A 
poeta ceense María Lado ven de gañar o III Certame de Poesía María Mariño, convocado pola Asociación Cultural Teenses pola Igualdade. Pola súa banda, o moañés Xosé Daniel Costas Currás recibiu o segundo premio do mesmo concurso. O xurado, formado por Lino Braxe, Xavier Crespán, Helena de Carlos, María Teresa Filloy Chao e María Xosé Rodríguez, valorou a calidade dos traballos presentados ao certame. A entrega dos premios terá lugar o 27 de maio no transcurso dunha cea-festa. Vía Fervenzas Literarias.
Arquivos da etiqueta: María Lado
Santiago: presentación de Rúa da Cancela e posterior recital poético
O 
venres 29 de abril, ás 21:00 h., no Pub Dado Dadá (Rúa Alfredo Brañas, 19) de Santiago de Compostela, preséntase Rúa da Cancela, obra gañadora do Certame de Poesía Erótica Illas Sisargas, de Eli Ríos e Eduardo Estévez, publicada pola A. C. Caldeirón. No acto desenvolverase un recital no que participarán algúns dos autores e autoras gañadores de edicións anteriores (Alberte Momán, Lino Braxe, Emma Pedreira, María Lado).
Gondomar: nova edición de A hostia en verso, recital de poesía e música
O sábado 30 de abril, ás 22:00 h., na Casa da Lectura (Nogueira, 8, Donas) de Gondomar terá lugar unha nova edición do singular e itinerante enfrontamento de poetas A hostia en verso. Desta volta concorrerán aos comicios poéticos Ledicia Costas, Daniel Landesa, Xabier Xil Xardón, Lara do Ar, Elvira Riveiro, Eduardo Estévez e Miguel Valverde ou o que é o mesmo: Poetas corruptos versus Poetas mafiosos!. O acto é unha divertida velada na que ambos equipos se enfrontarán para gañar o favor do público e estará presentado polas poetas Lucía Aldao e María Lado, que xa sacaron da súa mente enferma un número sorpresa. Contará tamén coa intervención musical do dúo electrónico IgMig.
Santiago: Homenaxe a Xosé Neira Vilas
Ferrol: actividades da fin de semana na Feira do Libro
Dentro do programa da Feira do Libro de Ferrol (no Cantón de Molíns), primeira das Feiras do Libro deste ano en Galicia, destacan as seguintes actividades durante o fin de semana:
Sábado 9:
– 12:00 h. Auditorio da Fundación Caixa Galicia: Elas. Palabras que o vento non leva. Experiencias no mundo da palabra, coa participación de Lucía Aldao, Yolanda Castaño, Adela Figueroa e Aurora Marco.
– 13:00 h. Auditorio da Fundación Caixa Galicia: Actuación poético-musical de Lucía Aldao e María Lado.
– 19:45 h. Carpa Institucional da Feira. Presentación do libro Abrapalabra!, de Antón Cortizas e Carlos Coira, publicado en Galaxia.
Domingo 10:
– 13:00 h. Carpa Institucional da Feira. Presentación do libro Madeira de Mulher, de Adela Figueroa (escritora) e Mª Celsa Sánchez (ilustradora), publicado en Edicións do Castro. Presentan o acto Emilia Seoane e Suso Piñeiro.
– 19:15 h. Carpa Institucional da Feira. Monólogo cómico Cunqueiradas, por Cándido Pazó.
Vigo: primeira sesión do Cabaret poético Merendacea, no Verbum
O venres 
18 de marzo, ás 20:30 horas, terá lugar no museo Verbum–Casa das Palabras (Avenida de Samil, 17) de Vigo a primeira sesión do cabaret poético Merendacea, a nova proposta dos creadores dos recitais–combate A hostia en verso. Merendacea é un espectáculo colectivo estruturado en base a pequenos números que teñen como denominador común a lírica. É un recital, pero non só iso. Nace da necesidade de experimentación dun grupo de creadores que procuran novas maneiras de transmitir o feito poético ao público. Por iso en Merendacea hai versos, música electrónica, títeres que recitan a Lois Pereiro, unha subasta de obxectos poéticos, videocreación e, sobre todo, moito humor. E tal vez unha escasa dose de solemnidade, necesaria aínda non sabemos moi ben para que. Nesta primeira sesión porán os versos, e outras cousas, Ledicia Costas; Xabier Xil Xardón; Daniel Landesa e a pintora María Longa; David Rodríguez; Lara do Ar; Miguel Valverde; María Reimondez e o titiriteiro Borxa Ínsua. O indefinible dúo eléctrico IgMig encargarase da parte musical, a artista d’O sorriso Felino elaborou os incribles poemas-obxecto e as poetas María Lado e Lucía Aldao oficiarán de presentadoras desta singular noite. Merendacea é un proxecto producido integramente polo museo Verbum–Casa das Palabras de Vigo.
Vilaboa, Culleredo: Moita poesía pouca diversión, con Lucía Aldao e María Lado
O mércores 
16 de marzo ás 19:30 h., na Biblioteca “Uxio Novoneyra” de Vila Melania (Vilaboa, Culleredo), terá lugar o espectáculo poético-musical Moita poesía pouca diversión, coa actuación conxunta de Lucía Aldao e María Lado, un recital de poesía ameno, dotado de ritmo e comunicación aberta co espectador, no que este adquire ademais un papel activo; un espectáculo con música en directo, xogos, historias que rodean os poemas, momentos de reflexión…, pero sobre hai comunicación poética directa.
Vigo: recital de poesía e música Vigo en verso
O 
martes 1 de marzo, entre as 20:00 e as 21:30 horas, na Casa Galega da Cultura (Praza da Princesa) de Vigo, terá lugar o recital de poesía e música Vigo en verso. A cidade como factoría poética, presentado por Marta Dacosta, e coa presenza das poetas Ledicia Costas, Cruz Martínez e María Lado, acompañadas pola actuación musical de Maica Álvarez. O acto está organizado pola Asociación Cultural O Castro.
A Coruña: Moita poesía, pouca diversión, con Lucía Aldao e María Lado
O martes 
8 de febreiro, a partir das 19:30 h., na Biblioteca do Fórum Metropolitano (Rúa Río Monelos, 1) da Coruña, e con entrada libre até completar capacidade, ofrécese o espectáculo poético-musical de Lucía Aldao e María Lado Moita poesía, pouca diversión. Reportaxe posterior en Galicia Confidencial.
Pontevedra: nova edición de A hostia en verso
O 
venres 4 de febreiro ás 20:00 h., no Café Moderno (Praza de San Xosé, 3) de Pontevedra, terá lugar unha nova edición de A hostia en verso. Este combate lírico enfrentará os poetas do proletariado contra os poetas pequeno burgueses. Actuarán Ledicia Costas, Daniel Landesa, Xavier Xardón, David Rodríguez, Lara do Ar e Eduardo Estévez. O acto é unha divertida velada na que ambos equipos se enfrontarán para gañar o favor do público, e estará presentado polas poetas Lucía Aldao e María Lado, que xa sacaron da súa mente enferma un número sorpresa. Contará tamén coa intervención musical da banda Mr. Carácter. Como noutras edicións, o público asistente é máis ca un espectador silencioso e verase reconfortado coa posibilidade de votar el mesmo o equipo gañador ao longo dos tres asaltos que compoñen este singular combate!!!
