Radiocrítica do 17-11-2014, por Armando Requeixo

Desde o blogue de Armando Requeixo, Criticalia:
Velaquí unha nova Radiocrítica emitida o luns día 17 de novembro en Ames Radio (107.2 FM, accesible on line aquí). Nesta ocasión falei con Nazaret López de A maleta de Victoria Kent, de Xerardo AgraFoxo (I, 0:30); Fulguración e silencio, de Xavier Rodríguez Barrio (4:22), Álvaro Cunqueiro o los disfraces de la melancolía, de Anxo Tarrío (9:04) e Os amigos de Santi, de Araceli Gonda e Xosé Tomás (13:02).

O Diario Cultural da Radio Galega gaña o Premio do Público Culturgal 2014

DesdeCulturgal Culturgal:
“O programa da Radio Galega, Diario Cultural, que dirixe a xornalista e poeta Ana Romaní, fíxose co Premio do Público Culturgal 2014. Desde o pasado 30 de outubro até o 18 de novembro os e as internautas puideron votar a través da web de Culturgal entre tres candidaturas: Diario Cultural, Cineuropa e o Salón de Cómic Viñetas desde o Atlántico. Finalmente o programa da Radio Galega obtivo 361 votos, o festival de cine compostelán 269 e o salón de banda deseñada da Coruña, 171. (…)
Recoñecer un proxecto cultural destacado no ámbito social a través da participación popular é a finalidade do Premio do Público Culturgal. Para seleccionar as tres candidaturas finais valoráronse especialmente por parte das asociacións que forman parte de Culturgal aquelas propostas que se relacionan directamente coa sociedade civil e fomenten a súa implicación.
O diploma acreditativo do Premio do Público será entregado nun acto festivo o domingo 7 de decembro ás 17:00 h., dentro da programación Culturgal 2014.”

Ponte nas Ondas e Xurxo Souto gañan o Premio Ondas á mellor cobertura informativa

DesdeXurxo Souto Sermos Galiza:
“Ponte nas ondas e Xurxo Souto reciben o único Premio Ondas a un programa ou proxecto nunha lingua distinta do español. O programa radiofónico no que participan centros escolares e emisoras de Galiza e Portugal e o escritor Xurxo Souto impuxéronse nos galardóns aos que concorreron 300 candidaturas de máis de 20 países de todo o mundo. A Cadena Ser concede os Premios Ondas que conmemoran nesta edición o seu 61 aniversario.”