O 
xoves 22 de decembro, ás 19:00 horas, na Fundación Luís Seoane (Rúa San Francisco) da Coruña, preséntase o libro-catálogo Lois Pereiro: Quen corta os fíos do soño?, onde se recollen os traballos que fixeron parte da exposición co mesmo nome. Participan: Manuel Rivas, Xosé Manuel Pereiro, Silvia Longueira e Antón Patiño.
Arquivos da etiqueta: Fundación Luís Seoane
Santiago: presentación de Formas da indefinición, de Ignacio Castro
O 
mércores 14 de decembro, ás 20:00 horas, na Sala de Conferencias da Fundación Araguaney (Rúa Montero Ríos, 25-47), preséntase o libro Formas da indefinición, de Ignacio Castro, publicado por Axóuxere, xunto á reedición de Roxe de Sebes, publicada pola Fundación Luís Seoane. No acto, acompañando ao autor, participan Rafa Xaneiro, Alberto Ruiz de Samaniego e Alberto Sucasas.
Debate, proxección audiovisual e novos libros sobre Lois Pereiro
O 
xoves 24 de novembro, ás 20:30 horas, no Restaurante Rúa (R/ San Pedro, 24) de Santiago de Compostela, terá lugar un evento, baixo o título Lembrando a Lois Pereiro, no que participarán Xosé Manuel Pereiro, O Leo, Iago Martínez e Daniel Salgado, moderados por Alberto Ramos. Antes da conversa, está previsto que se proxecte un fragmento da peza artística Corporal (je t’aime), proxecto baseado nunha idea de Antía Otero e Carlos Neira, a partir de poemas de Lois. Desde Cultura Galega.
Esta nova coincide coa saída de dous libros sobre o autor a quen este ano se lle dedicou o Día das Letras Galegas: Lois Pereiro. Dicionario de sombras, de Antón Patiño, editado en Espiral Maior, e o catálogo da exposición Quen corta os fíos do soño?, publicado pola Fundación Luís Seoane. Desde a páxina oficial de Lois Pereiro.
A Coruña: exposición Quen corta os fíos do soño? Lois Pereiro
Do
mércores 20 de xullo ao domingo 25 de setembro, na Fundación Luís Seoane (Rúa San Francisco, s/n.) da Coruña, con horario de martes a sábado de 11:00 a 14:00 h. e de 17:00 a 20:00 h., domingos de 11:00 a 14:00 h. (luns pechado), a exposición, comisariada por Antón Patiño, Quen corta os fíos do soño? Lois Pereiro repasa a intensidade da escritura do poeta monfortino, visualizando os seus poemas a través de recursos tipográficos, a iconografía xerada por Lois a través dos retratos fotográficos que lle fixeron moitos compañeiros de xeración, como Xosé Abad, Vari Caramés, Xurxo Lobato, Víctor Echave, Andrés Panaro e Manuel Vilariño. Tamén se contén un impactante retrato expresionista de Lois realizado por Reimundo Patiño e un debuxo do propio Antón Patiño. A mostra conta coa colaboración de Xosé Manuel Pereiro e a familia do poeta. O libro-catálogo da exposición incluirá textos de Manuel Rivas, Xosé Luís Méndez Ferrín, Xosé Manuel Pereiro, Alberto Ruíz de Samaniego e Antón Patiño. A inauguración terá lugar o mércores 20 de xullo ás 20:00 horas.
A Coruña: Homenaxe a Manuel Espiña Gamallo
O venres 11 de marzo, a partir das 20:00 h., na Fundación Luís Seoane (Rúa San Francisco, s/n.) da Coruña, terá lugar unha Homenaxe a Manuel Espiña Gamallo, na que intervirán: Celia Castro, Luz Pozo, Felipe Senén, Francisco Pillado, Manuel Rivas e Victorino Pérez Prieto, xunto ás actuacións musicais de Mini e Mero e Coral Polifónica Follas Novas. Está organizada pola Comunidade Home Novo.
Conferencia de Camilo Franco na Fundación Luis Seoane
Hoxe, día 12, a partir das 19:30 horas, o crítico Camilo Franco ofrecerá a conferencia “A escultura de 1939 a 1970” na Fundación Luis Seoane d’A Coruña.
“”Itinerario do trazo. Debuxo e ilustración de Luis Seoane”, na Fundación Luis Seoane
O próximo venres 23 de marzo, ás 20:00, terá lugar a inauguración da mostra “Itinerario do trazo. Debuxo e ilustración de Luis Seoane”. O proxecto é comisariado por Valeriano Bozal. (Fundación Luis Seoane)
Valeriano Bozal na Fundación Luis Seoane
O crítico de arte e profesor Valeriano Bozal (Madrid, 1940) ofrecerá o 22 de marzo unha lección maxistral dentro do curso de iniciación á arte contemporánea da Fundación Luis Seoane. Baixo o título “O crítico ¿é o artista?”, Valeriano Bozal reflexionará sobre a relevancia do discurso teórico na arte contemporánea a partir dos anos 60. (Fundación Luis Seoane)
