Arquivo da categoría: Lectura
X Semana do libro en Culleredo
ENCONTROS CULTURAIS DA PRIMAVERA 2010 (Do venres 16 ao venres 23 de abril)
Por décimo ano consecutivo a Concellería de Cultura do Concello de Culleredo a traveso das súas Bibliotecas Municipais “Xosé Cardeso Liñares” e “Uxío Novoneyra” de Vilamelania – Vilaboa e “Miguel González Garcés” de O Burgo, organizan para os días dende o venres 16 ao venres 23 de abril, a X SEMANA DO LIBRO DE CULLEREDO baixo o lema: “Algo máis que libros”, xa que a algunhas actividades de lectura e literarias, súmanse numerosos obradoiros de 3D, plastilina, de ilustración, de iniciación a banda deseñada, de poesía, ademais de actividades de comic, contacontos, de teatro, espectáculos poéticos, etc…
Nunha programación moi intensa, xa que serán nada menos que quince actividades diferentes, dirixidas a todos os públicos, con programación para adultos, xóvenes e programación para nenos/as, que serán sen dúbida os grandes protagonistas da semana, con actividades que en moitos casos é necesario inscribirse, desenvolvéndose nas bibliotecas municipais.
Todas estas actividades súmanse ás que regularmente se desenvolven nas bibliotecas dende o mes de setembro, na súa programación habitual, que é causante en gran medida, do gran aumento tanto en número de socios, préstamos e consultas, que supón o ano de mais afluencia dende a súa creación.
PROGRAMACIÓN
Venres 16
Ás 18:30 h.
Na biblioteca Miguel González Garcés do Burgo “Contaconto” a cargo de Marisa Irimia. “O coidador de porcos”.
(Nenos de 3 a 9 anos) – Entrada libre.
Luns 19
Ás 18:30 h.
Biblioteca “Miguel González Garcés” do Burgo e Biblioteca “Xosé Cardeso Liñares” de Vilamelania-Vilaboa. “Trae o teu libro preferido”.
Para nenos – Entrada libre.
Martes 20
Ás 11:00 h.
Biblioteca “Miguel González Garcés” do Burgo. Club de lectura: Comentar a lectura do libro “El juego de los abalorios”. Adultos.
Ás 18:30 h.
Obradoiro de ilustración, a cargo de María Lires.
(Nenos de 9 a 13 anos). Previa inscrición.
Ás 18:30 h.
Biblioteca “Xosé Cardeso Liñares” de Vilamelania-Vilaboa.”Instantáneas de plastilina”, a cargo de María Noel Toledo.
(Nenos a partir de 7 anos). Previa inscrición.
Mércores 21
Ás 11:30 h.
Biblioteca “Miguel González Garcés” do Burgo. Tertulia de arte: Comentar a vida e obra de Mondrian. Adultos
Ás 17:30 h.
Club de lectura: Comentar a lectura do libro “La música del hambre”. Adultos
Ás 18:30 h.
Contos con música: “Vento_Son” a cargo de Marisa Irimia e Juan Carlos Vázquez Otero.
(Nenos de 6 a 12 anos). Entrada libre.
Ás 20:30 h.
Servizos Múltiples do Burgo. “Cancións contadas/Contadas Cancións”. a cargo de Mon Santiso e Compañía.
Adultos. Entrada libre
Ás 18:30 h.
Biblioteca “Xosé Cardeso Liñares. Vilamelania-Vilaboa. “Obradoiro de poesía”.
(Nenos a partir de 4 anos). Previa inscrición.
Xoves 22
Ás 18:30 h.
Biblioteca “Xosé Cardeso Liñares” Vilamelania-Vilaboa. “Contaconto” a cargo de Marisa Irimia: “O coidador de porcos”.
(Nenos de 3 a 9 anos). Entrada libre.
Ás 18:30 h.
Biblioteca .Miguel González Garcés. do Burgo. “Obradoiro de iniciación á banda deseñada”, a cargo de Gochi.
(Nenos de 10 a 15 anos). Previa inscrición.
Venres 23
Ás 18:30 h.
Biblioteca “Miguel González Garcés” do Burgo. “Contos en inglés” a cargo de Conchi Fuentes.
(Nenos de 4 a 10 anos). Entrada libre.
Ás 20:00 h.
Bar “O Muíño”, Edificio de Servizos Múltiples do Burgo. Apertura da Biblioteca do Cómic.
(Mozos e adultos). Entrada libre.
Ás 20:30 h.
Edificio de Servizos Múltiples do Burgo. Teatro: “Comisaría especial para mulleres” a cargo de Salmonela Teatro.
Público Adulto – Entrada libre.
O CONCELLARÍA DE CULTURA
Campaña de animación á lectura do Concello de Santiago e Kalandraka
A Campaña de Animación á Lectura que organizan ata o 22 de maio o Departamento de Educación do Concello de Santiago e KALANDRAKA, en colaboración coa Galería Sargadelos, cumpre unha década ao servizo da comunidade escolar e educativa da bisbarra compostelá. Co lema “Un gran soño”, que non só é o título da obra galardoada co II Premio Internacional Compostela de Álbum Ilustrado, senón tamén a expresión do camiño percorrido nestas dez edicións, a Campaña vólcase un ano máis en desenvolver actividades gratuitas para escolares, educadores, bibliotecarios e promotores da lectura, público familiar e, por primeira vez, prelectores e futuros creadores artísticos. A programación durará ata o 22 de maio na Galería Sargadelos, nas escolas infantís de Conxo, As Fontiñas, San Roque e Polígono do Tambre, e tamén no IES de Sar.
Máis información aquí.
A Coruña: Novo Club de Lectura en Galego, coordinado por Francisco Fernández Naval
Achegamos información relativa ao Novo Club de Lectura en Galego que, coordinado polo escritor Francisco Fernández Naval, comeza a súa andaina na Biblioteca Pública da Coruña Miguel González Garcés. Se está interesado, pode inscribirse por teléfono (981-170218/19) de 8:30-15 h. ou na Sala de Consulta da Biblioteca (15-20:20 h.).
A TVG promociona a lectura con microespazos dun minuto
A Televisión de Galicia emite dende onte e de luns a venres, despois do telexornal do mediodía, o espazo Palabra de autor, palabra de autora co obxectivo de fomentar o libro galego ao longo deste Ano da Lectura. A campaña difusora das nosas letras tamén se estende á Radio Galega, xa que cada mañá a emisora autonómica programará unha entrevista que, baixo o título Biblioteca aberta, achegará os gustos literarios de autores, ilustradores e editores. A Consellería de Cultura inviste 120.000 euros entre a promoción radiofónica e a televisiva. [Ler información completa en Xornal de Galicia]
A Coruña: Antonio Reigosa na Biblioteca González Garcés
Picar sobre a imaxe para vela ampliada
Gondomar: Xornadas “Lendo en familia”
Os días venres 16 e sábado 17 de outubro, no Centro Neural de Gondomar, terán lugar as XORNADAS LENDO EN FAMILIA que organiza Espazo Lectura en colaboración coa Secretaría Xeral de Política Lingüística. Estas xornadas, destinadas fundamentalmente a nais e pais interesados en fomentar o hábito lector nos seus fillos e fillas, queren servir de reflexión e de intercambio de experiencias arredor do papel fundamental que cumpre a lectura na formación das persoas dende a infancia.
Dentro do programa inclúense conferencias e obradoiros a cargo de Concha Costas (presidenta de Espazo Lectura), Cristina Novoa (asesora de bibliotecas escolares da Consellería de Educación), Rosana Estévez (vicepresidenta e coordinadora de Dinamización de Espazo Lectura) e Paula Carballeira (escritora, contadora e actriz), Dolores Vilavedra (profesora da Universidade de Santiago), María do Cebreiro. Descargar folleto.
A novela Festina Lente abre mañá martes 6 a nova tempada do Club de lectura Sete Vidas
Este martes de 6 de outubro, ás 20.00 horas, Espazo Lectura reanuda as sesións mensuais do Club de Lectura Sete Vidas, que se celebrará, como en sesións anteriores, na Biblioteca de Gondomar. O autor da novela, Marcos Calveiro, estará na librería Libraida o próximo 23 de outubro, á disposición de todos os lectores.
O libro que citará aos lectores e lectoras para falar e debater, informalmente, sobre el é, nesta ocasión, a novela Festina lente, de Marcos Calveiro, publicada por Xerais. Trátase dunha novela que está a ter unha gran acollida entre o público e que mesmo está dando lugar a roteiros literarios por Santiago de Compostela, a cidade onde está ambientada. Un texto escrito con enorme alento e prosa depurada, que propón unha intrigante viaxe polo mundo dos libros e o coñecemento nun tempo de intolerancia.
Esta sesión do Sete Vidas completarase o día 23 de outubro cunha visita do autor, Marcos Calveiro, á libraría Libraida de Gondomar, onde falará sobre a súa novela e manterá un encontro cos lectores e lectoras.
O Club de Lectura Virtual Eurorrexional inicia unha nova etapa coa lectura comentada dunha obra de Pessoa
O Club de Lectura Virtual Eurorrexional xestionado polo CEER (entidade creada pola UDC, USC, UVIGO, UTAD, UMINHO e UPORTO) inicia unha nova andaina coa obra O Banqueiro Anarquista, escrita por Fernando Pessoa. Esta obra é un referente na literatura universal e representa un extraordinario exemplo do debate sobre o individualismo e de como se pode ser capaz de superar as estruturas colectivas e as limitacións establecidas polas sociedade.
A obra O Banqueiro Anarquista poderá ser comentada durante as próximas dúas semanas polos usuarios que se inscriban neste enderezo web.
Santiago: xornada de actividades arredor do libro Festina lente
O club de lectura Gálix Tendendo Redes pecha ata setembro as súas actividades cunha xornada lúdico-artístico-literaria que pretende poñer de relevo un dos temas máis debatidos ao longo destes meses, o das marxes, é dicir, os territorios de fronteira da Literatura Xuvenil. Para iso escolleron unha obra de ficción pertencente ao xénero da novela histórica, cunha trama de misterio sólida e ben documentada, así como cunha calidade e exixencia literarias interesantísimas. Trátase da novela publicada por Edicións Xerais de Galicia Festina lente do autor Marcos Calveiro. Haberá unha lectura compartida o día 2 de xullo de 17 a 19 horas no Consello da Cultura Galega. Ese mesmo día o doutor Carlos Sastre, experto en iconografías medievais, renacentistas, modernas e contemporáneas establecerá as claves entre arte e literatura ao longo da Historia.
O sábado 4 de xullo poñerán fin a esta primeira andaina inverno-primavera 2009 cunha xornada artístico-literaria polo escenario de Festina lente en Santiago de Compostela, así como cunha actividade de Bookcrossing patrocinada por Edicións Xerais de Galicia, na que se deixarán en variados escenarios da zona vella de Santiago de Compostela exemplares desta obra e doutras tanto dos autores escollidos este ano no club de lectura como doutros pertencentes á literatura xuvenil galega. Pechará o día un recital poético que leva como lema Canteiro en Compostela, no cal moitas das nosas poetas e moitos dos nosos poetas labrarán con palabras a beleza da cidade pedra. Para apuntarse á actividade do día 4 de xullo é preciso contactar por correo electrónico coa organización en calquera destes enderezos: Gálix / Ánxela Gracián / Tendendo Redes.
