Entrevista 
a X. H. Rivadulla Corcón en Galicia Hoxe:
“- Galicia Hoxe (GH): Que relación tiveches con Uxío Novoneyra? Que recordos tes del e por que te marcou tanto?
– X. H. Rivadulla Corcón (XHRC): Tivemos unha amizade que eu me atrevo a cualificar de intensa. Foi na época dos seus primeiros anos en Compostela, pois eu daquela vivía nesa cidade. Ía moito á súa casa e sobre todo paseabamos moito polo Franco e a Alameda. Creo que aprendín con el moito máis do que podo imaxinar: aprendín que un ten que esforzarse por ser un home bo e fiel á súa idea da vida. Son totalmente debedor da súa poesía, non tanto da forma como do concepto que el tiña da poesía, ese concepto esencial de que a poesía ten que ser sempre verdadeira. Sempre levarei no meu corazón a miña gratitude á súa persoa por permitirme camiñar ao seu lado polas rúas de Compostela. Moitas veces sentíame como se fose o seu escudeiro.
– GH: Por que o libro Memorias dun neno labrego foi unha influencia tan importante para ti e para a túa obra?
– XHRC: Non só Memorias dun neno labrego, tamén No cadeixo de Paco Martín e Os dous de sempre de Castelao. Lin eses tres libros con 14 anos, e supuxeron a miña entrada na literatura galega. Na escola de finais dos sesenta e a principios dos setenta non nos facían ler en galego, pero en Muxía si, porque alí estaba de mestre o escritor Xoán Babarro, e os meus amigos muxiáns foron os que me pasaron eses libros. Eu espertei á realidade do meu pobo a través deses libros, e lembro perfectamente que despois de lelos quixen ser escritor.”
Arquivo da categoría: Poesía
Santiago: presentación de A grafía dos mapas, de Lupe Gómez
O 
xoves 24 de febreiro, na Libraría Pedreira (Rúa do Home Santo, 55) de Santiago de Compostela, preséntase o libro A grafía dos mapas, de Lupe Gómez, publicado en Toxosoutos. No acto intervirán, acompañando á autora, Branca Novoneyra e David González Couso. Haberá unha actuación musical a cargo de Xabier Díaz e Guille Fernández. Entrevista en Galicia Hoxe coa autora.
Vilaboa, Culleredo: presentación de Bater de sombras, de Francisco X. Fernández Naval
O mércores
23 de febreiro, ás 20:00 h., na Aula de Poesía da Biblioteca Uxío Novoneyra de Vila Melania, en Vilaboa (Culleredo), preséntase Bater de sombras, de Francisco X. Fernández Naval, gañador do X Premio de poesía Fiz Vergara Vilariño, publicado en Espiral Maior. No acto participan Celestino Poza, María Casar e Miguel Anxo Fernán-Vello.
Vigo: presentación e recital de As catro estacións, de Antonio García Teijeiro
O 
martes 22 de febreiro, ás 20:00 h., en Librouro (Rúa Eduardo Iglesias, 12) de Vigo, terá lugar unha presentación e recital poético co gallo da nova edición de As catro estacións, de Antonio García Teijeiro, publicado en Galaxia. No acto participará, canda o autor, Francisco Castro, e un grupo de nenos e nenas, dende 4º de primaria ata 4º da ESO, que recitarán e cantarán cancións do libro. Entrevista posterior en Faro de Vigo.
Un poema longametraxe de Lois Pereiro
A Coruña: Congreso Uxío Novoneyra, do 17 ao 19 de febreiro
Do xoves 
17 ao sábado 19 de febreiro celébrase na Coruña o Congreso Uxío Novoneyra, organizado pola Real Academia Galega, coa colaboración da Universidade da Coruña e da Concellaría de Cultura do Concello da Coruña. A inscrición é gratuíta, e para formalizala cómpre enviar un correo electrónico a secretaria@realacademiagalega.org en que figuren os seguintes datos: nome, apelidos, DNI, enderezo postal completo, correo electrónico e teléfono. Admitirase un número máximo de 100 solicitudes por rigorosa orde de inscrición. Solicitáronse dous créditos de libre configuración na Universidade da Coruña (20 horas). Entregarase un diploma de asistencia aos inscritos que acrediten ter participado en todas as sesións. O Congreso ten o seguinte programa:
* Xoves 17. Salón de Actos da Real Academia Galega.
– 9:00 a 9:30 h.: Recepción e entrega de documentación.
– 9:30 a 10:00 h.: Inauguración.
– 10:00 a 10:45 h.: Conferencia inaugural de Pilar García Negro: Novoneyra. Nova xeira. A poesía como antídoto contra o ruído.
– 10:45 a 12:00 h.: Comunicacións:
Ana Acuña. Presenza de Uxío Novoneyra en Madrid.
Chus Nogueira. A lingua literaria de Uxío Novoneyra.
Olivia Rodríguez. Uxío Novoneyra, recitador.
– 12:30 a 13:00 h.: Relatorio de Xosé Benito Reza: Natureza e paisaxe no Courel.
– 13:00 a 14:00 h.: Coloquio cos relatores intervenientes.
– 16:30 a 17:00 h.: Relatorio de Luís Cochón: Romanceiro e cancioneiro tradicional en Uxío Novoneyra.
– 17:00 a 17:30 h.: Relatorio de Antón Patiño: Uxío Novoneyra: a escrita do corpo.
– 17:30 a 18:00 h.: Relatorio de Luís Alonso Girgado: Diversidade interno-externa e multiplicidade textual en Uxío Novoneyra.
– 18:00 a 19:00 h.: Coloquio cos relatores intervenientes.
* Venres 18. Salón de Actos da Real Academia Galega.
– 10:00 a 10:30 h.: Relatorio de Carlos Paulo Martínez Pereiro: A palabra deseñada.
– 10:30 a 11:00 h.: Relatorio de Anxo Angueira: Un poeta con terra e pobo.
– 11:00 a 11:30 h.: Relatorio de Claudio Rodríguez Fer: Correspondencia entre Valente e Novoneyra: poetas da fala no labirinto das linguas.
– 12:00 a 12:30 h.: Relatorio de Carme Blanco: A liberdade das amadas mulleres.
– 12:30 a 14:00 h.: Coloquio cos relatores intervenientes.
– 16:30 a 17:00 h.: Relatorio de Teresa López: Uxío Novoneyra: os camiños á Idade Media.
– 17:00 a 17:30 h.: Relatorio de Antón Lopo: Uxío Novoneyra na distancia do lobo.
– 17:30 a 18:00 h.: Relatorio de Xesús Alonso Montero: O primeiro libro de Novoneyra: ‘Abrojos’ (1948).
– 18:15 a 19:00 h.: Recital poético con Yolanda Castaño, Salvador García-Bodaño, Luz Pozo e Manuel Rivas.
* Sábado 19. Paraninfo da Universidade da Coruña (Maestranza).
– 10:00 a 10:30 h.: Relatorio de Xosé Ramón Freixeiro Mato: Lingua e estilo na obra de Uxío Novoneyra.
– 10:30 a 11:00 h.: Relatorio de Branca Novoneyra Rei: Ata cando este tempo de elexía.
– 11:00 a 11:30 h.: Relatorio de Darío Xohán Cabana: Aspectos formais da poesía de Uxío Novoneyra.
– 11:30 a 12:00 h.: Relatorio de Uxío Novoneyra Rei: Língoa sen maos.
– 12:30 a 13:15 h.: Conferencia de clausura de Ramón Lorenzo Vázquez: Polos eidos poéticos de Novoneyra.
– 13:15 a 14:00 h.: Clausura.
O comité organizador está formado por Xosé Luís Axeitos, Carlos Paulo Martínez Pereiro e Carme Vilariño.
Deixamos aquí o programa completo en .pdf para ser descargado libremente: Congreso Uxio Novoneyra.
En relación con este Congreso: Galicia Hoxe, Xornal e Cultura Galega. Posteriormente aparecen novas relacionadas en Galicia Hoxe e Xornal. Posteriormente, fanse crónicas das actividades do día 17en Galicia Hoxe, Xornal e La Voz de Galicia, do día 18 en Galicia Hoxe, La Opinión. Véxase tamén este artigo de Antón Patiño no Xornal.
Vilagarcía de Arousa: II edición de Mesa das Verbas
A Coruña: recital poético en homenaxe a Perfecto Estévez
O 
xoves 17 de febreiro, ás 20:00 h., na Biblioteca de Estudos Locais (Rúa Durán Loriga, 10) da Coruña, terá lugar un recital poético en homenaxe a Perfecto Estévez. A Asociación de Escritoras e Escritores en Lingua Galega en colaboración coa Concellaría de Cultura da Coruña quere mostrar así o seu agradecemento a Perfecto Estévez, deseñador referencial do noso país, e que ten colaborado coa AELG en tempos difíciles. O acto, presentado por Dores Tembrás, contará coa presenza de:
– Lois Diéguez
– Francisco X. Fernández Naval
– Yolanda Castaño
– Xulio L. Valcárcel
– Marica Campo
– Diana Varela
– Cesáreo Sánchez
Haberá unha actuación musical de César Morán e Xosé Taboada.
Na Casa da Cultura Salvador de Madariaga, tamén en Durán Loriga, 10, pódese visitar a Exposición homenaxe a Perfecto Estévez organizada pola Concellaría de Cultura da Coruña.
Vigo: representación de A illa das mulleres loucas, de Alfonso Pexegueiro
O 
venres 18 de febreiro, ás 21:00 h., no Auditorio Municipal de Vigo, representarase a peza que a Compañía Inversa Teatro preparou a partir do libro A illa das mulleres loucas de Alfonso Pexegueiro. A obra é unha peza poética de gran plasticidade na que as fronteiras entre o pasado, o presente e o futuro se esvaen para desvelar un tempo suspendido onde unha muller libra a súa propia batalla por definir os límites entre cordura e loucura. Vanesa Sotelo dirixe esta montaxe, con escenografía de Inversa Teatro, deseño de son de Berrogüetto e música de Anxo Pintos (zanfona) e Quico Comesaña (harpa) e coreografía de Vanesa Sotelo e María Caparrini.
A Coruña: Poetas Di(n)versos: recital de Miren Agur Meabe e Claudio Rodríguez Fer
O luns 
21 de febreiro, ás 20:30 h., na Casa da Cultura Salvador de Madariaga (Rúa Durán Loriga, 10, baixo) da Coruña, terá lugar un novo recital do ciclo Poetas Di(n)versos, organizado pola Concellaría de Cultura do Concello da Coruña e dirixido por Yolanda Castaño, no que participan:
– Miren Agur Meabe, nada en Lekeitio (Biscaia) en 1962, mestra e filóloga vasca, autora de narrativa, literatura infantil e xuvenil, e poeta, autora de Oi, hondarrezko emakaitz, Azalaren kodea (O código da pel), Premio da Crítica Española no 2001 e Bitsa eskuetan (Escuma nas mans). Galardoada en 2007 co Premio Lauaxeta pola súa traxectoria literaria e profesional, ten participado en múltiples Encontros Literarios Internacionais, e textos seus teñen visto a luz en múltiples antoloxías e libros colectivos, ou foron traducidos a varias linguas europeas.
– Claudio Rodríguez Fer (Lugo, 1956), poeta, ensaísta, narrador, autor de teatro e de poesía visual. Foi catedrático de Literatura en Galicia, así como profesor en universidades de Nova York, Bretaña e Santiago de Compostela, onde actualmente dirixe a revista literaria “Moenia” e a “Cátedra Valente de Poesía e Estética”. Coordina a revista “Unión Libre. Cadernos de vida e culturas”. Publicou, disertou e recitou en numerosos lugares de Europa, América e África, e dirixiu diversos congresos e encontros e participou en decenas de actas, enciclopedias e revistas europeas e americanas. Como estudoso é autor de obras críticas, ensaios e edicións realizadas en torno a autores galegos e universais.
Neste arquivo en .pdf pódese descargar máis información: Programa DinVersos Febreiro 2011.
