Arquivo da categoría: Premios e concursos (outros)

Compostela: XVII Xornadas de Expresión Oral Tíralle da lingua, o sábado 26 de novembro

Publicado o por

Astiralle-da-lingua XVII Xornadas de Expresión Oral terán lugar o sábado 26 de novembro, no IES As Fontiñas (Rúa Estocolmo, 5), en Santiago de Compostela.
Tíralle da lingua é un proxecto da AS-PG, dirixido ao alumnado e profesorado de todo o país, co obxectivo de normalizar o uso oral da nosa lingua, converter o idioma en instrumento de comunicación normal, de creación e recreación de historias…de lingua de uso do noso sistema educativo, en definitiva, de devolverlle ao galego o espazo que lle corresponde.
O proxecto TÍRALLE DA LINGUA consta de dúas fases: estas xornadas de expresión oral, dirixidas ao profesorado, nas que se intenta proporcionar técnicas para traballar a oralidade na aula e un concurso de relato oral, dirixido ao alumnado de toda Galiza cunha fase final que se celebra no mes de maio en Compostela.

PROGRAMA

– De 09:45 a 10:00 h. Recepción e entrega de material.
– De 10:00 a 12:30 h.: O Projeto regueifesta: improvisar para transformar o caminho da lingua. Séchu Sende, Manolo Maseda e Alba María.
Com a intençom de criar umha regueifa expansiva, a Regueifesta chega ao Tira-lhe da língua na procura de persoas com vontade de transformar através dum princípio de base: o processo educativo tamém deve ser um processo de participaçom direta e compartida de alunado, professorado e outros agentes. Desde a raiz da identidade própia improvisamos para ser mais livres.
– De 12:30 a 14:00 h. A lingua das árbores. Anxo Moure, O Carballo con Botas.
As árbores falan, contan historias cando o vento move as polas ou a chuvia cae nas follas. As árbores tamén teñen nome, mesmo algunha delas media ducia.O contacontos Carballo con Botas, fai unha proposta lúdico pedagóxica para achegar o mundo da escola ao falar de teixos, acivros, freixos, buxos, sobreiras… Aprender a “atrapar contos”, cociñar historias que alimentan a imaxinación, que nos dan raíces de bosque.
– De 16:00 a 18:00 h. O potencial da radio na aula, Carmen Novas, da Asociación Galega de Reporteiros Solidarios (Agareso).
As metodoloxías educomunicativas veñen revelándose eficaces non só para traballar contidos, entre eles os da formación en valores, senón tamén habilidades coma a expresión oral ou as competencias lingüísticas. Reflexionaremos sobre algunhas claves e exemplos da comunicación para o cambio social e remataremos poñendo en práctica a teoría cun miniobradoiro de cuñas radiofónicas.
– De 18:00 a 20:00 h. Aulas sen paredes: unha nova metodoloxía para o ensino e aprendizaxe de lingua, con Rosalía Fernández Rial, profesora e poeta.
Sesión teórico-práctica na que se expoñerán primeiro as coordenadas epistemolóxicas nas que nos situamos para a continuación desenvolver un obradoiro cunha dinámica concreta na que se empregará a expresión dramática e teatral como ferramenta pedagóxica para o ensino e aprendizaxe da oralidade e a expresión corporal nas áreas de linguas.
– 20:00 h. Clausura. Sigue lendo →

Izan o da saca, de Xabier Quiroga, faise co Premio San Clemente

Publicado o por

DesdeXabier Quiroga Cultura Galega:
“O xurado de estudantes de Secundaria formado por alumnos de once centros diferentes, seis deles de outros países, fallou o seu ditame. Pierre Lemaitre, por Irène; Sara Mesa, por Cicatriz; e Xabier Quiroga, escritor e docente en Lalín, por Izan o da saca (Edicións Xerais), resultaron es elixidos nesta XXIIª edición do premio que ten o patrocinio de Abanca. Os Premios San Clemente elíxense cun xurado netamente estudiantil no que participan nesta edición alumnos do Instituto Rosalia de Castro de Santiago, outros catro centros de Galicia e seis centros de Inglaterra, Francia, Alemania, Portugal, Estados Unidos e Rusia.”

3ª edición do Concurso de Fotos de Tatuaxes: Tattoos da Galiza

Publicado o por

“Despois de termos reunido perto de 500 fotos de tatuagens no nosso blogue, o Clube da Lingua-Equipo de Normalizaçom do IES Marco do Cambalhom de Vila de Cruzes convoca a terceira ediçom do concurso de fotografias de tattoos “Galiza, à flor da pel”
O nosso objetivo é visibilizar a nossa língua e a nossa identidade a formarem parte da cultura do tattoo, umha forma de expresom moderna, criativa e comunicativa.
O projeto “Tattoos da Galiza” conseguiu nestes anos pór em relaçom umha comunidade de persoas que estám a compartir e difundir os tattoos de tema galego. Umha comunidade que cresce dia a dia.
Desde o Clube da Língua estamos realmente mui agradecidos a toda a gente que está a participar na recolhida e posta em comum desta “tattooteca” pública e que visibiliza o grande potencial comunicativo, de desenho gráfico e expresivo das tatuagens de tema galego ou em língua galega. Se este projeto botou a andar e está a consolidar-se como referente no mundo dos tattoos é porque muita gente está a colaborar, em rede social, compartindo publicamente as tatuagens gravadas na sua pel.
Neste sentido, no Clube da Língua estamos a identificar um certo diálogo e retroalimentaçom entre o projeto “Tattoos da Galiza” e parte da sociedade, que recorre ao blogue para se informar, documentar e ter referéncias para se tatuar. E assi, por exemplo, identificamos várias tendéncias gráficas que se estám desenvolvendo com muita criatividade e riqueza, como pode ser o desenho de petróglifos, motivos que forom premiados nas duas ediçons anteriores do Concurso.
Este concurso nom tem como finalidade que a gente se tatue. Cada quem que faga com o seu corpo o que deseje, tendo sempre em conta as indicaçons sanitárias e o bem da saúde.
A nós o que nos interessa é conhecer, num processo de participaçom em rede social, as tatuagens que a gente leva tatuadas no seu corpo. Temos muita curiosidade!

BASES

Neste concurso há duas categorias:
1. Tatuagens com palavras: Envia-nos umha ou mais fotos dumha tatuagem com algumha palavra escrita em galego, em qualquer norma. A foto tem que ser original.
2. Galiza em imagens: Envia-nos umha ou mais fotos dumha tatuagem de temática galega, com iconografia ou simbologia made in Galiza.

Condiçons:
As tatuagens tenhem que ser permanentes.
O prémio recibira-o a persoa que se responsabilice do envio da foto, a autora ou autor da foto ou a persoa tatuada, segundo quem participe no concurso. Nom é necessário que a persoa tatuada se identifique, ainda que se o fai seria interessante.
Prémios: Haverá três prémios para os tres tattoos que mais nos gostem em cada categoria. Os prémios consistirám em livros e Cds.
Prazo: Do 27 de outubro até o 1 de maio de 2017.
As fotos enviarám-se ao correio electrónico clubedalingua@gmail.com ou ao facebook do Clube da Língua, (Clubeda Lingua) por mensagem privada, achegando os datos persoais (nome e apelidos, teléfono de contacto, etc) da persoa autora da(s) foto(s) e toda a informaçom adicional que se queira, contando a história da tatuagem.
Participa, forma parte, queremos facer algo grande entre muita gente: o album de fotos dos nossos tattoos!

Muitíssimas graças por compartir aventura.
Compas, participade!
Clube da Lingua / Equipo de Normalizaçom e Dinamizaçom da Língua do IES Marco do Cambalhom
Vila de Cruzes”

Votacións dos Premios Barbantia da Cultura 2016

Publicado o por

“Como Barbantiacada ano nestas datas, comunicamos que xa está aberto o prazo das votacións para que os socios e socias da Asociación Cultural Barbantia elixan os Premios Barbantia da Cultura 2016, que este ano se van celebrar no Concello de Porto do Son o sábado 3 de decembro.
Os candidatos, segundo a categoría aos PREMIOS BARBANTIA DA CULTURA 2016 son:

PREMIOS BARBANTIA 2016 Á TRAXECTORIA CULTURAL NO BARBANZA:
– Maxi Olariaga.
– Mª José Paz Franco – Maralla.
– Francisco A. Vidal.

PREMIOS BARBANTIA 2016 Á INICIATIVA CULTURAL NO BARBANZA:
– Museo do Mar de Noia.
– Leñaverde (Boiro).
– A. C. Terra de Outes.

PREMIOS BARBANTIA 2016 DA CULTURA GALEGA:
– Quico Cadaval.
– Manuel Romero.
– Blanca-Ana Roig Rechou.”

Toda a información aquí.

Margarita Ledo, premio Ramón Piñeiro, Facer País

Publicado o por

DesdeMargarita Ledo Sermos Galiza:
“O compromiso de Margarita Ledo “na súa actividade profesional como xornalista, escritora, docente e cineasta” valeulle á catedrática da USC o XV premio Ramón Piñeiro, Facer País, que tamén recoñece ter sido “partícipe fundamental no proceso de dignificación e renovación dos valores propios da cultura galega, con especial atención á presenza da lingua nos novos medios de comunicación”.
O xurado tamén salientou o compromiso de Margarita Ledo coa emigración e coa defensa dos valores da liberdade, así como a favor da dignificación das mulleres.
Margarita Ledo, que se atopa en Cabo Verde, onde ten lugar o congreso Lusocom, recollerá o premio na primeira quincena de novembro. En declaracións á Cadena Ser, admitiu que se sente identificada “con este facer país, que é máis urxente que nunca en Galiza”.”

Moción da A. C. Ergueitos ao pleno do Concello de Sarria

Publicado o por

“Desde a Agrupación Cultural Ergueitos tomamos a decisión de presentar unha moción ao pleno do Concello de Sárria para que as bases do premio de poesía Fiz Vergara Vilariño se manteñan tal e como son desde a primeira edición do ano 2000 no seu punto 7º:
7- “A obra premiada… será publicada pola editorial Espiral Maior”.
A nosa intención é acompañar a moción cunha relación das persoas que a apoien. Para iso enviamos copia dela e pedímosvos que nos enviedes un correo (ergueitos@gmail.com) co voso apoio.
Moitas grazas pola vosa axuda.

María Casar.
Presidenta da A. C. Ergueitos”

Este é o texto da moción: mocion-a-c-ergueitos-outubro-2016.

mocion-ergueitos-2016-1mocion-ergueitos-2016-2

Finalistas do Premio Mondoñedo 10, modalidade Narrativa, e composición do xurado

Publicado o por

“Apremio-mondonedo-10-2 Asociación “As San Lucas”, en colaboración co Colectivo Mondoñedo É … e o concello de Mondoñedo, creadores dos premios denominados “Mondoñedo10” comunican que, tras a pertinente deliberación do xurado, os títulos finalistas que optan neste ano 2016 ao Premio Mondoñedo10 na modalidade de Narrativa son:

– Begoña Caamaño, Morgana en Esmelle, Editorial Galaxia, col. Literaria, 2012, 220 pp. (ISBN: 978-84-9865-412-7).
– Víctor F. Freixanes, Cabalo de ouros, Editorial Galaxia, col. Literaria, 2010, 368 pp. ( ISBN: 978-84-9865-328-1).
– Agustín Fernández Paz, Non hai noite tan longa, Edicións Xerais de Galicia, col. Narrativa, 2011, 272 pp. (I.S.B.N.: 978-84-9914-252-4).
– María Reimóndez, O club da calceta, Edicións Xerais de Galicia, col. Narrativa, 2006, 272 pp. (ISBN 10: 84-9782-437-7).
– Manuel Rivas, Os libros arden mal, Vigo: Edicións Xerais de Galicia, col. Narrativa, 2006, 746 pp. (ISBN: 84-9782-461-X).
– Antón Riveiro Coello, Laura no deserto, Vigo: Editorial Galaxia, col. Literaria, 2011, 726 pp. (ISBN: 978-84-9865-395-3).

COMPOSICIÓN DO XURADO
Presidente:
Don Antonio Reigosa Carreiras, Cronista oficial de Mondoñedo.
Vocais:
Don Xosé Henrique Monteagudo Romero, en representación da Real Academia Galega.
Dona Dolores Vilavedra Fernández, en representación do Consello da Cultura Galega.
Don Cesáreo Sánchez Iglesias, en representación da Asociación de Escritores e Escritoras en Linuga Galega (AELG).
Don Luís González Tosar, en representación do Pen Clube Galicia.
Dona María Xesús Gómez, en representación da Asociación Galega de Editoras (AGE).
Dona Pilar Rodríguez Álvarez, en representación da Federación de Librarías de Galicia.
Don Armando Requeixo Cuba, en representación do Concello de Mondoñedo.
Secretario:
Don Fran Bouso. Designado pola organización.

A reunión decisoria do Xurado terá lugar o vindeiro domingo, 16 de outubro ás 12:00 horas.
A entrega do premio á obra que resulte gañadora terá lugar en acto público, salón de plenos da Casa do Concello de Mondoñedo, o mesmo domingo, 16 de outubro, a partir das 17:00 horas.
O premio, que se entregará ao/á autor/a da obra seleccionada, ou en caso de falecemento ou outra causa a un representante designado polos herdeiros ou titulares dos dereitos da obra premiada, consistirá na entrega dun diploma acreditativo e dunha obra artística orixinal de Caxigueiro.

Mondoñedo, 10 de outubro de 2016″

María Xosé Queizán leva o Premio da Cultura Galega de Letras

Publicado o por

DesdeMaría Xosé Queizán Cultura Galega:
“O xurado dos Premios da Cultura Galega, os galardóns cos que a Xunta de Galicia recoñece “a excelencia creativa, a capacidade de intercambio, a experimentación e a proxección da construción cultural de Galicia nos diferentes ámbitos”, daba a coñecer o seu ditame para este ano. No mesmo, recoñecen a María Xosé Queizán polo seu labor literario, mentres Miguel Fernández-Cid levou o premio das Artes Plásticas e Sarabela Teatro o de Artes Escénicas. Maximino Zumalave foi escollido no campo musical, mentres a cooperativa Numax obtivo o premio Audiovisual. O labor da Irmandade Xurídica Galega a prol da nosa lingua viuse tamén recoñecido co galardón neste campo, mentres o Museo de Pontevedra obtivo o premio na categoría de Patrimonio Cultural e Elena Zernova na de Proxección Exterior.
O xurado, presidido polo secretario xeral de Cultura, Anxo Lorenzo, estivo composto polo xerente do Consello da Cultura Galega, Marcelino Fernández Santiago, por delegación do seu presidente; a bibliotecaria-arquiveira da Real Academia Galega, Margarita Ledo, por delegación do seu presidente e mais o presidente da Real Academia Galega de Belas Artes Nosa Señora do Rosario, Manuel Quintana Martelo. O reitor da Universidade de Santiago de Compostela, Juan Viaño, delegou o voto na Consellería de Cultura e Educación. Canda a eles participaron na elección o editor Xosé Ballesteros, a música Susana Seivane, a directora teatral Fefa Noia, e o fotógrafo Manuel Vilariño, coa subdirectora xeral de Xestión e Coordinación Cultural, Cristina Fabeiro como secretaria. Os gañadores seleccionáronse entre un total de 40 candidaturas e recibirán como galardón unha escultura de Manolo Paz.”

Sorteo na rede (Facebook) arredor de Corazón e demais tripas, de Emma Pedreira

Publicado o por

Desde14344275_10155253347091562_1209837795598727299_n o perfil de Facebook de Emma Pedreira:
“Estou pensando que tras tantas semanas de comentarios, reseñas, parabéns e ilusións arredor de Corazón e demais tripas é xusto devolver unha parte desa alegría e ser agradecida. Así, en colaboración coa artista do papel Mon-Mery e Edicións Positivas, quero agradecer todo o cariño e o humor compartillado nestes meses de existencia do libro, cun sorteo! ATENCIÓN: desde hoxe e ata o 1 de outubro, poderedes partivipar subindo ao meu perfil ou á páxina de Edicións Positivas selfis ou fotos chulas co libro, algún comentario e, por suposto, visitar a fantástica páxina de Mon-Mery. O premio? Este mini àlbume artesàn e único, cunha pequeniña sorpresa inédita no seu interior. A que esperades? Moita sorte e moitas moitas grazas!!”