Arquivo da categoría: Teatro en escena
Boiro: XIV Romaría das Letras no Barbanza
A Coruña: “Homenaxe a Castelao: Arte, Narrativa e Teatro”
O 8 de abril, ás 19:30 horas, na A. C. Alexandre Bóveda (Rúa Santo André, 36, 1º), na Coruña, o grupo Alexandre Bóveda Teatro súmase ao aniversario de Castelao cun espectáculo que combina diferentes expresións artísticas inspiradas na obra do autor. A través de debuxos que evocan os seus contos, narrados polos intérpretes do grupo, e a representación dun fragmento da súa célebre obra dramática Os vellos non deben de namorarse, o público poderá mergullarse no universo creativo de Castelao. Dirixe a montaxe Manuela Varela. As persoas interesadas poden inscribirse aquí.
Galaxia celebra o seu 75 aniversario coa función A Biblioteca Galáctica contra a IA Fantástica, obra de Carlos Labraña
Vigo: Eu.Camões, os 19 e 20 de decembro
A Coruña: 27 Memorial Ibán Toxeiro
A Estrada: VII Mostra de teatro escolar Olimpio Arca Caldas
A compañía Elefante elegante estrea novo espectáculo en Alemaña, unha peza baseada na novela Os bicos feridos, de Anna R. Figueiredo
Desde Nós Diario:
“A cidade alemá de Nuremberg prepárase para acoller a estrea de Schmetterlinge, unha produción innovadora que conecta culturas e sensibilidades europeas a través da adaptación teatral de Os bicos feridos, novela da escritora Anna R. Figueiredo.
Este espectáculo está dirixido por María Torres e Gonçalo Guerreiro da compañía Elefante Elegante e estréase no emblemático teatro alemán Gostner Hoftheater de Nuremberg, onde estará en cartel até o vindeiro 7 de decembro.
Schmetterlinge segue a historia de Olivia, unha muller que naceu en Alemaña, filla de pais galegos emigrados. Aínda que vive na Galiza desde os oito anos, regresa ao país onde naceu para traballar como empregada de limpeza na casa e no laboratorio de Lisa, unha médica forense, divorciada e con dous fillos. Un día, Olivia coñece a Samuel, o fillo de Emma, unha actriz e cantante que non logra consolidar unha carreira artística. Samuel suicídase, e Lisa encárgase de realizar a autopsia.
A obra Schmetterlinge, título que significa en alemán Bolboretas, explora temas universais de perda, superación e identidade nunha montaxe cunha linguaxe plástica que evoca a poesía visual. A colaboración entre Elefante Elegante e Gostner Hoftheater é unha oportunidade única para afondar nas complexidades da novela e levala a un novo nivel escénico. (…)”
Ninguén tira fotos nos enterros, de Carlota Mosquera, é a proposta premiada no VII Festival Pezas dun Teatro do Porvir 2024: Galiza + Portugal
O 27 de outubro de 2024, o xurado do VII Festival Pezas dun Teatro do Porvir 2024: Galiza + Portugal, dentro da IX Xornada da Sección de Literatura Dramática, formado por Afonso Becerra Arrojo, en representación da AELG; Xosé Paulo Rodríguez, director do Teatro Rosalía Castro da Coruña e Membro da Xunta Directiva de La Red do Estado español; Célia Maria Guido Mendes, en representación do Camões–Centro Cultural Portugués en Vigo; e Roberto Pascual, dramaturgo, docente e investigador; despois de deliberar tras ter presenciado as propostas achegadas e recibir as votacións dos grupos participantes, decidiu que a peza premiada coa posibilidade da súa estrea nalgún dos espazos teatrais da cidade da Coruña ao longo de 2025-2026 sexa:
– NINGUÉN TIRA FOTOS NOS ENTERROS, de Carlota Mosquera.
Propostas escollidas para o VII Festival Pezas dun Teatro do Porvir 2024: Galiza + Portugal
Estas son as propostas escollidas para o VII Festival Pezas dun Teatro do Porvir 2024: Galiza + Portugal, organizado pola AELG co apoio do Concello da Coruña, CEDRO, o Camões-Centro Cultural Português em Vigo, e a subvención da Deputación da Coruña.
O 21 de outubro de 2024, tras varias deliberacións a través de medios virtuais, o xurado do VII Festival Pezas dun Teatro do Porvir 2024: Galiza + Portugal, formado por Afonso Becerra Arrojo, en representación da AELG; Xosé Paulo Rodríguez, director do Teatro Rosalía Castro da Coruña e Membro da Xunta Directiva de La Red do Estado español; e Célia Maria Guido Mendes, en representación do Camões–Centro Cultural Portugués en Vigo, decidiu que as pezas escollidas para esta nova edición do Festival, que terá lugar o 27 de outubro na Coruña, sexan as seguintes:
Propostas galegas escollidas para o VII Festival Pezas dun Teatro do Porvir 2024 (por orde alfabética do nome da proposta):
– A VELHA BERIMBAU, de Sol Mariño.
– EN CARNE VIVA, de Andrea González García.
– NÉMESE EN TRÁNSITO, de Paula Sanmartín Juncal.
– NINGUÉN TIRA FOTOS NOS ENTERROS, de Carlota Mosquera.
Propostas portuguesas escollidas para o VII Festival Peças de um Teatro do Porvir 2024 (por orde alfabética do nome da proposta):
– CARTA À MÃE, de Luís Campião.
– POR FAVOR NÃO MEXER/POR FAVOR NÃO TOCAR. de Nuna.
– UMA HISTÓRIA, de Isabel Milhanas Machado.
O xurado quere manifestar a súa alta valoración de todas as propostas chegadas, 10 galegas e 4 portuguesas, seguindo as bases da convocatoria, dispoñíbeis aquí.
