A Coruña: Leo Arremecághona no ciclo ESCRITA(S)

Publicado o por

Pan!, pam!!, punk!!!

O punk non é un estilo. Non é unha música, unha roupa, uns textos. O punk é unha actitude e a última das vangardas do século XX, herdeira de dadá e os situacionistas, como escribe Greil Marcus. O punk transfórmase e rebenta en moito máis de sete estralos. Dálle a volta á tortilla da arte subida ao trono, para as elites. A arte é un tesouro que nos foi roubado. Non é dedicarlle a vida á arte, senón que a arte nos faga libres. A poesía non é de quen a escribe, senón de quen a goza. O punk rock repártelle kalashnikovs ao pobo en forma de guitarras eléctricas. A Internet é o último chanzo da revolución punk, que comezou cando Duchamp lle deu a volta a un mexadoiro e lle chamou Fonte.

Na Galería Sargadelos A Coruña (Rúa Real, 56) ás 20:00.

XVI Edición “O/A Escritor/a na súa Terra”: Marilar Aleixandre

Publicado o por

O sábado 5 de xuño a Asociación de Escritores en Lingua Galega celebra a XVI Edición “O/A Escritor/a na súa Terra”, recaendo este ano na figura de Marilar Aleixandre, que será homenaxeada en Santiago de Compostela. Os actos comenzarán ás 11:45h no Parque Avda. de Barcelona, onde se plantará a árbore escollida pola escritora e se descubrirá un monólito conmemorativo.

– Ás 13:00h, no Salón Nobre do Pazo de Raxoi, terá lugar o acto de entrega da “Letra E“.

– Ás 14:30h, xantar de confraternidade no Hotel-Restaurante “Palacio del Carmen” (Rúa Oblatas s/n).

O Consello Directivo da AELG

A Universidade da Coruña convida a unha lectura pública

Publicado o por

A Universidade da Coruña convida a comunidade universitaria -estudantado, persoal de administración e servizos e persoal docente e investigador, así como persoas alleas á comunidade universitaria-, a participar de modo activo nunha lectura pública que terá lugar o vindeiro 18 de maio, no Paraninfo da Reitoría, en horario de mañá (de 12:00 a 14:00 horas) e de tarde (de 17:00 a 20:00 horas), e que estará aberta a toda a cidadanía. Para participaren no acto, todas as persoas interesadas deberán enviar ao enderezo electrónico indicado abaixo propostas de textos coas seguintes condicións:

1. O texto para a lectura estará escrito en lingua galega, con independencia de que sexa traducido
doutra lingua. O Servizo de Normalización Lingüística poderá corrixilo, se for preciso.
2. Non existen para o texto outras limitacións temáticas, estilísticas ou de autoría que as obvias
para un acto deste carácter.
3. A duración da súa lectura non poderá exceder dos cinco minutos.
4. A propia persoa propoñente será quen o lea.

Con carácter excepcional, e sempre que xustifiquen o interese e a súa conexión co sentido da convocatoria, poderanse aceptar como alternativa aos textos outras intervencións, como execucións musicais, danza, mimo etc. Nestes casos rexerá a limitación de tempo de dez minutos por intervención. O enderezo para a recepción de propostas é vocesnasletras(arroba)udc.es e a data límite será o luns 10 de maio.

Servizo de Normalización Lingüística da Universidade da Coruña

Pasamento do ilustrador Perfecto Estévez

Publicado o por

A Asociación de Escritores en Lingua Galega mostra o seu inmenso pesar polo pasamento de Perfecto Estévez, deseñador referencial do noso país, e que ten colaborado coa AELG en tempos difíciles.

Recital poético: Capela do Tanatorio, hoxe 6 de maio, á unha da tarde

Cremación: Hoxe, 6 de maio, á unha e media da tarde

Tanatorio Servisa – Coruña, sala núm. 3, fronte ao Complexo Hospitalario Universitario da Coruña. (entrada ao aparcamento pola estrada do Hospital de Oza).

Agrupaçom Cultural O Facho: “O galego, o nosso existir”

Publicado o por

«Ante a necessidade de respostas à política etnocida de Feijóo e o seu desgoverno contra a nossa Língua., O Facho chama aos bons e generosos a fazer valer os seus direitos cidadás frente às agressons contra a Língua Galega que está a levar a cabo o P.P. e a actual Junta de Galiza participando na manifestaçom convocada para o 17 de Maio ás 12 horas desde a Alameda de Compostela.

A Agrupaçom Cultural O Facho manifesta

O nosso posicionamento de jeito beligerante e irrenunciável na defesa da Língua Galega que constitui um elemento básico de identidade cultural e representa um valor fundamental de coesom.

As políticas lingüísticas levadas a cabo pola Junta do P.P. supom um passo adiante na política de repressom, empobrecimento e marginalizaçom que Feijóo e os seus “mariachis” estám a realizar contra a Língua e a Cultura dos galegos e galegas desde a Junta de Galiza.

O Estatuto de Autonomia de Galiza, no seu artigo 5, define o galego como Língua própria de Galiza, declara que os idiomas galego e castelám som oficiais em Galiza e que todos tenhem o direito de conhece-los e usa-los. Assim mesmo, estabelece que os poderes públicos da Galiza potenciarám o emprego do galego em todos os planos da vida pública, cultural e informativa, e aportarám a dotaçom dos recursos necessários para facilitar o seu conhecimento. Certamente, todas as políticas culturais e lingüísticas estám a violentar o próprio Estatuto de Autonomia.

Demandamos

Que cesse a perseguiçom da Língua e Cultura Galega por parte da actual Junta do P.P.

A aboliçom do sistema legal que subordina o galego ao castelám, a aboliçom do supremacismo castelám que procura a desapariçom do galego e exigimos a
implementaçom de autênticas políticas de normalizaçom lingüística ao serviço da nossa sociedade.

Na cidade d’A Corunha, mês de Maio 2010» (Agrupaçom Cultural O Facho)

Compostela: presentación de Xeografía real e mítica das augas de Galicia, de Gonzalo Xosé de Francisco da Rocha

Publicado o por

Baía Edicións presenta o libro Xeografía real e mítica das augas de Galicia, de Gonzalo Xosé de Francisco da Rocha. O acto terá lugar o sábado 8 de maio, ás 20:00 horas, na carpa da Feira do Libro (Paseo da Ferradura) no que intervirán, ademais do autor, Manuel López Torrente (Profesor de Ciencias Sociais e Comunicación de Vigo e xornalista da CRTVG) e Patricia Gómez Uzal (Coordinadora editorial de Baía Edicións)”.

Xosé Vázquez Pintor terá unha rúa en Cangas

Publicado o por

«DISTINCIÓN AO ESCRITOR XOSÉ VAZQUEZ PINTOR

Na Sesión do Pleno da Corporación Municipal de Cangas de data 30 de outubro de 2009, por unanimidade, tomouse o acordo de dedicar unha rúa da vila, concretamente a Segunda Travesía da Av. de Lugo, parroquia de Coiro, ao poeta, ensaísta, dramaturgo, narrador e, cangués de adopción, XOSÉ VAZQUEZ PINTOR, polo que con tal motivo e cadrando co mes das Letras, o venres día 21 de maio, inauguramos a devandita rúa, co notorio enriquecemento toponímico, desenrolándose os actos co seguinte horario:

PROGRAMA:

Venres día 21 de maio de 2010:
-Ás 19,30 horas.- Presentación do último libro de Xosé Vázquez Pintor MÁIS VIDAS (Espiral Maior) a cargo de Miguel Anxo Fernán Vello e o propio autor.

-Ás 20,30 horas.- Concentración a carón da Ponte do Bouzós na Av. de Lugo e, pasarrúas a cargo da Banda de Gaitas Tromentelo.

-20,45 horas.- Saúda ao distinguido e autoridades. Glosa sobre Xosé Vazquez Pintor. Descuberta da placa Rúa Xosé Vazquez Pintor. Intervencións da Sra. Concelleira de Cultura, Sra Alcaldesa e Xosé Vázquez Pintor. Percorrido de toda a comitiva pola Rúa Xosé Vázquez Pintor, na compaña de música tradicional. Diante da segunda placa, conclúe o acto coa interpretación do Himno Galego.» (Concello de Cangas)

A Coruña: Margarida Vilar Rodrigues falará sobre “As origens das políticas sociais em Galiza (1908-1963): a cobertura dos riscos de acidentes de trabalho, velhice, maternidade, enfermidade e paro”

Publicado o por

«11 de Maio do 2010 – Hora: 8 do serám
Local: Fundaçom Caixa-Galiza / Cantom Grande
Corunha

A Agrupaçom Cultural O Facho de A Corunha convida-o assistir aos seus ciclos de palestras públicas do período 2009-10. O vindouro dia 11 de Maio, terça-feira (martes), a Doutora e Professora da Universidade da Corunha, Margarida Vilar Rodrigues falará dentro do ciclo, Economia, História e C.C. Sociais, sobre “ As origens das políticas sociais em Galiza (1908-1963): a cobertura dos riscos de acidentes de trabalho, velhice, maternidade, enfermidade e paro”.

Margarida Vilar Rodrigues é Doutora em Economia pola Universidade de Barcelona (2004), instituiçom onde trabalhou durante vários anos. Na actualidade é professora do Departamento de Economia Aplicada I (Área de Historia e Instituiçons Económicas) na UDC. A sua actividade investigadora está centrada em torno ao funcionamento do mercado de trabalho, a desigualdade e as políticas sociais em Espanha e Galiza durante o século XX. […]»

Agrupaçom Cultural O Facho
Rua: Frederico Taipa 12-1º-C

Hélia Correia no III Encontro Cidade da Coruña

Publicado o por

Mañá mércores, 5 de maio, ás 20.00, no Salón de actos da Real Academia Galega (Rúa Tabernas, 11) terá lugar a terceira conferencia do III Encontro Cidade da Coruña “Literatura e viaxe”, neste caso a cargo da autora portuguesa Hélia Correia, e con título “A poeira falante”. A presentación correrá a cargo de Carlos Quiroga, profesor da USC e Vogal da Aelg para a Lusofonía.

Organizado conxuntamente pola Asociación de Escritores en Lingua Galega e a Concellaría de Cultura do Concello da Coruña, o III Encontro Cidade da Coruña, baixo lema “Literatura e viaxe”, contou xa coa presenza do poeta arxentino Juan Gelman, e do escritor galego Miguel Anxo Murado, e acollerá próximamente a Alberto Manguel (11 de maio) e a Xavier P. Docampo (19 de maio).

Presentará a escritora portuguesa o escritor e profesor Carlos Quiroga, vogal da Asociación de Escritores en Lingua Galega para as relacións coa lusofonía. Hélia Correia manterá previamente un encontro cos medios de comunicación, o mesmo día, mércores 5 de maio, ás 12,00 horas, na libraría Nova Colón (Rúa Olmos 9, A Coruña).

Escritora portuguesa contemporánea (1949), licenciouse en Filoloxía Románica e é profesora de Portugués do Ensino Secundario. Apesar do seu gosto pola poesia, é como ficcionista que é recoñecida como unha das revelacións da novelística portuguesa da xeración de 1980, aínda que os seus contos, novelas ou romances estean sempre impregnados do discurso poético. Estreouse na poesia con O Separar das Águas, en 1981, e O Número dos Vivos, en 1982.

Revelou, desde cedo, o gosto polo teatro e pola Grécia clásica, o que a levou a escrever Perdição, levada à escea, en 1993, pola Comuna. Escreveu tamén Florbela, en 1991, que viria a ser estreada polo grupo Maizum. Cabe salientar na súa produción os romances Casa Eterna e Soma e, na poesia, A Pequena Morte/Esse Eterno Conto. Foi galardoada en 2002 co premio PEN 2001, atribuído a obras de ficción, pola súa obra Lillias Fraser.