Desde a Asociación Lisístrata:
“Pola presente convócase o Premio de Oratoria Filomena Dato 2025, nacido o ano 2019 para a participación do alumnado dos diferentes ciclos de Ensino e para centros públicos ou privados de Galicia e do exterior, coa intención de promover a expresividade e a expresión –poética, narrativa e discurso– do Idioma Galego e o Feminismo, ademais de render homenaxe á “poeta das Mariñas”, un dos escasos referentes da literatura feminina e feminista do S. XIX e a segunda escritora, despois de Rosalía, que publicaría un libro en galego nese século.
A inscrición farase no correo electrónico filomena.dato.muruais@gmail.com e deberá estar entregada a gravación, sempre mellor -de planos- en corpo enteiro, correspondente ao tema indicado, cunha duración máxima de 5 minutos, así como o traballo por escrito e a ficha do anexo, debidamente cuberta, que se pode descargar aquí mesmo.
O tema deste ano será: “Mansplaining”, no verán de 2020 convidamos á Real Academia Galega a que inclúa este termo no seu diccionario, e aproveitamos a ocasión para reiterar a petición. Como novidade e a partir deste ano engádese “Tenzón” (para tentar recuperar esta composición) xunto con poesía, narrativa e oratoria, podendo cada persoa participar nunha ou nas dúas opcións da súa categoría correspondente.
O prazo de inscrición é ata o 24 de febreiro. A entrega de premios terá lugar en Arteixo e farase coincidir co Dia Internacional da Muller, 8M ás 12:00 h. no lugar que se comunicará oportunamente.”
Arquivo da categoría: Premios e concursos (outros)
A Editorial Galaxia celebra 75 anos de compromiso coa cultura galega cun amplo programa de actividades
IES San Clemente: Concurso de poesía escurecida: Castelao, 75 anos de legado
Toda a información aquí.
María Pilar García Negro, A Banda da Loba e Manuel Gago, entre os galardoados na cuarta edición dos Premios Alfredo Iglesias
Desde Nós Diario:
“O Hotel Congreso de Teo (comarca de Compostela) acollerá o vindeiro día 16 de xaneiro a entrega da cuarta edición dos Premios Alfredo Iglesias, que recoñecen o labor cultural e o compromiso social. Estes galardóns, que impulsa o teense Álex Regueiro en lembranza do creador ourensán Alfredo Iglesias, buscan afondar “nas traxectorias persoais e na relación que teñen co país as súas gañadoras e gañadores, salientando o valor da cultura e a súa promoción”, así como “o compromiso social”.
Seguindo estas premisas, nesta edición figuran gañadoras como María Pilar García Negro, na Escrita; A Banda da Loba, en Música; Manuel Gago, en Acción Patrimonial; ou Avelino González, como Comunicador.
Na sección de Moda, a gañadora foi Dolores Couceiro; Adegas Vía Romana foi a seleccionada na modalidade de Gastronomía; mentres que os Premios Mil Primaveras foron seleccionados como iniciativa en Promoción da Lingua.
Olalla Diéguez Boo gañou nesta cuarta edición o Premio Alfredo Iglesias de Ilustración; a Asociación Cultural A Mámoa, o de Acción Cultural; José Pereira Uzal, o de Ciencia; Ana Romero Masiá, o de Artes; Solidariedade Galega co Pobo Saharauí, o de Acción Solidaria; Aspamite, o de Acción Social; Oli Xiráldez, o de Artesanía; Quintana Martelo, o de Traxectoria; e Moncho Díaz, integrante de Fuxan os Ventos, o Premio á Memoria.
A Artista Revelación desta edición dos Alfredo Iglesias é Hydn, e os Personaxes do Ano son nesta ocasión Víctor Manuel Oujo e Ángel Currás. (…)”
Muros: XVIII Gala dos Premios Barbantia da Cultura 2024
A Coruña: entrega de premios do XIV Certame de Curtas da AS-PG
O xurado do XIV Certame de Curtas da AS-PG, convocado pola Asociación Socio-Pedagóxica Galega (AS-PG) en colaboración co Concello da Coruña coa finalidade de explorar e divulgar a Literatura Galega a través do cinema, formado por:
Lucía Catoira Pan, Directora de Fotografía
Manuel González, guionista, ensaísta e investigador cinematográfico
Martin Pawley, produtor, programador, crítico de cine e divulgador cinematográfico.
Acordou por unanimidade declarar finalistas da XIV edición do Certame a:
– 1. Categoría Mellor Curta da XIV edición
Orzán, de Omar Rabuñal Varela
Sen ti, de Feyrouz Serhal
– 2. Categoría Centros de Ensino da XIV edición
A luz traza o camiño, do IES Ramón Cabanillas de Cambados
Ara Princesa de Corazón, do CRA Raíña Aragonta de Salceda de Caselas
Eu fixen ouigha co espírito de Castelao, do CPI PL. de Vedra
A entrega de premios terá lugar o martes 10 de decembro ás 18:00 h na Filmoteca de Galicia, Rúa Durán Loriga 10 – A Coruña.
A Coruña: 27 Memorial Ibán Toxeiro
A Coruña: “As Portas que Abril Abriu”, coloquio, exposición e concurso de reescrita poética, organizadas pola Facultade de Filoloxía da UDC
Estudantes da UDC organizam ciclo de eventos sobre o cinquentenário da Revolução dos Cravos.
Ao longo das próximas semanas irá decorrer na Faculdade de Filologia da Universidade da Corunha o ciclo de eventos As portas que abril abriu, ligado ao 50 aniversário da Revolução dos Cravos em Portugal, acontecida o 25 de abril de 1974. Inclui as seguintes atividades:
– Colóquio sobre os 50 anos da Revolução dos Cravos. 13 de novembro, às 13:00, na Sala de Graus. Moderado por María Bugallo Carro e José Varela Barreiro. Participam Carlos Paulo Martínez Pereiro (Catedrático de Filologias Galega e Portuguesa), que viveu na Universidade de Coimbra os tempos posteriores ao 25 de abril, e Carla Varela Pena, estudante que conheceu em primeira pessoa as comemorações deste cinquentenário na cidade de Lisboa.
– Exposição de livros sobre o 25 de abril na Biblioteca da faculdade, de 18 a 30 de novembro. Será inaugurada no dia 18, a partir das 13:00, com uma visita guiada. Haverá uma segunda visita no dia 22, às 11:30.
– Concurso de reescrita poética. Através da conta de instagram @poesia.udc será organizado um concurso que toma como base um conjunto de poemas ligados à Revolução dos Cravos.
Todas as atividades foram organizadas pelo alunado da matéria Poesia em Língua Galega e Portuguesa, com colaboração da Biblioteca da Faculdade de Filologia e apoio na divulgação da iniciativa Culturarmos. A assistência e participação estão abertas a todas as pessoas interessadas.
***
Estudantes da UDC organizan ciclo de eventos sobre o cincuentenario da Revolução dos Cravos en Portugal.
Ao longo das próximas semanas terá lugar na Facultade de Filoloxía da Universidade da Coruña o ciclo de eventos As portas que abril abriu, ligado ao 50 aniversario da Revolução dos Cravos en Portugal, acontecida o 25 de abril de 1974:
– Coloquio sobre os 50 anos da Revolução dos Cravos. 13 de novembro, ás 13:00, no Salón de Graos. Moderado por María Bugallo Carro e José Varela Barreiro. Participan Carlos Paulo Martínez Pereiro (Catedrático de Filoloxías Galega e Portuguesa), que viviu na Universidade de Coimbra os tempos posteriores ao 25 de abril, e Carla Varela Pena, estudante que coñeceu en primeira persoa as conmemoracións deste cincuentenario na cidade de Lisboa.
– Exposición de libros sobre o 25 de abril na Biblioteca da Facultade de Filoloxía, de 18 a 30 de novembro. Será inagurada o día 18, a partir das 13:00, cunha visita guiada. Haberá unha segunda visita o dia 22, ás 11:30.
– Concurso de reescrita poética. A través da conta de instagram @poesia.udc será organizado un concurso que toma como base un conxunto de poemas relacionados coa Revolução dos Cravos.
Todas as atividades foron organizadas polo alumnado da materia Poesia en Lingua Galega e Portugesa, coa colaboración da Biblioteca da Facultade de Filoloxía e o apoio na divulgación da iniciativa Culturarmos. A asistencia e a participación están abertas a todas as persoas interesadas.
Láncara: XXII Premio Ramón Piñeiro. Facer País a Yolanda Díaz Gallego
Ninguén tira fotos nos enterros, de Carlota Mosquera, é a proposta premiada no VII Festival Pezas dun Teatro do Porvir 2024: Galiza + Portugal
O 27 de outubro de 2024, o xurado do VII Festival Pezas dun Teatro do Porvir 2024: Galiza + Portugal, dentro da IX Xornada da Sección de Literatura Dramática, formado por Afonso Becerra Arrojo, en representación da AELG; Xosé Paulo Rodríguez, director do Teatro Rosalía Castro da Coruña e Membro da Xunta Directiva de La Red do Estado español; Célia Maria Guido Mendes, en representación do Camões–Centro Cultural Portugués en Vigo; e Roberto Pascual, dramaturgo, docente e investigador; despois de deliberar tras ter presenciado as propostas achegadas e recibir as votacións dos grupos participantes, decidiu que a peza premiada coa posibilidade da súa estrea nalgún dos espazos teatrais da cidade da Coruña ao longo de 2025-2026 sexa:
– NINGUÉN TIRA FOTOS NOS ENTERROS, de Carlota Mosquera.
