Desde o Zig-zag da Televisión de Galicia:
“Seguimos falando de María Victoria Moreno, e de como achegar a súa figura aos mais novos. Estamos xa con Ánxela Gracián, autora de Doce cartas a María Victoria. A entrevista pode verse aquí.”
Convocado o XIX Premio Miguel González Garcés de Poesía
Bases da convocatoria do XXX Premio Torrente Ballester de Narrativa en Lingua Galega
A Coruña: presentación do monográfico Renacer á descuberta das palabras. María Victoria Moreno
Vigo: Carlos Quiroga presenta Raízes de Pessoa na Galiza
Vigo: charla con Eli Ríos sobre María Victoria Moreno
O venres 4 de maio, ás 19:00 h., a escritora Eli Ríos estará no Centro Veciñal e Cultural de Valladares de Vigo para falar sobre María Victoria Moreno, autora homenaxeada no Día das Letras Galegas 2018.
Compostela: Filocafé con Eduard Velasco
O domingo 6 de maio, de 18:30 a 20:00 horas, na cafetaría do CGAC (Rúa Valle Inclán, 2), en Santiago de Compostela, terá lugar un novo Filocafé, coa presenza de Eduard Velasco. A entrada será libre e gratuíta. Os filocafés son conversas públicas enfocadas desde un punto de vista filosófico nas que poden participar todas as persoas interesadas en intercambiar inquietudes ou puntos de vista desde calquera área ou nivel de coñecemento.
Feira do Libro de Santiago: actividades destacadas do 5 e 6 de maio
O domingo 6 de maio finaliza a Feira do Libro de Santiago de Compostela (no Paseo Central da Alameda), organizada pola Federación de Librarías de Galicia, con horarios de 11:30 a 14:30 h. e de 17:30 a 21:30 h., cos seguintes actos literarios destacados dentro do seu programa para o sábado e domingo:
Sábado 5
– 13:00 h. Cata poética. Duelo de viños: Rioja e Ribeira Sacra por Agranola, con poemas de Ramón Blanco Fernández.
– 19:00 h. Ánxela Gracián e Antonio Seijas asinan exemplares de Doce cartas a María Victoria Moreno, publicado por Hércules de Edicións, na caseta da Libraría Pedreira.
– 19:00 h. José Luis Casteleiro, Miguel García Seoane e Carlos Sardiña asinan exemplares de Galicia inmaterial, Galicia máxica, na caseta da Libraría Ler A Pobra.
– 20:00 h. Presentación de Amor por catro, de Helena Villar Janeiro, publicado por Galaxia. No acto, xunto á autora, participa Francisco Castro.
Domingo 6
– 12:00 h. Obradoiro express de escrita creativa, con Andrea Barreira. A partir de 11 anos.
– 18:00 h. Actuación infantil Cantares das Letras, de Rosalía a María Victoria Moreno, de Luís Vallecillo.
– 19:30 h. Palabras Vivas con Poesía en feminino. 20 poemas, de Ana Romaní, Esther Carrodeguas, Fátima Núñez, María do Cebreiro e Marilar Aleixandre.