O
luns
19 de maio, ás 20:30 horas, no Auditorio do Centro Ágora (Rúa Ágora, s/n) da Coruña, terá lugar unha nova edición do Ciclo Poetas Di(n)versos, coordinado por Yolanda Castaño e promovido pola Concellaría de Cultura da Coruña, cun recital de obra propia nun man a man de Alfonso Pexegueiro e a poeta chinesa Ming Di. Máis información aquí: Folleto Di(n)versos maio 2014.
Arquivo da categoría: Poesía
Vídeo con poema de Isaac Xubín
Vídeo sobre un poema de Isaac Xubín. Desde Caderno da crítica, de Ramón Nicolás:
Gondomar: actos polo Día das Letras Galegas
Vila Nova de Cerveira: A poesia de Manuel Antonio, por Xosé Luís Axeitos
A Coruña: recital poético-musical Con dez poemas por barba, con Lucía Aldao e María Lado
Arteixo: recital de poesía aberto no Día das Letras Galegas
Rianxo: gran final de Slam Ferve a lingua
Parga, Guitiriz: Festa da Fala, na Romaxe do San Alberte
Boiro: IV Romaría das Letras no Barbanza
Compostela: conferencia de Armando Requeixo e recital con poesía e música en homenaxe a Xosé María Díaz Castro
A
Consellería de Cultura, Educación e Ordenación Universitaria celebra no Gaiás o Día das Letras Galegas cun recital poético-musical organizado polo Centro PEN Galicia para homenaxear ao poeta lucense Xosé María Díaz Castro no ano no que se conmemora o centenario do seu nacemento.
O evento Díaz Castro, perdido no traxecto e salvado por un anxo, terá lugar na Biblioteca de Galicia na véspera do Día das Letras, o venres 16 de maio, a partir das 19:00 horas. O escritor Armando Requeixo será o encargado de introducirnos na figura do autor de Nimbos, na súa obsesión pola perfección e a súa preocupación por Galicia e polos problemas do ser humano: a vida, a morte, o tempo. Tras el, Alba Cid, Luís González Tosar e Salvador García-Bodaño celebrarán a Díaz Castro a través dun recital poético. Marta Quintana e Cuchús Pimentel porán a nota musical do acto.
