O 30 de xuño, ás 19:30 horas, na A. C. Alexandre Bóveda (Rúa Olmos, 16-18, 1º), na Coruña, Alberto Pombo achegará o público ás relacións entre literatura e música no período contemporáneo. Na súa análise levanta e sistematiza as composicións musicais de corte pop baseadas en textos poéticos lanzadas entre 1960 e 1975 para, a seguir, analizar a súa influencia na literatura nun momento histórico en que a difusión editorial estaba fortemente condicionada pola censura. Esta actividade forma parte do ciclo Aula aberta, organizado pola A. C. Alexandre Bóveda en colaboración co grupo de investigación ILLA da Universidade da Coruña. Trátase dun espazo de divulgación e intercambio sobre temas de literatura e cultura galegas. Para asistir, cómpre inscribirse aquí.
Arquivos da etiqueta: Grupo Illa da Universidade da Coruña
A Coruña: Xornadas Francisco Pillado na memoria
A Coruña: “Encontro investigador sobre poesia galega atual”
A Coruña: “Investigación en teatro portugués”, no II Encontro Biblioteca-Arquivo Teatral Francisco Pillado Mayor
“No marco da inauguración da segunda etapa das publicacións da Biblioteca-Arquivo Francisco Pillado Mayor, o próximo día 28 de maio vai ter lugar un Encontro de investigadoras e investigadores no teatro en lingua portuguesa, en que participarán especialistas en literatura dramática portuguesa e na súa encenación e recepción.
O Encontro, organizado polo Grupo de Investigación en Lingua e Literatura Galegas ILLA (https://illa.udc.gal/), visa focar os principais pontos de interese da investigación actual e estabelecer pontes de colaboración entre ILLA e outros centros portugueses de pesquisa neste ámbito.
As sesións desenvolveranse online e poderase acceder libremente a elas através da ligazón: https://n9.cl/ve1l6.
O acto decorrerá consonte o seguinte programa:
10:00 h. Benvida da coordinadora do grupo ILLA, Teresa López
10:20 h. Presentación da nova etapa das coleccións da Biblioteca-Arquivo Teatral Francisco Pillado Mayor
10:45 h. Exposición de Fernando Matos de Oliveira, profesor especialista en Estudos Teatrais da Universidade de Coimbra e director do Teatro Académico Gil Vicente
11:10 h. Exposición de Francesca Rayner, profesora da Universidade do Minho e coordenadora do Research Team in Performance Studies desta universidade
11:35 h. Exposición de Helder Maia, profesor da Escola Superior de Música, Artes e Espectáculo do Porto
12:00 h. Exposición de José Alberto Ferreira, investigador da Escola de Artes (especialidade de Artes Cénicas) da Universidade de Évora
12:25 h. Exposición de Rui Madeira, director da Companhia de Teatro de Braga
12:50 h. Exposición de Rui Pinha Coelho, investigador do Centro de Estudos de Teatro da Universidade de Lisboa
13:15 h. Exposición de António Augusto Barros, presidente de Cena Lusófona e director da compañía Escola da Noite.
13:35 h. Diálogo entre as persoas participantes
14:00 h. Encerramento do encontro”
Universidade da Coruña: “Arredor de Carvalho Calero”, os 19, 20 e 21 de outubro
Máis información aquí.
Justo Beramendi: “As Irmandades da Fala modificaron a dinámica política galega”
Entrevista
de Daniel Salgado a Justo Beramendi en Sermos Galiza:
“Repensar Galicia. As Irmandades da Fala é o título do volume colectivo, coordinado por Uxío-Breogán Diéguez, Carme Fernández, Pilar García Negro, Xosé Manuel González Reboredo e Justo Beramendi que recolle as achegas ao simposio do mesmo nome organizado en novembro de 2016 polo Museo do Pobo Galego, a revista Murguía, o Grupo de Investigación Lingüística e Literaria Galega (ILLA) coa colaboración da Xunta.
Sermos Galiza disponibiliza agora os vídeos que rexistraron as intervencións nas xornadas. O historiador Justo Beramendi (Madrid, 1941) explica con concisión o papel fundamental das Irmandades da Fala para a Galiza contemporánea.
– Daniel Salgado (DS): Cal é a importancia histórica das Irmandades da Fala?
– Justo Beramendi (JB): É altísima. Por suposto foron moi importantes para a articulación do galeguismo político. E para o salto do rexionalismo a un nacionalismo pleno e moderno. Ademais, contribuíron a que se xerase en Galiza un espazo sociopolítico diferenciado e a apontoar un segundo Rexurdimento, coa consolidación da lingua e a literatura galegas.
– DS: A súa influencia excedeu o campo galeguista?
– JB: Aínda que o desenvolvemento do nacionalismo foi lento, ou non tan vizoso coma o vasco ou o catalán, aquí foi decisivo para a historia de Galiza. As Irmandades modificaron cualitativamente a dinámica política galega. Sen elas non se entende, por exemplo, a aprobación do Estatuto na II República. (…)
– DS: Que falta por saber das Irmandades?
– JB: En historia nunca se acaba, aínda que coas Irmandades eu creo que xa está cuberto o 80% do terreo. O que falta son cousas menores. Pero outra cousa é que este traballo chegue á xente.”
A Coruña: xornada de homenaxe a Pilar García Negro
O
xoves 27 de abril vaise celebrar unha xornada de homenaxe á profesora Pilar García Negro con motivo da súa xubilación, organizada desde o Grupo de Investigación Lingüística e Literaria Galega (ILLA) da Universidade da Coruña.
Este acto, aberto ao público, vai consistir nunha xornada-coloquio de corte académico centrado na reflexión sobre as liñas de investigación que a profesora desenvolveu ao longo da súa vida académica.
Esta xornada-coloquio, desenvolverase no salón de Graos da Facultade de Filoloxía da UDC e vai estar composta por dúas mesas redondas; a primeira centrada na reflexión sobre os contributos da profesora García Negro á investigación sociolingüística e a segunda sobre as súas achegas á análise da literatura contemporánea. O título e as persoas participantes no acto serán os seguintes
PILAR GARCÍA NEGRO, PENSAMENTO, PESQUISA E INTERVENCIÓN
10:30-12:00 horas
A investigación sociolingüística. A lingua galega no contexto das linguas minorizadas.
– Robert Neal Baxter: Universidade de Vigo.
– Jaume Corbera: Universitat des Illes Balears.
– Goretti Sanmartín Rei: Universidade da Coruña.
[Modera: Xosé Ramón Freixeiro Mato]
12:30-14:00 horas
A investigación literaria. Os estudos rosalianos e outras aproximacións á análise da literatura contemporánea.
– Anxo Angueira: Universidade de Vigo / Fundación Rosalía de Castro.
– Xosé Luís Axeitos: Real Academia Galega
– Kathleen March: Universidade de Maine.
[Modera: Carme Fernández Pérez-Sanjulián]
– 14:00 horas
Cerramento: actuación musical de Uxía.
A Coruña: xornada de homenaxe a Pilar García Negro, o 27 de abril
O xoves 27 de abril vaise celebrar unha xornada de homenaxe á profesora Pilar García Negro con motivo da súa xubilación, organizada desde o Grupo de Investigación Lingüística e Literaria Galega (ILLA) da Universidade da Coruña.
Este acto, aberto ao público, vai consistir nunha xornada-coloquio de corte académico centrado na reflexión sobre as liñas de investigación que a profesora desenvolveu ao longo da súa vida académica.
Esta xornada-coloquio, desenvolverase no salón de Graos da Facultade de Filoloxía da UDC e vai estar composta por dúas mesas redondas; a primeira centrada na reflexión sobre os contributos da profesora García Negro á investigación sociolingüística e a segunda sobre as súas achegas á análise da literatura contemporánea. O título e as persoas participantes no acto serán os seguintes
PILAR GARCÍA NEGRO, PENSAMENTO, PESQUISA E INTERVENCIÓN
10:30-12:00 horas
A investigación sociolingüística. A lingua galega no contexto das linguas minorizadas.
– Robert Neal Baxter: Universidade de Vigo.
– Jaume Corbera: Universitat des Illes Balears.
– Goretti Sanmartín Rei: Universidade da Coruña.
[Modera: Xosé Ramón Freixeiro Mato]
12:30-14:00 horas
A investigación literaria. Os estudos rosalianos e outras aproximacións á análise da literatura contemporánea.
– Anxo Angueira: Universidade de Vigo / Fundación Rosalía de Castro.
– Xosé Luís Axeitos: Real Academia Galega
– Kathleen March: Universidade de Maine.
[Modera: Carme Fernández Pérez-Sanjulián]
– 14:00 horas
Cerramento: actuación musical de Uxía.
Despois do acto haberá un xantar de convivio no comedor da Facultade de Arquitectura no que poderán participar todas as persoas que o desexaren (previa reserva até dous días antes no correo electrónico carme@udc.gal).
Carme Fernández Pérez-Sanjulián: “É envexábel a teoría e a acción das Irmandades”
Entrevista
a Carme Fernández Pérez-Sanjulián en Sermos Galiza:
“A profesora da Universidade da Coruña Carme Fernández Pérez-Sanjulián vén de presentar, como coordinadora, o volume As Irmandades da Fala, cen anos despois, impulsado polo grupo ILLA (Investigación Lingüística e Literaria Galega).
Recoñecida investigadora, o seu traballo céntrase no estudo da literatura galega e portuguesa dos séculos XIX e XX, así como nas relacións entre os discursos literarios, culturais e políticos, sobre todo, a respeito da identidade e da construción nacional.
– Sermos Galiza (SG): O volume que coordinas ofrécenos unha visión holística ou totalizadora das Irmandades da Fala. Como o concibistes desde o grupo ILLA?
– Carme Fernández Pérez-Sanjulián (CFPS): Concibimos o libro como unha obra interdisciplinar para poñermos de manifesto o carácter integral e totalizador do labor das Irmandades que, obviamente, non se limitou ao campo literario ou ao lingüístico. As Irmandades son como a base, o programa a partir do que se organizan múltiples liñas de traballo en moi diferente ámbitos… é importante, por exemplo, analizar como a introdución da lingua galega no ámbito científico tivo a ver co labor das Irmandades.
– SG: Nesa interdisciplinariedade foi fundamental o grupo de autoras e de autores.
– CFPS: A preparación deste libro enmárcase na proposta inicial, que xorde desde o Museo do Pobo Galego, para coordinar e organizar as actividades polo Ano das Irmandades. Foi unha convocatoria xeral dirixida a todo o tecido cultural galego en sentido amplo, e tamén ao académico, para intentar artellar o máis posíbel as actividades, para evitar duplicidades… e coordinar esforzos A esa reunión, para alén de institucións, fundacións… foron convocadas as universidades, sobre todo, os departamentos de Filoloxía Galega, así como o de Historia Contemporánea da USC. E das tres universidades, só respondemos nós, o noso grupo de investigación. Así, a Universidade da Coruña, a través do grupo ILLA, implicouse activamente na organización do simposio Repensando Galiza que tivo lugar en novembro e, xa de modo máis específico, na organización deste volume de estudos. (…)”
Entrevista a Carme Fernández Pérez-Sanjulián sobre As Irmandades da Fala, cen anos despois
Desde o Diario Cultural da Radio Galega:
“Carme Fernández Pérez-Sanjulián, coordinadora do volume As Irmandades da Fala, cen anos despois do grupo ILLA de Investigación Lingüística e Literaria Galega. “Foise consolidando a idea clara de que as Irmandades non son só o momento fundacional, senón que funcionan como organizadoras da actividade cultural e ideolóxica, como magma de fondo, entre o 1916 e o 1931”. Pode escoitarse a entrevista aquí.”
