Ourense: Ciclo de Literatura Infantil e Xuvenil. O Teatro e as súas potencialidades na educación infantil, con Sabela Gago

Publicado o 7 Novembro 2017 por asociacionescritoras-es

A AELG colabora co Ciclo de Literatura Infantil e Xuvenil. O Teatro e as súas potencialidades na educación infantil ao abeiro do convenio coa Secretaría Xeral de Política Lingüística.

Na Sala multiusos Emilia Pardo Bazán do Edificio Facultades do Campus As Lagoas (Ourense). Todas as sesións comezan ás 18:00 h.

Entrada libre.

Inscrición (gratuíta) para recibir un diploma de asistencia (12 horas) en imocino@uvigo.es

Para alumnado de Ciencias da Educación, alumnado do Campus Universitario de Ourense, mestres/as en activo e público en xeral.

O Ciclo, coordinado por Isabel Mociño (Facultade de Ciencias de Educación, Campus de Ourense – Universidade de Vigo), conta coas seguintes conferencias:

7 de novembro | Sabela Gago | Literatura infantil e dramatización.

Obxectivos
• Dar a coñecer estratexias, recursos e ferramentas para achegar o teatro e a dramatización á infancia e adolescencia.
• Divulgar experiencias e producións de Literatura Infantil e Xuvenil galega da man das propias creadoras/es (autoras/es, ilustradoras/es), aspecto fundamental entre futuros docentes da Educación Infantil e Primaria.
• Reforzar as carencias dos currículos académicos en materias específicas para o traballo coa literatura dramática e a representación na etapa da Educación Infantil e Primaria.
• Desenvolver coloquios/conversas coas creadoras/es participantes (autoras/es textuais, da ilustración, escenógrafas/os, directoras/os…) para contrastar as liñas de creación das persoas participantes coa percepción que os usuarios/consumidores teñen da súa produción.
• Valorar as potencialidades do teatro e as súas múltiples dimensións na práctica docente e na formación da infancia.
• Tomar conciencia entre o alumnado, mediadores e público en xeral da importancia de coñecer a literatura para os máis novos, saber recomendar as obras de calidade e, sobre todo, aquelas que promovan valores en positivo, entre eles a literatura dramática.
• Visibilizar a produción e potencialidades da literatura dramática para a infancia e adolescencia, incidindo en criterios de selección coherentes e acordes ao coñecemento da evolución histórica destas producións.
• Valorar o papel dos docentes e a escola como dinamizadores, programadores e normalizadores culturais.

Taboleiro do libro galego (verán e outubro 2017)

Publicado o 7 Novembro 2017 por asociacionescritoras-es

Desde Cicloxénese Expresiva:
“Aquí vos traemos a listaxe de libros máis vendidos dende o verán. Podedes consultar as entradas anteriores no Caderno da Crítica e nesta propia páxina.

Para a elaboración deste taboleiro participaron as seguintes librarías: Trama, Cronopios, Andel do libro, Miranda, Paz, Lila de Lilith e Chan da Pólvora.

Narrativa

Os fillos do lume, de Pedro Feijoo. Editorial Xerais.
Luns, de Eli Ríos. Edicións Xerais.
Izan o da saca, de Xabier Quiroga. Edicións Xerais.
Manual básico de Hostalería, de Patricia A. Janeiro. Edicións Positivas.

Poesía

Antoloxía da poesía galega próxima, de María Xesús Nogueira. Chan da Pólvora editora e papeles mínimos ediciones.
Suicidas, de Francisco Cortegoso. Chan da Pólvora Editora.
Nomes de fume, de Míriam Ferradáns. Espiral Maior.
Moda galega, de María Reimóndez. Edicións Positivas.

Ensaio

Os nomes do terror. Galiza 1936: os verdugos que nunca existiron, de Xosé Álvarez, Judith Carbajo, Ana Cebreiros e Xosé Ramón Ermida. Sermos Galiza.
Unha ducia de galegos, de Víctor Freixanes. Editorial Galaxia.

Xuvenil

Os nenos da varíola, de María Solar. Editorial Galaxia.
Pippi Mediaslongas, traducido por David A. Álvarez. Kalandraka S.L.
22 segundos, de Eva Mejuto. Edicións Xerais.
Jules Verne e a vida secreta das mulleres planta, de Ledicia Costas. Edicións Xerais.

Infantil

A que sabe a lúa?, traducido por Carmen Barreiro. Kalandraka S.L.
De que cor é un bico?, de Raquel Bonilla. Algar Editorial.

Libro CD-DVD

Canta connosco!, de Migallas Teatro e Óscar Villán. Kalandraka S.L.
Mel, unha mosca agradecida, de Miguel Ángel Alonso e ilustracións de Luz Beloso. Nova Galicia Edicións.
Volta, revolta e reviravolta, de As Maimiñas. Editorial Galaxia.

Banda deseñada

Floreano. Alúganse borrachos para festas, de Gogue. Editorial Xerais.
Ardalén, de Miguelanxo Prado. El patito editorial.”

Lugo: entrega a Paco Martín do galardón Socio de Honra 2017 de Gálix

Publicado o 7 Novembro 2017 por asociacionescritoras-es

Reunida en Santiago de Compostela, a xunta directiva de GÁLIX decidiu por unanimidade nomear Socio de Honra 2017 o escritor Paco Martín.
A entrega do galardón terá lugar o vindeiro mércores, día 8 de novembro, ás 12:00 h. nun acto escolar aberto ao público no IES Ánxel Fole (Lugo) [Rúa Angelo Colocci, s/n.].
O escritor Xabier P. DoCampo realizará a laudatio. Despois o alumnado do centro poderá presentaralle ao homenaxeado diferentes traballos relacionados coa súa obra. Logo da resposta do homenaxeado á laudatio, o presidente de GÁLIX fará entrega da escultura, deseño de Noemí López, que acredita o nomeamento.”

Lugo: presentación de Chafarís, nova obra de Xoán Neira

Publicado o 3 Novembro 2017 por asociacionescritoras-es

O venres 3 de novembro, ás 19:00 horas, na Libraría Trama de Lugo (Avenida da Coruña, 21), Xoán Neira presenta Chafarís, álbum ilustrado infantil, publicado por Embora. No acto participan, xunto ao autor, Xosé Miranda e Miguel Toval. Pecharano nenas e nenos coa lectura de varios poemas.

Lugo: presentación de Chafarís, de Xoán Neira

Publicado o 2 Novembro 2017 por asociacionescritoras-es

Ourense: Ciclo de Literatura Infantil e Xuvenil. O Teatro e as súas potencialidades na educación infantil, con Manuel Núñez Singala

Publicado o 31 Outubro 2017 por asociacionescritoras-es

A AELG colabora co Ciclo de Literatura Infantil e Xuvenil. O Teatro e as súas potencialidades na educación infantil ao abeiro do convenio coa Secretaría Xeral de Política Lingüística.

Na Sala multiusos Emilia Pardo Bazán do Edificio Facultades do Campus As Lagoas (Ourense). Todas as sesións comezan ás 18:00 h.

Entrada libre.

Inscrición (gratuíta) para recibir un diploma de asistencia (12 horas) en imocino@uvigo.es

Para alumnado de Ciencias da Educación, alumnado do Campus Universitario de Ourense, mestres/as en activo e público en xeral.

O Ciclo, coordinado por Isabel Mociño (Facultade de Ciencias de Educación, Campus de Ourense – Universidade de Vigo), conta coas seguintes conferencias:

31 de outubro | Manuel Núñez Singala | Normalización da lingua, identidade e literatura.

María Reimóndez traduce ao galego Os tres mosqueteiros

Publicado o 31 Outubro 2017 por asociacionescritoras-es

Desde o Zig-zag da Televisión de Galicia:
“Neste programa falaremos de grandes obras da literatura universal que xa podemos ler en galego. A primeira é un clásico das novelas de espadas: Os Tres Mosqueteiros, con traducion e adaptación a cargo de María Reimóndez. Pode verse aquí.”

Adeus ao escritor chairego Xosé Manuel Carballo Ferreiro

Publicado o 31 Outubro 2017 por asociacionescritoras-es

Desde As crebas, blog de Miro Villar:
“Finou o 28 de outubro o escritor chairego Xosé Manuel Carballo Ferreiro (San Martiño de Goberno, Castro de Rei, 1944 – 2017), tamén coñecido como activista cultural e sacerdote na Terra Chá, e, malia non termos trato persoal, interesounos a súa obra que revisitamos para a antoloxía Pico Sacro, ferido polo lóstrego e a lenda (Escolma de textos literarios éditos e inéditos na literatura galega contemporánea), Alvarellos Editora 2017, coordinada por min propio e por Xosé Manuel Lobato, escritor e presidente da A. C. Mestre Manuel Gacio de Boqueixón, entidade que promoveu a súa publicación. (…)”