O 
domingo 3 de outubro, ás 17:30 h., no Centro Sociocultural das Fontiñas, en Santiago de Compostela, preséntase Pel con pel, que recolle case corenta fotos presentadas ao II Concurso sobre Lactancia Materna que organizou Fedegalma e a Editorial Galaxia, acompañadas por textos literarios. No acto participan Dores Tembrás, Marta Dacosta, Begoña Caamaño, Ledicia Costas, Francisco Castro, Eduardo Estévez e Alfredo Ferreiro, autores de parte dos textos publicados neste libro, no que tamén escribiron Xosé María Álvarez Cáccamo, Román Raña, e Yolanda Castaño.
Arquivo da categoría: Presentacións de libros
Santiago: presentación de To the Winds Our Sails e recital de poetas de Galicia e Irlanda
O
venres 1 de outubro de 2010 ás 19:00 h., na Libraría Couceiro (Praza de Cervantes) de Santiago de Compostela, preséntase o libro To the Winds Our Sails, antoloxía de poetas galegas feita por autoras irlandesas, editado por Mary O’Donnell e Manuela Palacios en Salmon Books. No acto desenvolverase un recital de poesía presentado por Olivia Rodríguez, no que participarán: Luz Pozo Garza, Mary O’Donnell, Ana Romaní, Maurice Harmon, Chus Pato, Lorna Shaughnessy, Marilar Aleixandre, Xiana Arias, Luz Pichel, María Lado e María do Cebreiro. Colaboran a AELG (Asociación de Escritores en Lingua Galega), o Ministerio de Educación e Ciencia (Proxecto Us and Them (FFI2009-08475/FILO)) e o Grupo de investigación Discourse and Identity (GI 1924).
Marín: presentación de En castellano no hay problema, de Carlos Callón
Boiro: presentación de Un longo e tortuoso camiño, de Xosé Ramón Quintana Garrido
O 
venres 1 de outubro, ás 20:30 h., preséntase na Galería Sargadelos de Boiro o libro de Xosé Ramón Quintana Garrido Un longo e tortuoso camiño, nun acto organizado pola Asociación Cultural Barbantia, no que participarán, xunto co autor, Xan Hermida, Dores Torrado, Jesús Lojo Alcalde, director da Galería Sargadelos no Barbanza e Alberto Piñeiro, coordinador de Barbantia.
Santiago: presentación de Onde houbo lume, de Marica Campo
O 
xoves 30 de setembro ás 20:00 h. preséntase na Libraría Couceiro de Santiago (na Praza de Cervantes) Onde houbo lume, de Marica Campo, publicado por Biblos, unha novela con once historias en feminino.
Santiago: presentación de Represalia e desagravio dun médico lucense republicano, de José Luis Díaz
O 
xoves 30 de setembro, ás 19:00 h., preséntase no Represalia e desagravio dun médico lucense republicano, de José Luis Díaz, publicado en Edicións do Castro, nun evento organizado polo Proxecto Interuniversitario Nomes e Voces. O acto, presentado e moderado polo Catedrático de Historia Lourenzo Fernández Prieto, Investigador Principal do Proxecto, contará coa presenza do autor, que estará acompañado pola profesora María Jesús Souto Blanco, coordinadora do Proxecto Nomes e Voces, xunto a Isaac Díaz
Pardo e Xosé Ramón Fandiño.
Pontevedra: presentación de Repensar o mal, de Andrés Torres Queiruga
O 
xoves 30 de setembro, ás 20:00 h., no Café Moderno (Fundación Caixa Galicia, Praza de San Xosé, 3) de Pontevedra, Andrés Torres Queiruga presenta o seu último ensaio Repensar o mal. Da poneroloxía á teodicea, publicado en Galaxia.
Lugo: presentación da revista oral O Pazo das Musas
O 
xoves 30 de setembro, a partir das 20:00 h., preséntase no Refectorio do Museo Provincial de Lugo outra edición da revista oral de periodicidade trimestral, editada polo Museo Provincial (Rede Museística da Deputación de Lugo), O Pazo das Musas. O sumario está formado por:
– Música: Arranxo musical sobre Chove en Santiago (Federico García Lorca) para a obra de teatro Km. 526 de Paloma Lugilde. Intérpretes: Carlos Díaz, Xabi Díaz e Paloma Lugilde (3’).
– O cruceiro do adro da igrexa de Trobo, Begonte (Lugo), por Fernando Arribas Arias (5’).
– Música: Meu Amor (Poema-correspondencia entre os pais de Luz Pozo Garza na guerra civil). Arranxo musical para a obra de teatro “Km 526” de Paloma Lugilde. Intérpretes: Carlos Díaz, Xabi Díaz e Paloma Lugilde (3’).
– Lectura: Fume (texto e imaxes), por Antón Fortes (5’).
– Presentación e proxección da curtametraxe Leo de Fernando Cortizo (15’), por María Hernanz, directora de arte de Artefacto Producciones.
– Música: Nanas de la Cebolla (Poema de Miguel Hernández). Música e interpretación: Carlos Díaz (3’).
– Lectura: Caderno de Animalista (texto e imaxes), por Antón Fortes (5’).
– Presentación do proxecto: Queres que cho conte?, por Paloma Lugilde (5’).
– Lectura: O rato do souto e o rato da casa (Proxecto: Queres que cho conte?). Voces: Paula Buján, Paloma Lugilde, Carlos Díaz e Sabela M. Eiriz. Ilustracións: Sabela M. Eiriz e Mar Eiriz. Música: Carlos Díaz. Comentario sobre os contos: Antonio Reigosa (10’).
– Música: Nana dos avós. Música e interpretación: Carlos Díaz (3’).
– Lectura: O piollo e a pulga (Proxecto: Queres que cho conte?). Voces: Paula Buján, Paloma Lugilde, Carlos Díaz e Sabela M. Eiriz. Ilustracións: Sabela M. Eiriz e Mar Eiriz. Música: Carlos Díaz. Comentario sobre os contos: Antonio Reigosa (10’).
– Música: Xulieta na auga. Música de Carlos Díaz para a obra de teatro O Público de Paloma Lugilde. Intérprete: Carlos Díaz (3’).
– Poesía: Espiñas (Lectura de poemas de Figuras masculinas de meio-corpo, Sexto Fetiche e Espiñas), por Antón Fortes (5’).
– Opinión: Intervención do público. Entrega de diplomas aos amigos/as da revista (3’).
– Epílogo, por Aurelia Balseiro, directora do MPL (3’).
– Contraportada musical: Durme neniña (Xosé María Álvarez Blázquez). Música e interpretación: Carlos Díaz (3’).
Lugo: paseo-presentación de Lu e Go pola muralla, de Antonio Reigosa
O luns 
27 de setembro, ás 18:00 horas, na Porta Miñá de Lugo, terá lugar un paseo-presentación do libro Lu e Go pola muralla, de Antonio Reigosa, editado por Alfaguara-Obradoiro. Xunto coa editora e o autor varios dos personaxes de carne e óso desta novela farán un breve percorrido polo adarve da Muralla entre a Porta Miñá e a Porta de Santiago.
Ourense: presentación de Represalia e desagravio dun médico lucense republicano, de José Luis Díaz
O venres 24 de setembro, ás 20:15, preséntase na Liceo de Ourense o libro Represalia e desagravio dun médico lucense republicano, de José Luis Díaz Gómez, publicado en Edicións do Castro. Participan no acto, ademais do propio autor, Pedro Trillo (presidente do Colexio de Médicos de Ourense) e David Simón (médico e investigador da historia social da medicina ourensá).
