Arquivo da categoría: Palestras
Muxía: acto de entrega do II Premio de Poesía Gonzalo López Abente
Os días condenados. Fragmentos para un devocionario, de Laureano Xoaquín Araújo Cardalda, gañador do 2º Premio Gonzalo López Abente
“A
Fundación Gonzalo López Abente, comunica que onte, día 11 de xullo do 2014, reuniuse o xurado do IIº Premio de Poesía Gonzalo López Abente, premio que se convoca en colaboración coa Xunta de Galicia a través da Secretaria Xeral de Cultura.
O xurado estivo composto polos poetas María Canosa, María Lado e X. H. Rivadulla Corcón, e por Viki Rivadulla como secretaria do mesmo, e decidiron declarar por unanimidade gañador ao orixinal titulado Os días condenados. Fragmentos para un devocionario, que resultou ser da autoría de Laureano Xoaquín Araújo Cardalda.
Na acta do fallo o xurado salienta a estrutura e forma do libro, un contido fresco e versos con moito simbolismo. Destaca así mesmo o ritmo da composición e que o libro ten un fío condutor consistente, e iso facilita a lectura.
O premio será entregado o día 19 de Xullo dentro nun acto que se abrirá coa actuación do grupo de Pandereteiras Abaladeiras de Muxía, a continuación impartirá unha conferencia o escritor e patrón da Fundación, Xosé Luís Méndez Ferrín, sobre a obra de Gonzalo López Abente, que será presentado por X. H. Rivadulla Corcón, Vicepresidente da Fundación. Continuará coa entrega do premio na que participaran Anxo Lorenzo, Secretario Xeral de Cultura da Xunta de Galicia, Félix Porto, Alcalde de Muxía e Presidente da Fundación, Manuel Bragado, director de Edicións Xerais de Galicia, e María Canosa e María Lado en representación do xurado. E pecharase o acto coa actuación da Coral Polifónica Virxe da Barca de Muxía.
O premiado Laureano Xoaquín Araújo Cardalda, recibira como premio a cantidade de 2000 € e unha escultura da artista Viki Rivadulla, secretaria de Fundación. O libro será editado por Edicións Xerais de Galicia.
Laureano Xoaquín Araujo Cardalda (Berna – Suíza 1964) é profesor de Alemán de ensino secundario en Santiago de Compostela. Tradutor, tendo traducido ao galego entre outras obras A morte en Venecia de Thomas Mann e Opinións dun pallaso de Heinrich Böll. É doutor en ciencia política e licenciado en dereito pola Universidade de Santiago de Compostela. E ten publicado e ditado conferencias sobre ensino, sociolingüística e tradutoloxía. Os días condenados. Fragmentos para un devocionario, será o seu primeiro libro de poemas editado.
Madrid: conferencia de Armando Requeixo sobre Xosé María Díaz Castro
O
sábado 5 de xullo, ás 12:00 horas, na Casa de Galicia de Madrid (Casado del Alisal, 8), Armando Requeixo pronunciará unha conferencia organizada pola Federación de Sociedades Galegas en Madrid (FAGAMA) sobre Xosé María Díaz Castro. No acto estará acompañado por Xosé Ramón Ónega. Tras a conferencia haberá unha actuación musical de Uxía Senlle e Sérgio Tannus.
Mondoñedo: VII Xornadas do Peregrino Abrindo Camiño, do 4 ao 6 de xullo
Ribeira: presentación de Nimbos e conferencia de Armando Requeixo
O
martes 24 de xuño, ás 20:30 horas, no Centro Lustres Rivas (Rúa Lustres Rivas, 20) de Ribeira, preséntase Nimbos, de Xosé María Díaz Castro, publicado por Galaxia, nun acto onde Armando Requeixo falará sobre o autor chairego, acompañado por Arturo Ponte.
Vídeo do encontro Camiños de ida e volta / Joan-etorriko bideak na Universidade de Deusto
Encontros Soberania(s): corpo, hábitos e territórios, dirixidos por Teresa Moure
PROGRAMA
15 de julho: Soberania sobre o corpo
– 10:30 h. As femem e as práticas discursivas para deconstruírmos o género. Teresa Moure, prof. titular de linguística da USC e escritora.
– 12:30 h. As novas identidades de género: soberania sobre o próprio corpo. Elvira de Burgos, prof. titular de filosofia da Univ. de Zaragoza. / Beatriz Suárez Briones, prof titular de teoria da literatura da Univ. de Vigo.
– 16:00 h. Corpos, géneros e sexualidades. A pergunta pela liberdade e pela dissidência. Laura Bugalho, ativista trans- feminista e sindicalista.
– 18:30 h. A soberania sobre o corpo. Para onde caminha o feminismo na Galiza? Laura Bugalho, supra. / Rocío Fraga, socióloga e ativista feminista em Non me pises o freghao. / Paula Ríos, linguista e ativista feminista em Mulheres Nacionalistas Galegas.
16 de julho: Soberania nacional e soberania ortográfica
– 10:00 h. O conceito de nação aqui e agora: Soberania nacional e história da Galiza. Carlos Morais, historiador, Secretário geral de Primeira Linha.
– 12:00 h. Galiza pela soberania. Que significa soberania nacional na época da globalização? Uxío-Breogán Diéguez, prof. de História na UDC e integrante da GpS. / Joam Péres, portavoz de Causa Galiza e integrante da GpS. / Ana Viqueira, jornalista e integrante da coordenadora nacional da GpS.
– 16:00 h. Escribir/escrever en/em galego: o que implica mudar a norma? Carlos Quiroga, prof. titular de filologia portuguesa na USC e escritor.
– 18:30 h. Estratégias de domínio-submissão no caso galego: O combate entre normas ortográficas e a sua incidência na soberania nacional. Celso Álvarez Cáccamo, prof. titular de linguística na UDC e escritor. / Valentim Rodrigues Fagim, professor de portugués, editor e vice-presidente da AGAL. / Isabel Rei Samartim, professora de música no conservatório de Compostela e ativista reintegracionista.
17 de julho: Soberania sobre os hábitos.
– 10:00 h. Decrescentismo para viver melhor. Pensamentos alternativos na economia e na sociedade. Carlos Taibo, prof. titular de ciências políticas da UAM e escritor.
– 12:00 h. Soberania alimentar. Feminismo e decrescentismo, um projeto comum? Carlos Taibo, supra. / Isabel Vilalba, filóloga, secretaria geral do Sindicato Labrego Galego / Modera: Teresa Moure, supra.
– 16:00 h. Projeção e debate do documentário: Stop! Rodando el cambio, um projeto de ação mundial.
– 18:30 h. Economia feminista: na procura da soberania dos tempos e dos cuidados. Eva Aguayo, prof. contratada doutora de economia e coord. da Oficina de Igualdade e Género da USC.
18 de julho: Soberanias.
– 10:00 h. As conclusões à luz: O repto das soberanias duma perspetiva anti-globalizadora. Teresa Moure, supra.
– 11:30 h. Apresentação de comunicações.
– 16:00 h. Clausura e reparto de diplomas.
Xosé Estévez: “Xosé María Díaz Castro: poeta da lus, con querencias vascas”
Desde
Galego en Euskal Herria:
“Como xa vos anunciamos no seu día, o Centro de Estudos Galegos da UPV/EHU celebrou as Letras Galegas cun completo programa de actividades entre as cales salientaba a palestra impartida por Xosé Estévez, sen dúbida un dos máximos referentes da cultura galega en Euskal Herria desde hai xa varias décadas. Baixo o título Xosé María Díaz Castro: poeta da lus, con querencias vascas, o historiador quirogués (asentado desde hai anos en Oiartzun) abordou a vida e a obra do poeta homenaxeado pola Real Academia Galega neste ano 2014, mais concedéndolle unha especial atención aos vínculos (familiares, mais non só) que unían fondamente a Díaz Castro coa terra e coa cultura vascas. Desde logo, Xosé Estévez é unha das persoas máis capacitadas para falar destes aspectos, e de aí que sexa para nós un auténtico honor poder publicar neste blogue o texto íntegro (con algunhas mínimas correccións lingüísticas) da súa intervención na Faculdade de Letras de Vitoria-Gasteiz. Un texto extenso e detallado, cunha minuciosidade e un respecto polas fontes que fala ben ás claras da calidade de Xosé Estévez como historiador. Un texto, en definitivo, moi recomendábel, e que esperamos que vos resulte de proveito. (…)
O texto completo pódese ver aquí.”
A Coruña: conferencia de Pilar García Negro sobre Xosé María Díaz Castro
O
martes 10 de xuño, ás 20:00 horas, no salón de actos da A. C. Alexandre Bóveda (Rúa Olmos, 16-18, 1º) da Coruña, terá lugar unha conferencia de Pilar García Negro arredor de Xosé María Díaz Castro, que será presentada por Xosé Manuel Sánchez Rei, presidente da asociación.
