O Museo do Mar de Vigo acolle o venres 10 de decembro, ás 18:00 h, a entrega do premio Concurso Balbino de Relatos ao gañador desta edición, o vigués Xosé Alfredo Naz Fernández, nun acto que servirá de presentación da obra premiada, o libro Gumes entre a néboa, publicado por Fervenza.
Arquivo da categoría: Entrega de premios
Ferrol: Gala de entrega do XIX Premio de poesía Afundación a Medos Romero
O 9 de decembro, ás 19:00 horas, na Sede Afundación de Ferrol (Praza da Constitución, s/n.), terá lugar a gala de entrega do Premio de Poesía Afundación a Medos Romero por E o sol era ela. No acto a gañadora recitará algúns poemas e proxectarase unha videocreación inspirada en A espera, de Argüelles, unha peza da Colección de Arte Afundación, cuxa imaxe ilustra a sobrecuberta do libro. As persoas interesadas deben inscribirse previamente aquí.
Entrega do Premio Pedra do Destino de Amigos dos Museos de Galicia a Elixio Rivas
O domingo 28 de novembro, un representativo grupo de Amigos dos Museos de Galicia desprazouse ao Santuario dos Milagres de Baños de Molgas para facer entrega do Premio Pedra do Destino 2021 a don Elixio Rivas Quintas polo seu incansable traballo na pescuda e recolleita de palabras, tradicións e materiais que comparte e conforman a valiosa colección do “Museo dos devanceiros” nas mesma dependencias dos Paules. Amigos dos Museos de Galicia deu a coñecer este premio o 18 de Maio, “Día Internacional dos Museos”, galardón que, nesta ocasión consiste nunha valiosa peza para a súa colección: trátase dun rostrillo labrado en ouro para imaxe de Virxe, datado no século XVII. Antes e despois da entrega que terá lugar no mesmo Museo dos Devanceiros, o colectivo fará un roteiro polas terras do Medo.
Pontevedra: Culturgal 2021, do 26 ao 28 de novembro
Premios da Crítica de Galicia 2021
Malpica: Cea das Letras 2021
A Coruña: XXIV Memorial Ibán Toxeiro, o 10 de novembro
Vilalba: acto de entrega do IV Premio Agustín Fernández Paz a Iria Misa
Caldaloba: I Magosto Cal da Loba, o 23 de outubro
Laureano Araujo recibiu o Premio Plácido Castro de Tradución
Desde a Fundación Plácido Castro:
“En Cambados foille entregado a Laureano Araujo o Premio Plácido Castro de Tradución que na súa XIXª edición gabou a súa tradución de Schlump, Erwin: Homicidio, do escritor suizo Friedrich Glauser.
No acto, conmemorando o Día Internacional da Tradución, Constantino Cordal, padroeiro da Fundación e concelleiro de Cultura en Cambados, recordou os obxectivos do premio, é dicir, recoñecer o esforzo dos nosos tradutores e estimular a universalización da nosa lingua, destacando a importancia desta iniciativa na axenda da Fundación.
Xavier Senín, en nome do xurado, destacou as singularidades da obra e do labor tradutor do premiado, significando a importancia dada á contextualización e ao fornecemento ao lector de claves informativas e interpretativas precisas para unha mellor comprensión da obra.
Valentín García, Secretario Xeral de Política Lingüística, destacou a importancia da tradución para a normalización do noso sistema literario e cultural e alentou á Fundación a proseguir no seu labor.
Nun emotivo discurso, o premiado, Laureano Araujo, nacido en Suíza, agradeceu o galardón e destacou o significado persoal do seu “volver” a Galicia, un reencontro anos andados no que a tradución desempeñou un atributo transcendental, que a maiores vese honrado agora con este recoñecemento.
A presidenta Susi Castro entregou ao premiado a escultura de Xaquín Chaves, o “Babelio”, e o diploma acreditativo. O premio está dotado con 2.000 euros.”
