O 
venres 26 de novembro, a partir das 20:30 h., na Casa do Mar de Palmeira (Ribeira), a Asociación Cultural Barbantia, La Voz de Galicia, o Ateneo Valle-Inclán, a Editorial Toxosoutos e o Concello de Ribeira presentan o libro As deusas do Calvario, de Francisco Antonio Vidal, nun acto no que estarán presentes o autor; o socio de Barbantia Xesús Laíño; a representante do Ateneo Valle-Inclán, Rosa García Pose; e mais o alcalde de Ribeira, José Luís Torres Colomer.
Arquivos da etiqueta: Asociación Cultural Barbantia
Boiro: presentación de Un longo e tortuoso camiño, de Xosé Ramón Quintana Garrido
O 
venres 1 de outubro, ás 20:30 h., preséntase na Galería Sargadelos de Boiro o libro de Xosé Ramón Quintana Garrido Un longo e tortuoso camiño, nun acto organizado pola Asociación Cultural Barbantia, no que participarán, xunto co autor, Xan Hermida, Dores Torrado, Jesús Lojo Alcalde, director da Galería Sargadelos no Barbanza e Alberto Piñeiro, coordinador de Barbantia.
Ribeira: presentación do especial A Voz de Barbantia
O 
venres 24 de setembro, ás 20:30 h., no auditorio de Ribeira, a Asociación Cultural Barbantia, La Voz de Galicia e o Concello de Ribeira presentan o especial A Voz de Barbantia, que recompila os números que van do 26 ao 50 do suplemento cultural que se edita co xornal La Voz de Galicia o último venres de cada mes. No acto estarán presentes Antón Riveiro Coello, presidente de Barbantia; X. Ramón Ares Noal, delegado no Barbanza de La Voz de Galicia; Xesús Laíño, socio de Barbantia; e José Luís Torres Colomer, alcalde de Ribeira.
A Pobra do Caramiñal: presentación de publicacións e Premios Barbantia
Este venres 27 de novembro no Museo Valle-Inclán d´A Pobra do Caramiñal presentarase a partir das 20:30 o V Anuario de Estudos do Barbanza (Anuario 2009), que será nesta ocasión un monográfico adicado ao escritor e socio co-fundador de Barbantia, Anxo Rei Ballesteros; coa presenza dos coordinadores do volume, Manuel Cartea e Román Arén. A seguir preséntase o texto de Anxo Rei A flor da boca, editado por Barbantia e mais a Deputación Provincial d´A Coruña. Rematará o acto coa entrega dos Premios Barbantia da Cultura 2009, acto que dirixirá e
presentará Alberto Piñeiro, coordinador de Barbantia. Os premios son os seguintes:
Premio Barbantia 2009 á traxectoria cultural no Barbanza: Xosé Ramón España Lorenzo.
Premio Barbantia 2009 á iniciativa cultural no Barbanza: Grupo de teatro “Airiños”.
Premio Barbantia 2009 da Cultura Galega: Xosé Luís Axeitos Agrelo.
Boiro: presentación do libro de Marcos Lorenzo
A Asociación Cultural Barbantia e o Proxecto Leñaverde presentan hoxe o libro de Marcos Lorenzo Liquidación de existencias hoxe venres 29 de maio ás 20:30 horas, na Estación Leñaverde de Boiro. Estarán presentes o autor; Xavier Paz, director da editorial Difusora de Letras, Artes e Ideas; e Gonzalo Trasbach, socio de Barbantia.
Rianxo: presentación do Premio García Barros 2008
A Asociación Cultural Barbantia, a Editorial Galaxia, La Voz de Galicia e o Concello de Rianxo presentan o libro gañador do Premio García Barros 2008, Shakespeare destilado, de Xesús Constela. O acto terá lugar o venres 30 de xaneiro, ás 20:30 horas, no Auditorio de Rianxo, e estarán presentes o autor; o director da Editorial Galaxia, Víctor Freixanes; o presidente de Barbantia, Antón Riveiro Coello; e o alcalde de Rianxo, Pedro Piñeiro Hermida.
Premios Barbantia da Cultura 2008
O sábado 29 de novembro, ás 12 h:00 no Auditorio Municipal de Ribeira, A Asociación Cultural Barbantia entrega os seus premios Anuais da Cultura e mais presenta o seu Anuario de Estudos correspondente ao 2008. Desta volta, a votación dos socios decidiu os seguintes galardóns:
*Premio Barbantia da Cultura Galega: Alfonso Costa Beiro.
*Premio Barbantia á Traxectoria Cultural no Barbanza: Manuel Dourado Deira.
*Premio Barbantia á Iniciativa Cultural no Barbanza: Museo Etnográfico de Artes.
O premio consiste nun sireno de bronce feito polo escultor barbancés, Manuel Teira, e inspirado no gravado do artista Fran Blanco Alcaide.
Presentación en Boiro do Anuario e entrega dos Premios da Cultura da Asociación Cultural Barbantia
A Asociación Cultural Barbantia, o Concello de Boiro e mais a Deputación Provincial da Coruña presentan o terceiro Anuario de Estudos do Barbanza 2007. Terá lugar na Casa da Cultura “Ramón Martínez López” de Boiro, o venres 14 de decembro ás 21:00 horas.
No mesmo acto entregaranse os Premios Barbantia da Cultura 2007, que recaeron nesta primeira edición en Isaac Díaz Pardo, Xesús Santos Suárez e a Asociación Artesá e Etnográfica O Faiado-2.
Presentación en Noia d’ Os ollos de K, de Antón Riveiro Coello
Editorial Galaxia, o Excmo. Concello de Noia e mais Barbantia, presentan a novela de Antón Riveiro Coello Os ollos de K. O acto terá lugar no Salón de Plenos do Concello de Noia, o vindeiro venres, 23 de novembro, ás 20’30 h., e acompañarán ao autor, Rafael García Guerrero, alcalde de Noia; Loli Caramés, concelleria de Cultura; Víctor Freixanes, director da Editorial Galaxia; e Xesús Laíño, profesor.
Homenaxe a Ramón Martínez López en Boiro
O Concello de Boiro e a Asociación Cultural Barbantia desenvolven no mes de abril en Boiro un programa de actos con motivo do centenario do nacemento de Ramón Martínez López (1907-2007).
