Os traballos faranse chegar por correo ao seguinte enderezo:
Radio Galega, Diario Cultural.
VII Premio Diario Cultural de Teatro Radiofónico
San Marcos 15820. Santiago de Compostela.
Conservaranse durante un mes a partir da data en que se faga pública a resolución do xurado e despois destruiranse os que non fosen solicitados polos seus autores/as.
O prazo de admisión de orixinais comezará cando se faga pública esta convocatoria e rematará o día 3 de maio de 2013.
5ª. Os argumentos das obras serán de temática libre.
6ª. O xurado estará integrado por profesionais de recoñecido prestixio do ámbito da escena galega e da radio. O xurado valorará especialmente a calidade literaria e drámatica das obras e a sua adaptación ao medio radiofónico.
7ª. Os autores/as comprométense a autorizar a dramatización e emisión pola Radio Galega das obras presentadas de seren estas seleccionadas, así como a súa edición en libro-CD e a súa publicación na web da CRTVG. A tal fin, os autores/as premiados e finalistas ceden a Radio Galega os dereitos de comunicación pública, reprodución e distribución precisos para a posta en antena da obra e a súa primeira edición en libro e disco compacto.
Os autores/as que o desexen poderán enviar co texto as gravacións das dramatizacións en soporte de CD. As gravacións non serán tidas en conta na valoración dos textos teatrais polo xurado pero si serán emitidas, se son finalistas os textos, pola Radio Galega para a votación da audiencia en lugar da dramatización realizada polo equipo artístico.
8ª. O xurado escollerá escollerá entre as obras presentadas un premio único dotado con 3.000 euros e catro finalistas como máximo. As obras seleccionadas emitiranse pola Radio Galega e a audiencia escollerá por votación entre as emitidas a obra que obterá o premio do público, dotado con 3.000 euros. O xurado reservase a facultade de declarar deserto o premio convocado.
9ª. Calquera incidencia non prevista nesta convocatoria será resolta polo xurado.
10ª. O feito de concursar supón a aceptacion destas bases.”
Convocado o XVI Premio de Teatro Rafael Dieste
“Coa 
intención de incentivar a creatividade no ámbito do teatro, por ser unha das formas artísticas de maior incidencia social e en lembranza do xenial autor rianxeiro, a Deputación Provincial da Coruña convoca o XVI Premio de teatro Rafael Dieste, de acordo coas seguintes:
Primeira.-
Poderán participar todas as persoas, maiores de idade, de calquera nacionalidade, que non fosen premiadas nas cinco edicións anteriores, e que presenten obras de teatro escritas en lingua galega, inéditas e non premiadas en ningún outro premio o certame.
Segunda.-
Establécese un premio único e indivisible, dotado con 6.500 €.
Esta cantidade está suxeita ás retencións legais que lle sexan aplicables.
A Deputación publicará a obra premiada, reservándose durante un prazo de dezaoito meses os dereitos de editala e de representala, e entregará ao gañador trinta exemplares.
A Deputación poderá contratar unha compañía teatral galega para realizar a montaxe e a representación da obra premiada, sen que isto supoña unha compensación complementaria para o autor.
Terceira.-
O tema e a extensión da obra será libre.
A presentación será feita, preferentemente, en formato dixital, por medio dun CD que incluirá na carátula a seguinte inscrición: XVI Premio de teatro “Rafael Dieste”, título da obra e lema o seudónimo; o tratamiento de texto será Word, OpenOffice ou PDF.
No caso de optar pola presentación en papel, as obras serán presentadas por duplicado, en exemplares separados, tamaño DIN A 4, e impresos polas dúas caras, ademáis deberán estar numerados, grampados ou encadernados.
A obra será presentada baixo o sistema de plica, polo que será enviada achegada dun sobre aparte; no exterior do sobre figurará o título da obra e o lema ou pseudónimo do seu autor; no interior incluirase unha copia do NIF, o enderezo, teléfono de contacto e correo electrónico e, ademais, unha declaración expresa de que a obra é inédita e que non foi premiada, ata a data da súa presentación, en ningún outro certame ou premio.
Cuarta.-
O prazo de presentación de orixinais comezará o día seguinte ao de publicación desta convocatoria no Boletín Oficial da Provincia e rematará o día 5 de abril de 2013.
Os orixinais enviaranse á Deputación da Coruña, Avda. Alférez Provisional 2, 15006 A Coruña, indicando no sobre “XVI Premio de teatro Rafael Dieste”.
Quinta.-
O xurado estará presidido polo presidente da Deputación da Coruña e formarán parte del: a deputada presidenta da Comisión de Cultura, Educación, Deporte e Mocidade e cinco persoas de recoñecido prestixio no eido teatral.
O xurado será nomeado polo presidente da Deputación, e actuará como secretario o da Corporación ou o funcionario no que delegue.
A composición do xurado darase a coñecer con anterioridade á súa reunión, no taboleiro e na páxina web da Deputación, co fin de que se poidan interpor, se é o caso, os recursos legais pertinentes.
Sexta.-
Os participantes terán a obriga de comunicarlle á Deputación a concesión de calquera premio que obteña a obra presentada, no momento en que esta situación se produza, o que dará lugar á súa exclusión do concurso.
O xurado actuará en pleno, en sesión a ser posible única, sendo necesaria a asistencia da maioría simple dos seus membros. Para os efectos da validez da súa constitución aplicarase o disposto no art. 26.1 da Lei 30/1992 do réxime xurídico das administracións públicas e do procedemento administrativo común.
As deliberacións serán secretas e delas redactarase a acta correspondente.
Sendo un dos obxectivos deste concurso a representación da obra premiada, valoraranse positivamente os factores que incidan na súa viabilidade escénica: número de personaxes, condicións técnicas, etc.
O xurado non poderá declarar deserto o premio e presentará a súa proposta ao presidente da Deputación, que é o órgano competente para concedelo.
A decisión do xurado terá lugar no mes de maio de 2013 e darase a coñecer no taboleiro de anuncios e na páxina web da Deputación, e a través dos distintos medios de comunicación.
A plica correspondente á obra que resulte finalista poderá ser aberta polo secretario do xurado co fin de que, se o seu autor o permite, poida darse a coñecer o seu nome.
Sétima.-
Non se devolverán os orixinais non premiados que, a partir do día seguinte á decisión do xurado, serán destruídos.
Oitava.-
A participación nesta convocatoria supón a total aceptación destas bases.
A Coruña, 18 de febreiro de 2013.”
Convocado o XLV Concurso Literário de Teatro Infantil da A. C. O Facho
“Assumindo 
como próprias as palavras de Juan Ramón Jiménez quando afirmava que “Teatro infantil é aquele que também lhe gosta aos nenos”, a Junta Directiva da Associaçom Cultural O FACHO acordou convocar o Concurso de Teatro Infantil, que, nesta nova etapa, se regerá polas seguintes
1º) Poderám optar ao devandito prémio todas as pessoas que pressentem obras inéditas –em qualquer tipo de suporte- nom representadas, nem premiadas noutros certames e que esteiam escritas em língua galega.
2º) Estabelece-se como prémio único, a ediçom da obra ganhadora, da que o autor ou autora receberá 100,.- € e um lote de livros teatrais.
3º) A obra, que nom poderá exceder os 80 fólios, será presenteada por quintuplicado, em formato DIN A4, a dobre espaço e mecanografados por umha soa cara.
4º) Os originais para o Concurso enviaram-se por correio á sé da Associaçom Cultural O FACHO. R/ Frederico Tápia n.º 12-1º A Corunha (15005) ou a Caixa de Correios n.º 46, Oficina Principal de A Corunha. Apresentarám-se sob um lema, que figurará na portada dos textos enviados, e viram acompanhados de um envelope fechado que contenha no exterior o lema da obra e, no interior, o nome, apelidos e telefone do autor ou autora.
5º) O prazo de admissom de originais finaliza o dia 30 de Abril de 2013 às doce da noite. O falho do prémio fará-se público no mês de Maio.
6º) Os ganhadores serám elegidos por um júri nomeado pola Associaçom Cultural O FACHO. O mesmo está composto por pessoas de reconhecido prestigio no âmbito teatral galego.
7º) O júri poderá declarar deserto um ou vários dos prémios do concurso e será o que deverá resolver aquelas situaçons que se pressentem e que nom esteiam contempladas nestas bases, assim como as duvidas que podam existir na sua interpretaçom
8º) A participaçom neste Certame implica assumir as bases do mesmo.
9º) Os originais nom premiados poderám ser retirados, no prazo de 30 dias, no local de O Facho, prévio correio dirigido ao endereço postal da Agrupaçom.
No caso de que o autor o autora nom resida na Corunha poderá solicitar que lhe sejam enviados por correio postal.
Esta convocatória entrará em vigor ao dia seguinte da sua publicaçom nos médios.
Na cidade d’A Corunha, 2 Fevereiro 2013.
Premio da Bienal de Teatro Romaría Vikinga 2013-2014
“O Concello de Catoira e a Universidade de Santiago de Compostela, dentro do seu programa de actividades de promoción e sensibilización das culturas viquinga e galega e ó mesmo tempo co desexo de contribuír á creación teatral, convocan o premio de teatro-espectáculo Bienal Romaría Vikinga, coas seguintes bases:
1. As obras terán que ser inéditas e estar escritas en galego. O autor/a deberá ter en conta que se trata dunha representación popular na que participarán actores e actrices afeccionados, en gran número; e que a presentación comezará ó atardecer, e ó aire libre.
2. A organización e composición do xurado corresponderalle á USC e ó Concello de Catoira, e formarán parte do mesmo un representante do Concello de Catoira, tres persoeiros destacados do mundo do teatro e un representante da USC.
3. O tema deberá gardar relación con calquera dos moitos aspectos das incursións viquingas e a defensa das Torres, lendas, costumes, personaxes e símbolos, valores e sensibilidades propios do tema en Galicia. Sen saírse destes parámetros valorarase a creatividade e a orixinalidade.
4. A obra terá como escenario de representación o recinto histórico de Torres de Oeste, co cal poden formar parte da escenificación os elementos que o compoñen.
5. A representación da obra terá lugar na semana anterior ó día da Romería Vikinga (1º domingo de agosto).
6. O Concello de Catoira farase cargo da designación da persoa responsable da dirección da obra e de todo o referente a decorados e atrezzo, montaxe, materiais e vestiario.
7. Os actores e actrices serán afeccionados, que nacesen ou residan en Catoira. As persoas que participen no reparto da obra ceden ó Concello de Catoira os seus dereitos de imaxe con fins de reprodución, distribución e comunicación pública da obra teatral.
8. A presentación ó concurso esixe dous sobres adxuntos e pechados que conterán a seguinte documentación:
· Sobre A, incluirá os orixinais, mecanografados e por sextuplicado sen asinar, co título da obra e pseudónimo do/a autor/a que permita a súa posterior identificación, así como un precaderno de dirección no que se describa a posta en escena do espectáculo.
· Sobre B, incluirá o nome, teléfono e enderezo do autor/a, xunto cunha fotocopia do seu D.N.I. Por fóra, deberá ir o título da obra e o pseudónimo do/a autor/a. Ademais os/as residentes do concello escribirán Catoira no exterior do sobre.
Ambos sobres deberán ir pechados.
9. Prazo: os traballos poderán entregarse ata o día 30 de outubro de 2012, incluído, no seguinte enderezo:
Concello de Catoira
Rúa do Concello, 6
36612 Catoira-Pontevedra
Nese mesmo enderezo poderase recibir toda clase de información, ou a través do teléfono 986546014.
10. Premio: establécese un único premio de 2.500 euros para o texto teatral.
11. Ademais da calidade das obras, valorarase a viabilidade da súa posta en escena así como a innovación no libreto e que os autores non representaran obras en anos anteriores, co obxecto de dar paso a novas ideas e valores.
12. A resolución do xurado farase pública no mes de novembro de 2012 e seralles comunicada ós galardoados/as e difundida a través dos principais medios de comunicación.
13. O autor/a da obra premiada cede en exclusiva ó Concello os dereitos de reprodución, distribución, comunicación pública e transformación da obra, en todo o territorio da Unión Europea, para a súa explotación e execución teatral, edición e produción.
14. A determinación da publicidade corresponde ó Concello de Catoira e á USC.
15. O autor/a non percibirá ingresos de despacho de billetes.
16. Dado que a convocatoria do premio é bienal, entre os traballos presentados elixiranse as obras que se representarán nos anos 2013 e 2014. Á hora de elixir o segundo texto terán preferencia os residentes en Catoira, co fin de fomentar a creatividade e a afección polo teatro entre as persoas do municipio.
17. O xurado pode declarar deserto o premio se os traballos presentados non reúnen as condicións artísticas e de calidade suficientes.
18. A participación no presente concurso implica a aceptación das súas bases. Sen contradición con estas, para calquera detalle non especificado nelas, a organización resolverá no seu momento.”
VII Premio Estornela de Teatro para Nenos
A
Fundación Xosé Neira Vilas convoca a VII edición do Premio Estornela de Teatro para Nenos. Trátase dunha iniciativa de carácter bianual que pretende estimular a creación teatral dirixida a nenos e nenas.
O premio está dotado con seiscentos euros e inclúe a publicaciòn do texto por Edicións Embora. Enviarase o orixinal e dúas copias adxuntando sobre pechado co título por fóra e dentro del nome e apelidos do/a autor/a, enderezo e teléfono ata o vindeiro 30 de outubro á sede da Fundación Xosé Neira Vilas (C. P. 36587, Gres-Vila de Cruces-Pontevedra). Os textos han ser inéditos en lingua galega, e cada orixinal pode conter varias pezas teatrais.
Convocado o 7º Premio Abrente para Textos Teatrais
