Arquivo da categoría: Obradoiros

A Coruña: actividades literarias no Achegarte 2011

Publicado o por

Xa se fixo público programa de actividades do Achegarte 2011, que se desenvolverá no Palexco da Coruña con estes horarios:
Sábado 2 de abril: de 11:30 h. a 14:30 h., e de 16:30 h. a 22:00 h.
Domingo 3 de abril: de 11:30 h. a 14:30 h., e de 16:30 h. a 21:00 h.

Como xa sinalamos, a AELG terá unha presenza propia. O sábado e o domingo, de 17:00 a 21:00 h., diversos autores lerán a súa obra no stand da AELG, dentro da actividade Lecturas compartidas. Deixamos aquí as actividades literarias previstas, así como a programación completa: Programa Achegarte 2011.

– Obradoiros. Para os obradoiros o público pódese apuntar no Achegarte ou garantir a súa praza inscribíndose previamente nas Bibliotecas Municipais da Coruña:

* Sábado 2:
* 12:00 h. Obradoiro de escrita creativa e reciclaxe de camisetas.
* 13:00 h. Concurso Tinta de Lura: canto sabes de literatura?. (Agasallo de camisetas e libros aos gañadores).

* Domingo 3:
* 11:30 h. Creación de personaxes de banda deseñada. Kiko Dasilva.
* 12:30 h. Obradoiro de animación á lectura. Reverso.

– Presentacións:
* Sábado 2:
* 12:00 h. Entrega do premio Meiga Moira. Baía Edicións.
* 12:30 h. Presentación de Normal. Luís Caparrós, vicerrector da UDC.
* 13:00 h. Noente Paradise. Ugia Pedreira.
* 13:45 h. Presentación das novidades editoriais de Demo Editorial. Manel Cráneo.
* 17:00 h. 25 aniversario de O misterio das badaladas de Xabier P. DoCampo. Conversa de Óscar Sánchez e Manuel Bragado co autor e co ilustrador (Xosé Cobas), Xerais.
* 17:30 h. Animación Abrapalabra!, con Antón Cortizas e o mago Carlos Coira. Galaxia.
* 18:00 h. Presentación do Boletín da Real Academia Galega Xosé María Álvarez Blázquez, con Xosé Luís Méndez Ferrín e Xosé Luís Axeitos.
* 18:30 h. Ricardo Carvalho Calero: a ciencia ao servizo da nación, con Pilar García Negro. Laiovento.
* 19:30 h. Presentación de Meubook.
* 21:00 h. Colección de ensaio Supertextos. 2.0 Editora.

* Domingo 3:
* 11:30 h. Páxinas de Carricanta. Ana Mª Fernández. Ilustrador D.N.L.
* 14:00 h. Lectura dramatizada de collage, de Esther f. carrodeguas. Edicións Barbantesa. Con Raquel Nogueira como Alicia e a colaboración especial de Antonio Mourelos como Alberto.
* 17:00 h. Planeta Mincha. Manel Cráneo.
* 17:30 h. Divírtete co paxaro Rodribico. Baía Edicións.
* 18:00 h. Presentación do programa E-ducando. AS-PG
* 18:30 h. Conclusións do foro sobre o estado da cultura. Tati Mancebo.
* 19:00 h. Antoloxías Poéticas Sonoras. Xosé María Álvarez Cáccamo e Chus Pato. Edicións do Cumio.
* 19:30 h. Impresións dunha viaxe por Galicia en 1935, Federica Montseny. Trifolium. No acto participan Eliseo Fernández, Enrique Sánchez e Xan Arias.
* 20:30 h. Presentación de Señardade da luz: a obra poética de Manuel María, de Miguel Mato.

– Audiovisuais:
* Sábado 2:
* 18:00 h. Curtas de animación de OQO Editora: Corre corre, cabaciña; A princesa do Caurel; A bruxa regañadentes; Os sete cabritos e Un gato na árbore.
* 19:30 h. Entrega de premios e proxeccións Curtas para Rosalía. AS-PG.
* Domingo 3:
* 12:30 h. Proxección de Contra a morte. Documental sobre Lois Pereiro. IBCinema.
* 17:30 h. Pase promocional da película A casa da Luz (esta última no Teatro Rosalía [con convite]).
* 20:15 h. Presentación do guión de O divino ferrete. Reverso.

– Cara a cara. Dous creadores e un xornalista conversan sobre os seus últimos traballos, sobre o proceso e o contexto da creación, os públicos, os medios, …
* Domingo 3: Alberto Ramos fala con Manuel Rivas e Mercedes Peón; Iolanda Casal fala con Uxía e Xurxo Souto.

– Espazos vertebrados. Experiencias e actividades de asociacións e colectivos culturais, organizados e/ou vertebrados nos últimos tempos. Na Sala de Conferencias:
* Sábado 2:
* 16:30 h. Fundación Manuel María.
* 19:30 h. Presentación do selo Pulp Books. Rinoceronte.
* 20:00 h. Presentación da nova colección “Alcaián“. Urco Editora.
* 20:30 h. Casa de Manuel Antonio en Rianxo. Xosé Luís Axeitos e Grupo Revisión.

* Domingo 3:
* 20:00 h. Presentación do programa E-ducando. AS-PG.

– Mesas de debate. Na Sala de Conferencias:
* Sábado 2:
* De 12:30 a 14:00 h. Situación do teatro infantil en Galiza.
* Domingo 3:
* De 12:30 a 14:00 h. A escrita de guión audiovisual en Galiza.

– Teatro.:

* Sábado 2:
* 12:30 h. Recital de poesía satírica galego portuguesa, por Celso Parada, do Teatro do Morcego.

– Encontros sectoriais. No Kiosko Alfonso:
* Sábado 2:
* De 11:30 a 14:00 h. Asociación Galega de Profesionais da Xestión Cultural. Xestión e xestores culturais en Galiza.
* Domingo 3:
* De 11:30 a 14:00 h. Federación de Asociacións Galiza Cultura. Encontro Nacional de Asociacións Culturais.

– Chat ao vivo. Sala de audiovisuais:
* Domingo 3:
* De 19:15 a 20:00 h. Lino Braxe.

A Coruña: obradoiro Percorrer o ollo da arte, por Antía Otero

Publicado o por

Os martes desde o 15 de marzo, de 19:00 a 21:00 h., en Normal (Paseo de Ronda, 47) da Coruña, terá lugar o obradoiro Percorrer o ollo da arte, que camiña polos diferentes estamentos que a ollada debe transitar para coñecer, descubrir e valorar o feito e a creación artística contemporánea a través da multidisciplinariedade. Está impartido por Antía Otero, licenciada en Historia da Arte, creadora, actriz, escritora e docente na Escola de Teatro e Danza Espazo Aberto. Iníciase o martes 15 de marzo ás 19:00 h., cun total de 30 horas e un máximo de 20 persoas. Están solicitados 2 créditos de libre elección á Universidade da Coruña. A inscrición é de 55 euros para o público xeral e 35 euros para os membros da Universidade da Coruña (neste caso a segunda matrícula é de 30 euros). A matrícula farase na oficina da Área de Cultura da Coruña. Casa do Lagar s/n. planta baixa. Campus de Elviña. O teléfono de información é o 981-167000, nas extensións 1975, 1954, e 1962. Prazo de matrícula até o luns 14 de marzo.

Culleredo: III edición do Obradoiro de poesía dirixido por Miguel Anxo Fernán-Vello

Publicado o por

O III Obradoiro de Poesía de Culleredo será impartido, un ano máis, por Miguel Anxo Fernán-Vello, e organizado pola Concellaría de Cultura do Concello de Culleredo e a Biblioteca de Poesía Uxío Novoneyra de Vila Melania (Vilaboa, Culleredo). O obradoiro constará de seis sesións, os luns 28 de marzo; 4, 11, 18 e 25 de abril; e o 2 de maio, cun total de 12 horas. Está dirixido a persoas maiores de 16 anos cun total de 30 prazas. A matrícula, que custa 20 euros, pódese formalizar na Concellería de Cultura (Edificio de Servizos Múltiples, (Ramón Cabanillas, 14, 15670, O Burgo), tlf. 981-665597, correo electrónico: servizosmultiples@gmail.com). Como en edicións anteriores, unha vez rematado procederase á edición dun caderno-libro que conterá unha selección dos mellores poemas escritos polos participantes en Espiral Maior (Poemas de amor e cidade no 2009, e Mazás vermellas en 2010).

Obradoiro de Escritura de Microcontos online, por Xosé Manuel Eyré, en Redelibros

Publicado o por

A rede social galega do libro Redelibros organiza, en colaboración con Xosé Manuel Eyré, crítico literario e especialista en Literatura Mínima, o primeiro Obradoiro de Escritura de Microcontos online, dirixido ás usuarias e usuarios de Redelibros que queiran profundar nas técnicas específicas de redacción desta orixinal modalidade literaria. O obradoiro é, por suposto, aberto e gratuíto, pero só conta con vinte prazas, que serán adxudicadas en rigorosa orde de inscrición. Máis información aquí.

Pontevedra: 12ª edición do Salón do Libro Infantil e Xuvenil

Publicado o por

A 12ª edición do Salón do libro Infantil e Xuvenil de Pontevedra abre as súas portas o domingo 6 de febreiro baixo o título É mentira, con múltiples actividades: obradoiros, teatro, maxia, conferencias, contacontos, circo…, etc., e que terán lugar até o sábado 19 de marzo. Adxuntamos o programa completo: Programa Salon do Libro Infantil e Xuvenil febreiro 2011.

Vilaboa, Culleredo: presentación do libro Mazás vermellas

Publicado o por

O mércores 26 de xaneiro, ás 20:00 h., na Biblioteca de Poesía “Uxío Novoneyra” de Vila Melania (Vilaboa, Culleredo), preséntase o libro Mazás vermellas, editado por Espiral Maior e a Concellaría de Cultura de Culleredo, froito do II Taller de Poesía dirixido en 2010 por Miguel Anxo Fernán-Vello. No acto, que contará coa participación de Celestino Poza e o director do Taller, haberá un recital dos poemas recollidos na publicación, acompañado do Dúo de Guitarra e Voz do Conservatorio de Música de Culleredo.

Fene: Obradoiro literario coordinado por Eduardo Estévez

Publicado o por

O 15 de outubro comeza a 10ª edición do obradoiro literario de Fene, na Biblioteca Municipal, coordinado por Eduardo Estévez. Todos os venres de 17:30 a 19:30 ábrese un espazo para a creación, o debate e o intercambio arredor da literatura. Durante o curso haberá visitas de escritores, actividades públicas e, ao final, unha publicación cos textos das persoas participantes. Nesta primeira parte do curso está prevista a visita de Yolanda Castaño e Xavier Alcalá. A final de ano, farase unha pequena publicación na que se recollen colaboracións dos participantes do obradoiro como unha mostra do traballo desenvolvido.  Do obradoiro literario de Fene saíron xa, nestes anos, até catro libros individuais (dous xa publicados, dous no prelo) e diversos premios tanto de narrativa canto de poesía. A matriculación realizarase do venres 1 ao xoves 7 de outubro nas dependencias administrativas do Pavillón A Xunqueira (os días 1, 4 e 5 de outubro poderán anotarse as persoas residentes en Fene e o 6 e 7 de outubro, a poboación en xeral). O horario de atención ao público será de 9:00h a 13:30 h. (todos os días) e de 16:00 a 19:00 h. (o mércores 6 de outubro). Máis información aquí.

Santiago: Obradoiro literario impartido por Francisco Castro

Publicado o por

No Centro Social Caixanova de Santiago de Compostela, e impartido por Francisco Castro, o luns 4 de outubro, comeza un obradoiro literario que continuará os días 18 e 25 de outubro; 8, 15, 22 e 29 de novembro e 13 de decembro, en horario de 18:00 a 20.00 horas. Partindo da pregunta ¿Gústache escribir? plantéxase este curso co obxectivo de ofrecer unha actividade centrada no desenvolvemento da creatividade, a experimentación literaria e o pracer de escribir. Desde o primeiro día, todos os asistentes terán a ocasión de escribir textos propios utilizando as distintas técnicas que se irán poñendo en práctica nas clases, creando unha dinámica na que os participantes e, sobre todo, os seus escritos, serán os verdadeiros protagonistas. O taller, que dispón de 15 plazas, estará dividido en oito sesións cos siguientes temas: Obradoiro de escrita creativa; A práctica do relato breve; A arte da novela; Crear personaxes; Obradoiro de poesía; Técnicas básicas de narración literaria; A corrección do estilo e Algunhas reflexións sobre o mundo editorial. Cada participante recibirá un informe arredor dos seus logros con recomendacións referentes a como continuar a súa aprendizaxe literaria unha vez terminado o curso. O prezo da matrícula é de 80 euros. Os interesados en asistir a esta actividade poderán facer efectiva a inscripción a través da páxina web www.caixanova.es e na taquilla telefónica 902 504 500.

Santiago: participación de autores galegos no IBBY nas xornadas do sábado 11 e domingo 12 de setembro

Publicado o por

Dentro das actividades para o sábado 11 de setembro no 32º Congreso do IBBY que se celebra No Pazo de Congresos de Santiago, esta é a participación de autores galegos:
– 14:00 – 15:30 h. Sala Santiago: Mesa redonda sobre Minorías lingüísticas, presentada por Mingzhou Zhang (China) e coordinada por Elizabeth d’Angelo Serra (Brasil), coa participación de Fina Casalderrey, Miriam G. Möllers (Alemaña) e Jant van der Weg-Laverman (Holanda).

Para o domingo 12, derradeiro día deste Congreso, esta é a participación galega:
– 09:30 – 10:45 h. Sala Santiago: Conferencia plenaria de Manuel Rivas: A literatura infantil e xuvenil dende (como) insurxencia poética, coa presentación de Asun Agiriano.
– 11:15 – 12:30 h. Sala Santiago: Obradoiro Developing Literary Understanding across International Lines. A Readers Theatre Performance in Five Acts, impartido por Elizabeth Poe (Estados Unidos). Participan: David Almond (Reino Unido), Marcos S. Calveiro, Ana Maria Machado (Brasil) e María Reimóndez.
– 11:15 – 12:30 h. Sala Obradoiro: Panel de editores, coordinado por Víctor F. Freixanes, coa participación de Jacqueline Kergueno (Francia), Catherine Mitchell (Canadá), Akoss Ofori (Ghana) e Dolores Prades (Brasil).
– 14:00 – 15:30 h. Sesións de comunicacións na Sala 12 coa temática: Promoción lectora – Internet, presentada por Blanca-Ana Roig, con autores de diversas procedencias.