Arquivos da etiqueta: Marcos Calveiro

Santiago: A forza das minorías, 32ª edición do Congreso do IBBY

Publicado o por

No Pazo de Congresos de Santiago celébrase entre o mércores 8 e o domingo 12 de setembro a 32ª edición do Congreso IBBY (International Board on Books for Young People), que reunirá a centos de expertos en literatura infantil e xuvenil para abordar a importancia das minorías nun mundo globalizado. O evento, organizado pola Organización Española para o Libro Infantil e Xuvenil (OEPLI), sección española da IBBY, desenvolverase baixo o lema A forza das minorías e incluirá conferencias e mesas redondas que analizarán o impacto das minorías, xa sexan étnicas, lingüísticas, relixiosas ou de xénero, na vida dos nenos e nenas. Ademáis das ponencias e das mesas redondas, ao longo dos días do congreso realizarse en Santiago unha serie de actividades paralelas entre as que destaca a entrega dos Premios Hans Christian Andersen 2010, considerados como os máis prestixiosos galardóns da literatura infantil e xuvenil a nivel mundial, ao escritor británico David Almond e a ilustradora alemá Jutta Bauer.
Nas ponencias participarán especialistas de todo o mundo como Heidi Cortner Boiesen (Noruega), Emilia Ferreiro (Arxentina/México), Olayinka Koso-Thomas (Nixeria/Serra Leona), Lygia Bojunga (Brasil) e Carole Bloch (Sudáfrica). Galicia estará representada por Víctor F. Freixanes, Fina Casalderrey, Manuel Rivas, Miguelanxo Prado, María Reimóndez, Blanca Roig ou Marcos S. Calveiro. O programa completo pódese descarregar aquí.

Monforte: inauguración da Feira do Libro o mércores 25 de agosto

Publicado o por

En Monforte desenvolverase a XIII edición da Feira do Libro do mércores 25 de agosto até o sábado 28, na rúa Cardeal, con horarios entre as 11.00 a 14.00 e de 18.00 a 22.00 horas todos os días.
Na primeira xornada, o acto de inauguración será ás 18:00 horas, a cargo de Xosé Manuel Pereiro. Logo, ás 20:30 h., Marcos Calveiro asinará exemplares do seu libro Settecento e do resto da súa obra.
O programa completo da Feira pódese ver aquí.

A Guarda: presentación de O burato do inferno, de Xosé Manuel e Ramón Trigo

Publicado o por

Despois de ser presentada o mércores 11 na Feira do Cómic da Coruña, este xoves 12 de agosto ás 20:30 horas, os irmáns Xosé Manuel e Ramón Trigo presentan a novela gráfica O burato do inferno, publicada por Faktoría K de Libros, no Museo do Mar da Guarda (Atalaia do Paseo Marítimo). No acto intervirá o escritor Marcos Calveiro.

A Coruña: programa do martes 3 de agosto na Feira do Libro

Publicado o por

18.00 h. Presentación de Pasaporte, un poema do escritor maltés Antoine Cassar, con ilustracións de Asya Reznikov e Noel Tanti e adaptación ao castelán de Carmen Herrera e Antoine Cassar. Xunto co autor, participarán no acto Yolanda Castaño e a ONG de Ecodesarrollo Gaia.
19.00 h. Ánxel Vázquez de la Cruz asinará exemplares do seu libro Luz de Tebra, publicado por Edicións Xerais de Galicia.
19.00 h. Presentación dos libros La emigración española a Europa en el siglo XX e Hijos y nietos de la emigración española. Las generaciones del retorno, coordinados por X. Amancio Liñares Giraut, e editados polo Grupo España Exterior. Intervirán no acto Laura Oso Casas, profesora de Socioloxía na Universidade da Coruña, Xesús Fraga, xornalista e o coordinador das obras.
19.30 h. Benigno Campos, autor do libro A cociña de Larpeiros, publicado por Galaxia, asinará exemplares do seu libro.
20.00 h. O escritor Ánxel Vázquez de la Cruz presenta o seu libro Luz de Tebra. Xunto co autor, participarán no acto o escritor Manuel Rivas, o doutor Manuel Salorio e Manuel Bragado.
21.00 h. O escritor Marcos Calveiro presentará o seu libro Seteccento, publicado por Xerais. Xunto co autor, intervirán Óscar Sánchez e Manuel Bragado.

Vigo: presentación de O pintor do sombreiro de malvas, de Marcos Calveiro

Publicado o por

Dentro das actividades da Feira do Libro, este mércores 7 de xullo ás 20:30 horas, Marcos Calveiro presenta o seu libro O pintor do sombreiro de malvas, Premio Lazarillo 2009, publicado en Xerais. No acto participan Ramón Trigo, Manuel Bragado e o propio autor.