“Con 
só un ano de actividade, a Fundación Gonzalo López Abente está a lograr unha visibilidade inédita da obra deste escritor muxián. Deste xeito, a entidade acaba de anunciar que asinou a un acordo coa editora Espiral Maior para tirar do prelo a poesía completa deste autor en 2013, a coincidir co 50 seu cabodano. A edición farase na colección Ópera Omnia e será coordinada por Miro Villar. Xa este mesmo ano, Xerais publicará A narrativa mariña de Gonzalo López Abente, un volume que recolle seis relatos do escritor canda a un estudio de Xesús Sambade. Estas publicacións súmanse aos do poemario Bretemada, que da man de Alvarellos é finalista aos Premios da Edición deste ano.” Vía Cultura Galega.
Arquivo da categoría: Poesía
Xabier Cordal: “Na poesía hai feitos inexplicables”
“O
Diario Cultural da Radio Galega emitiu unha entrevista con Xabier Cordal, sobre o seu último libro de poemas, transmuta, que publica logo de dez anos de silencio. Na poesía hai feitos inexplicables, asegura Xabier ao longo da entrevista, que, en formato mp3, pode escoitarse ou descargarse aquí.” Vía Xerais.
A Coruña: recital-presentación de Pan de ánimas, de Xoán Abeleira
O 
mércores 22 de febreiro, ás 19:30 horas, na Libraría Nova Colón (Rúa Olmos, 9) da Coruña, terá lugar un recital-presentación do novo libro de poemas de Xoán Abeleira, Pan de ánimas, publicado en Xerais.
María Canosa: “Ningún dos versos é igual. Como o mar, van e veñen”
Entrevista 
a María Canosa en La Voz de Galicia:
“(…) – La Voz de Galicia (LVG): ¿Todos os versos deste poemario [Ronca o mar] son referidos ao mar?
– María Canosa (MC): Si, falo do mar con todas as súas identidades: a parte crúa, a parte dura, a parte romántica. Ningún dos versos é igual, como as ondas que van e veñen, como o mar: uns son curtos, outros máis longos e van debuxando liñas no papel, como as ondas do mar. Paréceme que o pobre maquetador quedou un pouco farto de min.
– LVG: ¿Seguirá coa poesía?
– MC: Sempre fago un pouco de todo. Despois disto darame menos medo escribir poesía, aínda que sempre fun facendo cousas pero sen publicalas.”
Santiago: presentación de Acuática alma, de Marta Dacosta
O 
mércores 15 de febreiro, ás 20:00 horas, na Libraría Couceiro (Praza de Cervantes, 6) de Santiago de Compostela, preséntase o poemario Acuática alma, de Marta Dacosta, publicado en Espiral Maior. No acto, xunto á autora, participan Teresa Moure e Miguel Anxo Fernán-Vello.
Santiago: Picaversos, con Estíbaliz Espinosa, Manuel Cortés e Manuel Outeiriño
O 
martes 14 de febreiro, a partir das 21:00 horas, no Modus Vivendi (Praza de Feixoo) de Santiago de Compostela, chega outra edición do ciclo de lecturas poéticas Picaversos, baixo o título Míticos, onde participarán Estíbaliz Espinosa, Manuel Cortés e Manuel Outeiriño.
Ourense: recital poético de Celsa Barja
O
martes 14 de febreiro, ás 19:30 horas, no Centro Cívico A Ponte (Rúa Eulogio Gómez Franqueira) de Ourense, Celsa Barja dará un recital poético especialmente dedicado á Asociación de Familiares de Enfermos de Alzheimer de Ourense (AFAOR). No acto, en que estará acompañada pola música de Israel Elíaz, realizarase, xunto ao público asistente, un Poema humano.
O Temple, Cambre: Vermú literario sobre Os quilómetros que percorremos dende aquela, con Alberte Momán
O 
sábado 11 de febreiro, ás 13:30 horas, na Librería A Libreira (Rúa Luís Seoane, 2) do Temple (Cambre, A Coruña), terá lugar un Vermú literario sobre a obra Os quilómetros que percorremos dende aquela, de Alberte Momán, publicado en Toxosoutos.
Vigo: presentación de Transición, de Fran Alonso, e recital poético con María Lado e o autor
O 
venres 10 de febreiro, ás 
20:00 horas, na Librería Librouro (Rúa Eduardo Iglesias, 12) de Vigo, preséntase o novo poemario de Fran Alonso Transición, publicado en Franouren. No acto, presentado polo editor Manuel Ángel García, terá lugar un recital poético de María Lado e o propio Fran Alonso.
Pontevedra: presentación de Acuática alma, de Marta Dacosta
