O 
venres 4 de marzo, ás 20:00 h., na sala de exposicións do Centro Cultural da Deputación de Ourense (Rúa do Progreso, 30), preséntase o libro O lecer das augas. Historia dos balnearios en Galicia. 1700-1936, publicado en Galaxia. No acto participan Benigno Amor, Víctor F. Freixanes e Luís Alonso Álvarez.
Arquivo da categoría: Presentacións de libros
Vigo: sinatura de libros de Manuel Rivas, e tradución ao inglés e francés de Todo é silencio
O 
xoves 3 de marzo, a partir das 18:00 h., na Casa do Libro (Rúa Velázquez Moreno, 27) de Vigo, o escritor Manuel Rivas asinará exemplares de Todo é silencio e de todos os seus libros. Por outra banda, anúnciase a tradución da súa última obra ao inglés e francés.
Elena Veiga presenta en Betanzos Morto en fucsia
(Xornal)
Santiago: presentación de Labirinto da memoria, de Euloxio R. Ruibal
O 
mércores 2 de marzo, a partir das 20:00 h., na Libraría Couceiro (Praza de Cervantes) de Santiago de Compostela, preséntase o libro Labirinto da memoria, de Euloxio R. Ruibal, publicado en Toxosoutos. No acto participan, co autor, Xosé Luís Méndez Ferrín e David González Couso. Recollido en Galicia Hoxe.
Santiago: presentación do poemario Doce de Mon G. Buhigas
O 
mércores 2 de marzo, a partir das 20:00 h., na editorial Follas Novas (Rúa de Santo Domingo da Calzada, 1, entrechán) de Santiago de Compostela, preséntase o poemario Doce, de Mon G. Buhigas, publicado por Follas Novas Edicións. No acto intervirán Armando Requeixo, Luis Alonso Girgado, a ilustradora Inés Casas Maroto e o propio autor, tendo lugar a lectura dunha pequena selección de poemas do libro.
Ponteareas: presentación de Pel con pel
O 
martes 1 de marzo, ás 17:30 h., no Centro Expositivo de Ponteareas, preséntase o libro Pel con pel, publicado por Galaxia. No acto participan Ledicia Costas, Marta Dacosta e Francisco Castro.
Vigo: presentación de En defensa do poleiro
O 
xoves 24 de febreiro, ás 19:30 h., na Casa do Libro (Rúa Velázquez Moreno, 27) de Vigo, preséntase o libro En defensa do Poleiro, publicado por Toxosoutos, libro colectivo, iniciativa da Plataforma en defensa do uso público e educativo do mosteiro de Celanova, que contou coa colaboración da Asociación de Escritores en Lingua Galega e no que participaron máis de 60 escritores galegos. Intervirán: Alfonso Eiré, Anxo Angueira, Manuel Vidal Villaverde, Manuel Vilanova, Rafael Laso, Ramón Nicolás, Xesús Alonso Montero, Xosé María Álvarez Cáccamo e Xoán Carlos Domínguez Alberte (coordinador).
Noia: presentación de Cabalo de ouros, de Víctor F. Freixanes
O 
venres 25 de febreiro, ás 20:30 h., na Casa da Cultura “Avilés de Taramancos” de Noia, preséntase o libro Cabalo de ouros, de Víctor F. Freixanes, publicado en Galaxia. No acto, organizado pola Asociación Cultural Barbantia, participan, acompañando ao autor, Antón Riveiro Coello, Xerardo AgraFoxo, Encarna Pego, Isabel Santos, e o alcalde de Noia, Rafael G. Guerrero.
A Coruña: presentación de Rúa da Cancela, de Eli Ríos e Eduardo Estévez, e posterior recital poético
O xoves 
24 de febreiro, a partir das 20:00 h., na Galería Sargadelos (Rúa Real, 56) da Coruña, preséntase o libro Rúa da Cancela, de Eli Ríos e Eduardo Estévez, obra gañadora do IV Premio de poesía erótica Illas Sisargas, e publicada pola A. C. Caldeirón. Posteriormente, terá lugar un recital de poemas dos/das autores/as gañadores/as dos consecutivos premios de poesía erótica Illas Sisargas, coa participación de Eli Ríos, Alberte Momán, Lino Braxe, Emma Pedreira, Paco Souto e Paco de Tano.
Ferrol: presentación de Lidia Senra Rodríguez. A historia dun liderado entrañable, de Tareixa Ledo, tras o acto de lectura de textos de Rosalía
O 
xoves 24 de febreiro, ás 19:00 h., na Galería Sargadelos (Rúa Rubalcava, 30-32, esquina Rúa María) de Ferrol, terá lugar o acto de Lectura simultánea da textos rosalianos organizado pola Asociación de Escritoras e Escritores en Lingua Galega, presentado por Rosa Méndez e no que lerán un poema de Rosalía: Elia Rico Lagarón, Xosé Leira e Rosa Martínez Dios.
Ás 20:00 h., preséntase o libro de Tareixa Ledo Regal, Lidia Senra Rodríguez. A Historia dun liderado entrañable, publicado en Laiovento. No acto acompañará a autora Teresa Martínez, da Asociación Cultural Fuco Buxán.
