O 
sábado 30 de xuño, ás 20:30 horas, no Paraugas do Temple en Cambre, preséntase o libro Amigos e sodomitas. A configuración da homosexualidade na Idade Media, de Carlos Callón, publicado en Sotelo Blanco Edicións, dentro dos actos sobre o Orgullo GLBT organizados polo BNG e Galiza Nova desta localidade.
Arquivos da etiqueta: Carlos Callón
A Coruña e Vigo: presentacións de Amigos e sodomitas, de Carlos Callón
Santiago: presentación de Queer-emos un mundo novo, de Teresa Moure
O 
mércores 20 de xuño, ás 20:00 horas, na Libraría Pedreira (Rúa do Home Santo, 55) de Santiago de Compostela, preséntase Queer-emos un mundo novo, de Teresa Moure, publicado en Galaxia. No acto, xunto á autora, participan Víctor F. Freixanes, Valentín García Gómez, Amalia Baltar e Carlos Callón. Reportaxe posterior en Galaxia.
A Coruña: presentación de Como defenderes os teus dereitos lingüísticos, de Carlos Callón
A 
quinta feira 14 de xuño, ás 19:00 horas, no local da Asociación de Veciñas e Veciños Atochas-Monte Alto-Torre de Hércules (Campo de Marte, s/n) da Coruña, preséntase Como defenderes os teus dereitos lingüísticos, de Carlos Callón, publicado en Xerais. No acto, organizado pola Mesa pola Normalización Lingüística, intervirá o autor.
Carlos Callón: ”O galego é a única lingua que perde falantes”
Entrevista 
a Carlos Callón en El Progreso:
“Unha das teimas de Carlos Callón é defender o uso do galego en calquera ámbito social e vencer os prexuízos que levan a moita xente a non usalo por consideralo unha lingua de segunda.
– El Progreso: Que quixo abordar neste libro [Como defenderes os teus dereitos lingüísticos]?
– Carlos Callón: É un manual práctico, pódese dicir que de autoaxuda nalgún sentido, con consellos concretos sobre qué facer cando te atopas con problemas concretos para usar o galego, qué saídas podes ter. É un manual de cómo vivir en galego en Galicia, sen acabar con úlcera de estómago. Non só para poder usalo espontaneamente, senón cando vas á notaría, cando queres facer unha xestión no banco ou coa compañía telefónica; en tódolos ámbitos hai formas de poder garantir os nosos dereitos.”
Carlos Callón: “O futuro do galego está nas persoas que non o falan”
Entrevista 
a Carlos Callón en La Voz de Galicia:
“(…) – La Voz de Galicia: ¿De que trata o artigo co que gañou o premio de Carballo?
– Carlos Callón: Titúlase Fai teu o galego e plasma a idea de que calquera persoa que queira pode formar parte da comunidade lingüística galega e que mesmo o futuro do galego está nas persoas que aínda non o falan. Propoño unha serie de pequenos consellos sobre como pasar de ser galego calante a galego falante e como romper o prexuízo de pensar que alguén non é capaz de falar galego. É un convite, que todo o mundo saiba que o galego é de todos e que todos podemos falalo.”
Viveiro: presentación de Como defenderes os teus dereitos lingüísticos, de Carlos Callón
O venres 18 de maio, ás 20:30 horas, no Salón de Usos Múltiples da Casa do Concello de Viveiro, preséntase Como defenderes os teus dereitos lingüísticos, de Carlos Callón, publicado en Xerais. No acto, organizado pola Mesa pola Normalización Lingüística, intervirá o autor.
Vigo: recital-conferencia Itinerario poético pola defensa do idioma, por Carlos Callón
O 
mércores 16 de maio, ás 20:00 horas, na Biblioteca Central de Vigo, Carlos Callón pronunciará un recital-conferencia baixo o título Itinerario poético pola defensa do idioma, en que fará un percorrido pola historia contemporánea da lingua galega partindo de textos poéticos que a reivindican, desde os albores do Rexurdimento até os versos máis actuais das novas fornadas creativas.
Carballo: festival Vitaminas para o galego, con entrega do Premio a artigos xornalísticos normalizadores a Carlos Callón
O 
mércores 16 de maio, ás 21:00 horas, no Pazo da Cultura de Carballo, dentro da programación do Mes das Letras do Concello de Carballo, terá lugar o festival Vitaminas para o galego. A entrada é libre e gratuíta e o acto tamén serve de marco para entregar o Premio a artigos xornalísticos normalizadores, que recaeu en Carlos Callón por Fai o teu galego e que tamén supuxo un accésit para Alba Cid. A cita será presentada pola actriz, escritora e contacontos, Xograresa de Outono, Paula Carballeira; e contará coa actuación en acústico de Sés, grupo formado por María Xosé Silvar e o guitarrista Tito Calviño.
Pontevedra: conferencia de Carlos Callón sobre Valentín Paz Andrade
O 
martes 15 de maio, ás 19:30 horas, na Biblioteca Pública de Pontevedra (Rúa Alfonso XIII, 3), Carlos Callón pronunciará a conferencia Cicatrices de ferro nas palabras. A obra poética e o programa cultural de Valentín Paz-Andrade.
