Arquivos do autor: asociacionescritoras-es

A Coruña: V Xornadas de Literatura Infantil e Xuvenil e animación á lectura: Prohibido calar! Bibliotecas escolares, espazo de diálogo, o 27 de outubro

Publicado o por

A AELG colabora coas V Xornadas de Literatura Infantil e Xuvenil e animación á lectura: Prohibido calar! Bibliotecas escolares, espazo de diálogo, actividade da Universidade da Coruña, ao abeiro do convenio coa Secretaría Xeral de Política Lingüística.

A actividade terá lugar o 27 de outubro, ás 16:30 horas, no Salón de actos da Facultade de Ciencias da Educación da Universidade da Coruña. As profesoras coordinadoras da actividade son Montserrat Muriano Rodríguez, Iria Sobrino Freire e Patricia Carballal Miñán, da Facultade.

O obradoiro-coloquio conta coa presenza de:
– Diego López, da Biblioteca do CEIP Emilia Pardo Bazán.
– Iván Pena, da Biblioteca do CRA de Culleredo.
– Patricia Prado, da Biblioteca do CEIP San Pedro de Visma.

Francisco Castro gaña o XIX Premio de Xornalismo Francisco Fernández del Riego

Publicado o por

Desde Afundación:
“O Café Moderno Afundación de Pontevedra celebrou o acto de entrega do XIX Premio Afundación de Xornalismo Fernández del Riego o martes 25 de outubro, outorgado a Francisco Castro polo seu artigo «Coiden da música» publicado en La Voz de Galicia.
Acompañaron o premiado, ademais das outras dúas persoas finalistas, Cláudia Morán e Diego Giráldez, todas as persoas que conformaron nesta edición o xurado: Víctor Freixanes, presidente do xurado; Carlos Valle, secretario; Fina Casalderrey, vogal; Míriam Ferradáns, vogal; e Gloria Rodríguez López, vogal.
Tamén Camiño Noia, escritora, filóloga e profesora emérita da Universidade de Vigo, participou do acto, facendo unha introdución sobre a sobranceira figura de Francisco Fernández del Riego, a quen se lle dedicará o Día das Letras Galegas no vindeiro 2023. A raíz desta homenaxe, convocamos a vixésima edición do Premio Afundación de Xornalismo Fernández del Riego, que presentará as súas persoas finalistas no mes de maio, coincidindo coa celebración do Día das Letras Galegas.”