Arquivos da etiqueta: Agrupación Cultural Alexandre Bóveda
A Coruña: palestra “No ronsel de Seoane: a recreación da Galicia medieval en Na brétema, Sant-Iago“, con Jorge Carril Espido
O 18 de maio, ás 19:30 horas, na A. C. Alexandre Bóveda (Rúa Santo André, 36, 1º), na Coruña, Jorge Carril Espido ofrecerá unha palestra baixo o título “No ronsel de Seoane: a recreación da Galicia medieval en Na brétema, Sant-Iago“. A palestra fai parte do Ciclo Aula Aberta que realizamos en colaboración coa Universidade da Coruña. Nela, Jorge Carril centrarase no medievalismo de Seoane, concretamente a súa recreación no seu segundo libro de poemas en galego: Na brétema, Sant-Iago. As persoas interesadas poden anotarse aquí.
A Coruña: presentación de Unha historia da arte galega, de Carlos L. Bernárdez
A Coruña: Lectura pública polo Día das Letras Galegas 2023
A Asociación de Escritoras e Escritores en Lingua Galega e a Agrupación Cultural Alexandre Bóveda festexan as Letras Galegas cunha lectura pública o domingo 14 de maio, ás 12:00 horas, no palco de música dos Xardíns de Méndez Núñez da Coruña.
As persoas interesadas en participaren poden escoller como lectura o texto que desexen. En todo caso, apúntanse aquí tres suxestións:
– Un texto de Francisco Fernández del Riego, a quen se lle dedica este ano o Día das Letras Galegas.
– Un texto sobre a lingua galega, actual ou clásico.
– Un poema de Luísa Villalta.
Para asistir como público á lectura non é necesario inscribirse. Se se vai ler algún texto, pedimos que se indique enviando un correo electrónico previamente a acab@mundo-r.com
A Coruña: presentación de Nomes propios, de Celestino Pérez Recarey
O 27 de abril, ás 19:30 horas, na A. C. Alexandre Bóveda (Rúa Santo André, 36, 1º), preséntase o libro de relatos breves Nomes propios, de Celestino Pérez Recarey, editado por Toxosoutos. O autor estará acompañado por Javier Pintor. As persoas interesadas poden inscribirse no correo electrónico acab@mundo-r.com
A Coruña: presentación de Relatan… Nós
O 21 de abril, ás 19:30 horas, na A. C. Alexandre Bóveda (Rúa Santo André, 36, 1º), na Coruña, preséntase o libro Relatan… Nós, coa presenza de Xosé Iglesias, Eli Ríos e Xurxo Souto. As persoas interesadas, que poden reservar praza enviando un correo electrónico a acab@mundo-r.com, levarán de agasallo os especiais que Sermos Galiza publicou sobre Rosalía e sobre Murguía.
A Coruña: Andrea Gagino Mato falará sobre Besta do seu sangue, de Emma Pedreira
O 20 de abril, ás 19:30 horas, na A. C. Alexandre Bóveda da Coruña (Rúa Santo André, 36, 1º), Andrea Gagino Mato falará de “Besta do seu sangue, de Emma Pedreira. A revisión do caso Romasanta desde a perspectiva de xénero”.
Os atributos asociados ao lobo están relacionados coa concepción patriarcal da masculinidade e o lobishome é a miúdo lido en clave masculina. Esta palestra explora o fenómeno da licantropía na cultura e na literatura galegas en relación co caso Romasanta —o primeiro asasino en serie galego— e coa novela de 2018 de Emma Pedreira, Besta do seu sangue, desde unha perspectiva feminista e de xénero.
Andrea Gagino Mato é graduada en Inglés pola University of South Wales e en Galego e en Inglés pola Universidade da Coruña.
Esta actividade forma parte do ciclo Aula aberta, organizado pola A. C. Alexandre Bóveda en colaboración co grupo de investigación ILLA da Universidade da Coruña. Tátase dun espazo de divulgación e intercambio sobre temas de literatura e cultura galegas.
As persoas interesadas en asistir a esta presentación deberán anotarse no correo electrónico acab@mundo-r.com
A Coruña: presentación de Fuxidío mañá, de Rodrigo Osorio
“O 12 de abril, ás 19:30 horas, na A. C. Alexandre Bóveda (Rúa Santo Andrés, 36, 1º), na Coruña, Rodrigo Osorio presenta Fuxidío mañá. No acto intervirán, ademais do autor, Laura Sánchez e Tono Galán, de Manchea, responsabeis do deseño, a maquetaxe e a impresión do poemario que falaran do seu obradoiro e da elaboración deste libro. As persoas interesadas poden inscribirse aquí.”
A Coruña: conferencia “A proxección autoral das poetas galegas nas redes sociais dixitais”, con Inma Doval Porto
O 23 de marzo, ás 19:30 h., na A. C. Alexandre Bóveda da Coruña (Rúa Santo André, 36, 1º), dentro do ciclo Aula Aberta coa UDC, Inma Doval falaranos da proxección autoral das poetas galegas nas redes sociais dixitais: catro casos representativos. A consolidación das redes sociais dixitais facilita a comunicación e a relación entre as persoas, ao tempo que supón a creación dun novo espazo público para a (re)presentación do Eu, en moitas ocasións, cun carácter performativo. Nesta palestra analizarase a proxección autoral de catro poetas galegas contemporáneas (Helena Villar Janeiro, Dores Tembrás, Afra Torrado e Estíbaliz Espinosa) nas redes sociais dixitais e como as utilizan para se (re)presentar ante a mirada dunha audiencia múltiple e heteroxénea e para crearen un espazo (auto)biográfico cohesivo para a elaboración e recuperación da memoria individual e colectiva. As autoras empregarán estas esferas públicas conectadas como lugares de ciber-activismo e empoderamento co obxectivo final de-construíren o discurso hexemónico. As persoas interesadas poden inscribirse aquí.
A Coruña: presentación de A Boca no Ouvido de Alguém
