O 30 de setembro, Día Internacional da Tradución, botou a andar o XIII Obradoiro de Tradución Poética en San Simón

Josefina Arruti: tras a pegada das que quedaron, Paseo escrito sobre Pontevedra, elaborado por Montse Fajardo

Aquí pode consultarse e descargar libremente o Paseo Josefina Arruti. Tras a pegada das que quedaron, escrito por Montse Fajardo, unha iniciativa da AELG desenvolvida coa colaboración e patrocinio do Concello de Pontevedra.

Onde as pedras teñen alma, Paseo escrito sobre Pontevedra, elaborado por Fina Casalderrey

Aquí pode consultarse e descargar libremente o Paseo Onde as pedras teñen alma, escrito por Fina Casalderrey, unha iniciativa da AELG desenvolvida coa colaboración e patrocinio do Concello de Pontevedra.

Pontevedra: III Jornada de Estudo Clara Corbelhe, o 5 de outubro

III Jornada de Estudo Clara Corbelhe

Pontevedra: Obradoiro de creación literaria Correspondencia, impartido por Míriam Ferradáns

O Obradoiro de creación literaria Correspondencia, impartido por Míriam Ferradáns, é unha iniciativa da Escola de Escritoræs da AELG, co patrocinio e colaboración do Concello de Pontevedra.

As cartas adoitan ser paisaxes íntimas, ensoñacións demoradas, lugares para un só destinatario, espazos en branco, ausencia de inmediatez, contrarréplica tardía e a posibilidade de explorar os límites permeables entre unha misiva e un poema.
Xogar con esa distancia. Aprender dela. Intentalo.

Actualmente está cuberto o número de prazas dispoñíbeis. Todas as solicitudes que cheguen a partir deste momento incluiranse nunha listaxe de reserva.
– A inscrición, gratuíta e obrigatoria, farase mediante correo electrónico en oficina@aelg.org indicando o nome, apelidos e o nome do obradoiro. As prazas asignaranse por orde cronolóxica de chegada das solicitudes.
– O obradoiro desenvolverase na Aula da Escola de Escritoras-es da AELG (Seminario 7), no Pazo da Cultura de Pontevedra (Rúa Alexandre Bóveda, s/n).

Calendario
– Días: sábados 7, 14 e 21 de setembro; 5 e 26 de outubro; e 2, 16 e 23 de novembro de 2024.
– Horarios: de 11:00 a 13:30 h.

Información sobre protección de datos
A/O responsábel do tratamento é a Asociación de Escritoras e Escritores en Lingua Galega. A finalidade do tratamento é a prestación do servizo que se detalla na solicitude ou actividade organizada. A base legal do tratamento é o cumprimento dunha obriga contractual na prestación dun servizo. Os seus datos conservaranse unicamente durante os prazos de prescrición legalmente aplicábeis. Pódense comunicar os seus datos a terceiras/os organizadoras/es ou colaboradoras/es da actividade. No caso de solicitar certificado de asistencia, os seus datos comunicaranse ao/á impartidor/a da actividade. Pode acceder, rectificar, suprimir os seus datos e nos casos determinados opoñerse ao tratamento, limitar o seu uso ou portar a outra/o responsábel. Tamén pode solicitar a tutela da Axencia Española de Protección de Datos ou presentar unha reclamación ante a mesma.

Pontevedra: Festa dos Libros 2024

Gálix e o Concello de Pontevedra renden homenaxe a Fina Casalderrey cunha exposición

“A Asociación Galega do Libro Infantil e Xuvenil foi a encargada de elaborar para o Concello de Pontevedra unha exposición sobre a escritora Fina Casalderrey, candidata ao premio Memorial Astrid Lindgren 2024 e ao premio Hans Christian Andersen 2024, coñecido este último como o “Nobel da Literatura Infantil”. A exposición, que se colocará na Praza da Ferraría, inaugurarase o vindeiro 18 de abril, nun acto que comezará ás 12 da mañá e no que estará presente a autora. Poderá visitarse ata o 18 de maio.
A mostra, escrita por María Lado e ilustrada por Nove Noel, leva por título Fina Casalderrey: medrando entre historias e está composta por 20 paneis que narran o seu percurso vital e literario. Son as propias palabras de Fina as que serven de fío condutor da exposición, ao destacar declaracións e anécdotas que ofreceu en diferentes ocasións e medios ao longo da súa carreira. Desta maneira retrátase unha autora referente da nosa literatura contemporánea que, xunto con outras compañeiras e compañeiros de xeración, asentou as bases da literatura infantil e xuvenil en galego. Tamén se presta atención ao seu traballo noutros xéneros e, especialmente, ao seu labor como mestra, oficio ao que dedicou 40 anos da súa vida e que ela mesma recoñece que estivo intimamente ligado aos seus inicios na escrita.
Dende Gálix agradecen a iniciativa do Concello de Pontevedra e consideran esta homenaxe un recoñecemento merecido que contribuirá a achegar á cidadanía a palabra e figura de Fina Casalderrey.”