A I Gala do Libro Galego no Diario Cultural da Radio Galega
Desde
o Diario Cultural da Radio Galega:
“Reportaxe no Diario Cultural sobre a I Gala do Libro Galego, a cargo de Ana Romaní. Pode escoitarse aquí.”
Ora Galega inicia na Coruña unha xira polas cidades e vilas onde houbo unha Irmandade da Fala
“Hai
algo máis de un ano creouse un comité promotor ‘Ora Galega’ para impulsar unha declaración no Parlamento galego para que o ano 2016 fose declarado ANO DAS IRMANDADES. Logrado ese obxectivo ORA GALEGA comeza na Coruña unha xira por todas as cidades e vilas onde houbo unha Irmandade da Fala cun autobús que leva unha exposición que explica a historia e o pensamento das xentes das Irmandades. A primeira parada dese bus será na Coruña o vindeiro sábado 21 de maio. Varias asociacións da cidade estamos chamando ás persoas amigas para facer algunha actividade de lectura de textos para animar á xente a achegarse e coñecer o que alí se mostra.
O autobús estará no Obelisco de 10:00 a 22:00 h. As lecturas faranse pola tarde de 18:00 a 20:00 h. Poden ser de textos das Irmandades que ti coñezas ou podes achegarte e alí chos proporcionamos.
Se queres confirmarnos a túa presenza e indicarnos o que vas ler, por favor faino neste correo irmandadesdafala@gmail.com“
Entrevista a Ramón Nicolás sobre Manuel Lueiro Rey
Desde
o Diario Cultural da Radio Galega:
“”Lueiro quería deixar un testemuño vital a través da literatura do que viviu”. Ramón Nicolás é un dos organizadores da programación do Centenario Manuel Lueiro Rey. A entrevista pode escoitarse aquí.”
Compostela: sinatura de exemplares de As horas roubadas, de María Solar
O 
venres 20 de maio, a partir das 19:30 horas, no Corte Inglés de Santiago de Compostela, a escritora María Solar asinará exemplares do libro As horas roubadas, publicado por Xerais.
Publicado O desexo, libro colectivo
Desde
o Diario Cultural da Radio Galega:
“A Asociación Cultural Caldeirón publica o libro colectivo O desexo. A entrevista a Paco Souto pode escoitarse aquí.”
Diálogos Manuel María: Xosé Luís Méndez Ferrín
Desde 
o Diario Cultural da Radio Galega:
“Xosé Luís Méndez Ferrín participa nos Diálogos Manuel María. A entrevista pode escoitarse aquí.”
A Coruña: entrega do XIII Premio de Poesía Afundación a Miguel Anxo Fernán-Vello
O
venres 20 de maio, ás 19:30 horas, na Sede Afundación da Coruña (Cantón Grande, 8), entrégase o XIII Premio de poesía Afundación a Miguel Anxo Fernán-Vello, pola obra Duración da penumbra, presentada baixo o lema «Sombra do aire».
Confirmación de asistencia a través deste formulario de inscrición ou no teléfono 981 185 060. O premio, convocado polo Centro PEN de Galicia, conta co patrocinio de Afundación e a Xunta de Galicia.
Lugo: actos destacados na Feira do Libro para o venres 20
O
venres 20 de maio continúa a Feira do Libro de Lugo (na Praza Maior, con horario de 11:30 a 14:00 horas e de 17:30 a 21:00 h.), organizada pola Federación de Librarías de Galicia, cos seguintes actos literarios destacados para este día:
– 17:30 h. Presentación do libro A música das árbores, a cargo de Anxo Moure e Servando Barreiro, con actuación musical.
– 19:00 h. Presentación de A nosa terra é nosa! A xeira das Irmandades da Fala (1916-1931), de Emilio Xosé Ínsua, publicado por Baía Edicións. Xunto ao autor participan Francisco Legaspi e Belén López Vázquez.
– 20:00 h. Presentación de Que non te aten, de Manuel Iglesias Turnes, publicado por Xerais. No acto participa, xunto ao autor, Manuel Bragado.
– 21:00 h. Os outros feirantes, evento nocturno na Feira, onde participan Lois Pérez, Esther Carrodeguas, o mago David Méndez, e música de Zercalo.
A Coruña: conferencia “Unha outra mirada sobre a poesía de Manuel María, por Manuel López Foxo
O
xoves 19 de maio, ás 19:30 horas, na Biblioteca Pública Miguel González Garcés da Coruña, Manuel López Foxo, especialista na obra de Manuel María, impartirá a conferencia Unha outra mirada sobre a poesía de Manuel María. A entrada será libre para o público interesado.
