O 
venres 1 de xuño, ás 20:15 horas, na librería Lila de Lilith (Rúa Travesa, 7) de Santiago de Compostela, preséntase a novela Morgana en Esmelle, de Begoña Caamaño, publicada en Galaxia. No acto, xunto á autora, participan María Xesús Nogueira, Guadi Galego e Guillerme Fernández.
Arquivo da categoría: Música
Santiago: presentación de No papel que mudo escoita, de Baldomero Iglesias, Mero
O 
xoves 31 de maio, ás 20:00 horas, na Libraría Pedreira (Rúa do Home Santo) de Santiago de Compostela, preséntase o libro No papel que mudo escoita, de Baldomero Iglesias, Mero, publicado pola Irmandade Manuel María. No acto, xunto ao autor, participan Xosé Lois García, Mini Rivas, Xulio Xiz, Alfonso Blanco, David Otero e Sabela Arias, contando coa participación musical de Raúl Galego.
A Coruña: concerto Haberá Primavera, do César Morán Trío, o 16 de xuño
Cerdanyola: actividades do Día das Letras Galegas
O 
domingo 27 de maio, a partir das 12:00 horas, no Museu d’Art de Cerdanyola (MAC-Can Domènech), a Irmandade O Botafumeiro conmemora o Día das Letras Galegas coa actuación do músico Josep-Maria Ribelles, que interpretará obras de Emilio Cao, o concerto do coro da Irmandade, e a conferencia Valentin Paz-Andrade e Castelao, irmáns e mestres da nación-cultura galega como tarefa, a cargo de Camilo Valdehorras.
Santiago: O exprés literario
A Coruña: concerto-recital de Estíbaliz Espinosa
Bruxelas: Dias das nossas letras e das nossas culturas
A Asociación Couto Mixto de Bruxelas e a Livraria Orfeu de celebran os Dias das nossas letras e das nossas culturas, co seguinte programa:
– Sexta feira, 25 de maio, ás 18:30 horas, na Livraria Orfeu: presentación de Noente Paradise, de Ugia Pedreira, presentada por Ramón Neto.
– Sábado, 26 de Maio, ás 17:30 horas, na Livraria Orfeu. Encontro debate moderado por Xavier Queipo sobre as literaturas e as culturas da lusofonía (Galiza, Portugal, Brasil, …), con Ugia Pedreira e Ramón Neto (Galiza), Fred Martins (Brasil), J. Pinto da Silva (Portugal) e outras intervencións libres mediante inscrición. Ás 22:00 horas, concerto de Acrobata no LR6 (204, rue Haute, 1000, da mesma cidade, con Ugia Pedreira e Fred Martins. As reservas pódense conseguir aquí: coutomixtobruxelas@gmail.com. Venda antecipada de billetes na Livraria Orfeu (Rue du Taciturne 43, 1000).
Celanova: encontro Celso Emilio Ferreiro (1912-2012): ética e poética, entre o 16 e o 18 de xullo
Entre
o 16 e o 18 de xullo, no Mosteiro de Celanova, celébrase o Encontro Celso Emilio Ferreiro (1912-2012): ética e poética, organizado pola UIMP, baixo a dirección de José María Paz Gago e Antonio Piñeiro Feijoo. O importe da matrícula é de 129 euros, cunha redución do 50% para os alumnos das universidades da Coruña, Santiago ou Vigo (a data límite para a solicitude da beca é a do 16 de xuño), tendo recoñecido un valor académico de 20 horas en créditos de libre elección. O programa é o seguinte:
Luns 16 de xullo:
– 11:00 horas. Inauguración. Con José María Paz Gago, Antonio Piñeiro Feijoo e Xosé Luís Barreiro Rivas.
– 11:30 horas. Conferencia inaugural a cargo de Xesús Alonso Montero.
– 13:00 horas. Aspectos biográficos: ética vital. Con Luís Ferreiro Loredo e Ramón Nicolás Rodríguez.
– 20:00 horas. Recital lírico: Onde o mundo se chama Celanova, dirixido por Antón de Santiago.
Martes 17 de xullo:
– 10:30 horas. A creación poética: poesía civil e social, con Vicente Araguas, Luis García Jambrina e Basilio Rodríguez Cañada.
– 12:30 horas. A obra narrativa e ensaística, con Manuel Bragado, Alfredo Conde e Ramón Pernas.
Mércores 18 de xullo:
– 10:30 horas. Xornalismo e literatura en Celso Emilio Ferreiro, con Carlos G. Reigosa e Xosé Antonio Perozo.
– 12:30 horas. Presentación de publicacións sobre Celso Emilio Ferreiro: Celso Emilio Ferreiro hai 100 anos, con Aser Álvarez.
– 13:00 horas. Conferencia de clausura, con César Antonio Molina.
– 14:00 horas. Clausura e entrega de diplomas.
Tui: Moita poesía, pouca diversión, con María Lado e Lucía Aldao
“O 
sábado 19 de maio, ás 23:30 horas, en La Fabriquería (Avenida da Concordia, 29) de Tui, terá lugar unha nova edición de Moita poesía, pouca diversión, un espectáculo que pretende chamar a atención daqueles que miran a poesía de esguello. Lucía Aldao e María Lado válense do humor, da música en directo e da participación do público asistente, que descubrirá que a poesía non só é patrimonio deses señores con barba que nos aburren coa súa leria.”
Illa de Arousa: presentación de Iria, de Anxo Angueira
O 
xoves 17 de maio, ás 11:30 horas, a bordo do galeón Rei do Mar, no Peirao do Cantiño na Illa de Arousa, a Asociación Cultural e Deportiva Dorna e Edicións Xerais organizan a presentación de Iria, de Anxo Angueira. No acto, xunto ao autor, participan Uxío Allo e Dionísio Pereira. A continuación, actuación do Grupo de Música e Baile da A. C. D. Dorna. Na explanada do Xufre, a partir das 11:00 horas, haberá unha exposición de libros organizada pola Libraría Castelao.
