Desde
Xerais:
“A escritora e xornalista María Solar acaba de estrear unha nova web onde se dá información sobre os seus libros e biografías, así como noticias. A web integra as distintas ferramentas que usa a escritora nas redes sociais. (…)”
A Coruña: Colisións polipoéticas en Extramuros
Noia: Rosalía nos 150 anos de Cantares, conferencia de Helena Villar
10º Simposio do Libro e da Lectura: O futuro da biblioteca no entorno dixital
Desde
a Asociación Galega de Editores:
“O Simposio anual sobre o Libro e a Lectura chega a súa décima edición co mesmo ánimo e gañas cos que iniciou o seu percorrido, alá polo ano 2003. Todo un privilexio e unha fortuna nos tempos que corren. No transcurso destes dez anos ininterrompidos pasaron por este evento máis de 1.500 profesionais entre conferenciantes, relatores e asistentes de todas as edicións.
Nesta renovada xeira, centrada nas bibliotecas, a organización prantexouse abordar os retos que estes espazos de promoción e dinamización do libro e a lectura, deberán enfrontar nun próximo futuro, retos que non son alleos ao mundo editorial, fundamentalmente no eido do novo paradigma dixital e tamén no que atinxe ás dificultades derivadas da coxuntura económica de todo o ámbito do libro.
O futuro da biblioteca no entorno dixital é o título baixo o cal se elaborou un programa que contempla unha xornada de traballo intenso e reflexivo, na cal os asistentes e os participantes, relatores e conferenciantes, van ter ocasión de expoñer e debater sobre a actualiadade e o futuro do paradigma dixital no entorno bibliotecario.
Aberto o prazo de inscrición, que se pode realizar aquí: Formulario.
O programa, que pode descargarse aquí: Simposio do Libro 2013, é o seguinte:
– 10:00 h. Inauguración. Presidente da AGE, Secretario Xeral de Cultura e representante Consello da Cultura Galega.
– 10:30 h. Conferencia inaugural: Jordi Permanyer i Bastardas, Gerent de Biblioteques da Diputaciò de Barcelona.
– De 12:00 a 14:00 h. Panel de experiencias sobre bibliotecas de éxito. Interveñen:
* Cristina Novoa, Coordinadora de Bibliotecas Escolares da Consellería de Educación. As bibliotecas escolares galegas no contexto da cultura dixital. Proxecto E-LBE.
* Mari Luz Corral, directora do Sistema de Bibliotecas Públicas Municipais de Oleiros.
* Catuxa Seoane, responsable de comunicación dixital e coordinadora das redes sociais da Rede de Bibliotecas Municipais da Coruña.
* Francisco Domínguez, director da Biblioteca Penzol. Dixitalización para a investigación.
* Mª del Mar Larouba Sánchez, directora da Biblioteca Nodal Miguel González Garcés da Coruña.
– De 16:30 a 18:00 h. Debate sobre a biblioteca e o entorno dixital. Interveñen:
* Celso Figueroa, director de Nube dixital. Libranda/Bibliotecas.
* Mabela Casal, directora da Biblioteca Universitaria da USC.
* Elena Becerra, directora de Bibliotecas de Redondela.
* Miguel Ángel Calvo Lázaro, director Xeral de Xercode-Servizos Bibliotecarios.
– De 18:15 a 19:30 h. Conferencia de peche: En defensa da biblioteca pública. Suso de Toro, escritor e profesor.”
Betanzos: presentación de Os ángulos na brasa e recital poético de Manuel Álvarez Torneiro
O
sábado 19 de outubro, ás 19:00 horas, na Libraría Biblos de Betanzos (Rúa Santiago, 4), Manuel Álvarez Torneiro presentará Os ángulos da brasa, publicado en Faktoría K, libro que lle permitiu ser o primeiro poeta galego recoñecido co Premio Nacional de Poesía por un poemario na nosa lingua, do que recitará varios poemas. Se a meteoroloxía o permitise, o acto celebraríase na praza de Santiago, entre a Libraría Biblos, a igrexa de Santiago e a cafetería Lanzós.
Vigo: presentación de Cantares gallegos, hoxe, de Pilar García Negro
O 
venres 18 de outubro, ás 19:45 horas, na Casa Galega da Cultura (Praza da Princesa, 2) de Vigo, preséntase o libro Cantares gallegos, hoxe. Unha lectura actualizada de Rosalía de Castro, de Pilar García Negro, publicado en Alvarellos Editora. No acto participa, xunto á autora, Henrique Alvarellos.
Compostela: mesa redonda Diálogos Literários: Moçambique-Brasil-Galiza
A
quinta feira, 17 de outubro, ás 19:30 horas, na Sala de Actos da Biblioteca Ánxel Casal (Avenida Xoán XXIII, s/n.) de Compostela, terá lugar a mesa-redonda Diálogos Literários: Moçambique-Brasil-Galiza, cos escritores Cremildo Bahule (Moçambique), Olavo Amaral (Brasil) e Carlos Quiroga. A entrada é libre.
Gondomar: homenaxe do Instituto de Estudos Miñoranos a Rosalía de Castro
O
venres 18 de outubro, ás 20:00 horas, no Auditorio Municipal de Gondomar Lois Tobío terá lugar un espectáculo musical en homenaxe a Rosalía de Castro. O acto contará coa participación do escritor Anxo Angueira, presidente da Fundación Rosalía e a intervención dos grupos musicais: 2naFronteira, Son do Val, Kogito-Ska feito na Galiza, Conservatorio de Música do Concello de Gondomar, Xardín Desordenado e o Coro Tradicional Cantares do Brión. Conducirán o acto Marta Dacosta e Rexina Vega. Por razóns de seguridade, a organización foi requirida para que garanta que non se superará o número de prazas habilitadas no local referido. A tal efecto, os asistentes deberán retirar unha entrada, no propio auditorio, nos momentos previos ao comezo da función, entrada que será indispensable para acceder ao local. Estes boletos irán numerados correlativamente, pero iso non significa unha reserva de asento, senón só unha reserva de praza. Unha vez completa a cabida, non poderá acceder ningunha persoa máis. Esperamos e desexamos que estas medidas esixidas non entrañen ningunha molestia. A actividade enmárcase nas homenaxes preparadas polo Instituto de Estudos Miñoranos a Rosalía de Castro, as que inclúen a celebración do Xantar Rosaliano (de prazas limitadas) a desenvolverse o sábado 20 nas instalacións do Pazo da Escola en Mañufe.
O Carballiño: proxección do documental A fazaña da liberdade, sobre Alexandre Bóveda
Betanzos: presentación de Baixo a lona preta, de Xosé García Rodríguez
O
venres 18 de outubro, ás 20:00 horas, na Libraría Carricanta (Rúa Doutor José Fariña nº 1, baixo dereita) de Betanzos, preséntase Baixo a lona preta. Xornal de viaxe dun brigadista na Bahia do MST, de Xosé García Rodríguez, publicado por Estaleiro Editora. No acto, xunto ao autor, participa Marcos Abalde.
